تجمع حوامل ليبيا

[أم سعد]

عيون .. في محل في قرقارش اسمه فيراندا بري وشوفي عنده حاجات حلوة هلبه

[عيون زوجي]

الله يبارك فيكم ويسمعنا اعليكم كل خيررررررر

[عيون زوجي]

رح نشوفه بس انتي اقترحي عليا شي معين
مرت خوي تبي حاجه دائريه
لانهامجهزة باكوات دائريه
انا فكرت في كب كيك بالشكولاته شن رايك

[أم سعد]

أنا نحب ناخد منه التيراميسو حلو هلبه عنده

[ღॐ آية ღॐ]

السلام عليكم
كيف حالك عيون والحمد لله على سلامة وخيتك
ويتربى في عزكم يارب
فكرة الكب كيك حلوة هلبا بس اكيد لازم تكون محشية وكبيرة شوية
يم يم سفهتيني..

[اضوء]

مساء الخير عيونى \والحمد لله على سلامة أختك ومرة خوك وأنشاء الله يتربو فى عزهم $أما بالنسبة للحلوا فمن رأى تقدمى ترافيل كيك بالشكولاته

[ام قصى محمد]

اهلا عيون زوجى انا الجمعه جايني صبايا عشان يحمدولي عالسلامه وصيت مرت خويا تجبلي نوعين مع الشاي واحد مالح واحد حلو بالتمر ومبروك علي اختك ومرت خوك وانشالله عقبالك وكل الصابرين يييييييييييييييييارب

[ام قصى محمد]

ميمونه دزيتلك رساله عايميل وصلاتك يابنات الشاى يبى حاجه مالحة او متوسطة الحلاوه

[ام قصى محمد]

عيون زوجى اني توا فى ليبيا

[راجيه فرج ربها]

السلام عليكم ورحمة الله وبركاته

مبببببببببببببببببببببببببببببببببببببببرررررررررر رررررررررررررررررررررررووووووووووووووووووك
ااااالف مبرررروك نسرينا وعقبالنا كلنا يارب

والله اول مادخلت التجمع لقيت التبريكات ان شاء الله كل دخله يارب بهالبشري يارب

ان شاء كل ايامكن بشارات يارب

والباقي ان شاء الله بالسلامه ما لحقت نتابع اخبار الكل ان شاء الله ربي يسهل عليكن يالي تنتضرن في الولاده ان شاء الله تحطن وما تحسنا يارب العالمين

والله معبيه كلام لكن الوقت مايسمح

بنسالكن يابنات راين عليا فرح سلفي الاسبوع الجاي ونبي نلبس رداء شن الالوان الي تقترحن عليا بيهن وراجلي في طرابلس اقترحن عليا محل ولون وانا نقوله لي فتره على اللبس الرداء ونبي نطلع حاجه باهيه يالا تفاعلكن امعاي وشن زعما نلبس امعاه اراكن يابنات ماتخيبوش ضني