تجمع حوامل الأشهر الوسطى(الرابع,الخامس,السادس)

[غلاج بقلبي]

المشاركة الأصلية كتبت بواسطة فوفو85

كيفكم بنات انا دشيت بالرابع وحبيت انضم لكم
ام اختها انا بعد يجيني ضيق التنفس
انا احس انه بطني لين اللحين ما كبرت احسها مقسومه نصين نص تحت السره ونص فوق السره هل هذا عادي طمنوني مالي غيركم بنات

هلا فوفو وانا بعد ببدااايه السادس واحس بطني مقسومة نصين مثلك مدري اذا هذا شي طبيعي ولا لا

[غلاج بقلبي]

>>العااشقه الحزينه
فديتك انا مااتشوفي شــر غلاتي وعندكـ العافية يااااعسل
انتبهي لنفسسك زين وارتااحي

[غلاج بقلبي]

صبااايا انا امس بالليل جاني زي الشد اسفل البطن استمر ثواني وبعدها حسيت زي التقلصات تروح وترجع وبعدها اختفت والله حدي خاايفه ومتوترة وموعدي الشهر الجاي

[شذى الحربي]

هلا خفايا الحمل الحمد لله ربي يتمم على خير ان شاء الله ،، بالنسبه للميكرويف سمعت انو مو كويس بس فيه حوامل يستخدمو بس يخرجو من المطبخ وبعدين يدخلو عاد ماادري اذا تقدري تستغني عنو احسن برضو

[بنت أبيها]

هلا امهات المستقبل

عاشقه الحزينه اجر وعافيه ما تشوفين شر

تصدقي كل ما ادخل اسلم واعرف في بنات ناقصات

اقول ربي يحبهم وياجرهم

ولكل وحده دعااااااء بظهر الغيب

تري نجمعهنا هذا ان شااااااء الرحمن تجمعنا يوم لا ظل الا ظله

لا تخافين حبيبتي كل وحده لها بصمه

وشخباركم بعد انتم والبيبيات

اسال من لا تنام عينه ان يثبتهم لنا ولكم

حبيبتي خفايا ما اعرف وش اقول انا قريت ان المراه الحامل

لا بد ان تاكل كل شي صحي والمكرويف في مواد مشعه

وحاولي ان تسالي الدكتوره لان بين شك

ولي عوده مره ثانيه

[رييف]

بنوتااات
احس بمغص والم بالظهررر من بديت السادس هل هذا طبيعي الدكتوره تقولي حركة البيبي وانا مره خايفه
والشئ الثاني شنو تعتمدو عليه بالحساااب ع اول يوم دوره او ع السونار او من ايام التبويض
احس كل دكتوره تحسبلي شكل الي عندها خبرها تفيدني
وتسلمووون يا قمرااات

[سافانا]

مسا الخير حبوووبات
انا حااامل باخر الخااامس والحمدلله الله يتمملي واياكم على خيررر
حبيت اتاكد هذا التجمع لنفس مرحلة حملي ؟؟؟!!
ياريت انضم لكم يالغالياات
واحب اتعرف عليكم
واعرفكم بنفسي

انا اختكم سافانا
من السعوديه
وعندي بنوته عمرها 9 سنين
والحين حاامل بعد ارادة ومشيئة رب العالمين
وعرفت في الاسبوع 19 اني حامل ببنوووته
الله يسهلي واياكم الحمل والولاااده

كنت معلمه وتركت الوظيفه اتوظفت سنه وحده ماااحبيتها وتعب حيييل >>ههههه كسلااانه

متزووجه من 12 سنه
وبسسسسسس


طولت عذرا بس حاابه اسوولف

[its-roro]

هلا خيتو سافانا حياج بينا
والله يتمم لج ع خير يارب ويب هذ هو التجمع الصح
وصدق التعليم وظيفه صعبه مب اي حد يتحملها مرت اخوي ماكملت سنه وتتحرطم تعبت هههه
الله يحفظ لج بنوتج وتجوف اختها بالسلامه يارب*

[fo0fo0]

مساء الخير على الجميع ,,,,
كيفكم يالغوالي ..
وكيف الحمل وياااااااكم ..

[Um-shaika]

السلام عليكم . شخباركم جميعا
مبروك للي دخلو شهر يديد واللي عرفو جنس الجنين

انا ماقريت الردود كامل الحين بروح صفحة صفحة
بس لفت انتباهي رد فوق عن وحدة تقول بطنها صاير نصين
ههه ضحكتيني اختي وصفج حلو هههه .. ترى عادي انا بعد
كنت جذي وكنت اخاف ان بطني نازل بس ارتفع الحين ويرتفع
شوي شوي الله يتمم لكم على خير يارب