تجمع الأمهات اللاتي سيلدن بشهر *ربيع الثاني* 1433

[شهرزاااد]

ام جنى ان شاء الله انك الحين طيبة

وجوده ديم تفاؤل ام سهاد بنبونا ربي معاكم

[Up to me]

الف مبررروك للكل اتوقع خلاص الكل فش الدبة وطلعت احلى بيبي
مممم بصراحه اليوم صارلي 22 يوم من ولدت واناا للحين عذاب مع الجراحه وصياحه
المهم دخلت وانتووو بكرامة الحمام عشان اشووف اذا الخيوط طاحت ! جنه الخيوط كلها
طاحت مااشوف ولااا خيط. هم كانو على الجوانب ! المهم المصيبة طالعه لي حبة
مثل الخرزة لونها احمر مت خوووف شسووووي ؟
وولدي بعد عمري يكسر خاطري مزكم وبطنة كنت استخدم حليب سيميلاك وغيرت
اخذت نان دايم يستفرغ مدري يمكن انااا اعطية اكثر من حاجته لانه هم ارضعه
من صدري ! بنات تكفون ساعدونني بكرية ولحالي محتاسة
اختكم في الله تطلب الدعااااء

[|| أم عزوز ||]

كيفكم بنات وحشتوني كثير
ام جنى كيفها وايش صار معها والله بالي عندكم وعندها
بس ماتوقعت انشغل كذا
ولدي طول الليل يبكي ومااقدر انام ومن العصر ضيوف الى الليل وهكذا
ومن غير الخيوط الله يعينا على تربيتهم
ابي اقرا الصفحات الي ورا وارجع اذا الحلو مابكى

[وجود55]

اهلييين ام عزوز اخباررك واخبااار الولاده تجنن صوووووووح هههههه
الحمد لله على السلامه ياقلبي
ترراني لسى صاامده خخخخخ والبارح شربت خروع ولاحياه لمن تناادي مافيه اي بوادر ولاده
اليوم لي 9 ايام من خلصت التاسع والله يعين

[وجود55]

شهررزاد اخباررك واخبارر خلووودي
يوم جااكي الطلق كذا ولا سويتي شي شرب ولابخورر
خلاص طفشت ابغى اولد وارتاح

[وجود55]

اب تو مي اسمعي مدام ولدك يرضع طبيعي اعطيه رضعه وحده صنااعي عشان بس بعدين يرضى يشربهاا
ترري صدرك يشبعه ماشاء الله مافيه داعي الاثنين صناعي وطبيعي
الخياطه اهتمي بس فيهاا وهي تروح من نفسهااا اذا خايفه مرره روحي عند الدكتوره وشفي وش بتقول لك والله معك يااقلبي

[ام شوووق]

سلام لحبيبااااااااااتي
وجود انتي والبقيه الله يسهل عليك يارب
ام عزوز
كيف الولاده هههه نبي الاكشن

[Dem]

هلا ام عزوز طمنينا عنك وعن ولادتك ولاتنسين تقصينها في المنتدى
اب تو مي الخرزه الحمرا عاديه لاتخافين انا صارت معي بولادتي الاولى وهي تصير لحمه زايده وعادي هي مع الوقت تطيح ممكن تطيح قبل النفاس مايخلص

والرضعه لاتعطينه صناعي الا مره زي ماقالت جود اكثر شي طبيعي



بنات انا امس رحت للدكتوره وحولتني لدكتور يسوي سونار قالي وش عندك مشكله قلت دخلت العاشر بكم يوم قالي لا من قال توك بالاسبوع 37 في حساب السونار
قلت بموعد الدوره عدا موعدي قال يمكن دورتك مخربطه وانا دورتي منتظمه والله احترت
رجعت للدكتوره قالت ماعليك من كلامهانتي متاخره وحدك 4 ايام بعدين روحي للمستشفى اللي بتولدي فيه يحددولك طلق صناعي ولا يسوولك تحريض
رجعت ونفسيتي زفت انا تبويضي كان متاخر مرره يعني التلقيح ماصار الا متاخر في يوم 24 من الدوره مدري هذا له دخل في تاخر الولاده او لا الله يسهل بس

[لموني]

انا اليوم لي 19 يوم من النفاس الخيوط بدأت تنزل من كملت الاسبوعين اللين ذحين لسى باقي منها..الدم وقف <<مدري يمكن يرجع شوي شوي اللين يخلص الأربعين..

بالنسبه للرضاعه <<انا ارضع طبيعي بس احيانا من غبائي اقول حراام جيعان صدري مايكفي واعطيه صناعي وعلى طول يستفرغ واندم..خليك زيي يا up to me خلينا نوثق بحليبنا هههههههه

[دلوعه زووجها]

الف الف الف مبرووووووك ياقلبيً وربي فرحت لك من قلب
ام جنى الحمدالله ع سلاااامتك وسلامة الحلوه اللي عذبت مامتها