دردشة حوامل أهل مكة المكرمة - دردشة بنات مكة المكرمة - تجمع حوامل مكة المكرمة

[جامعية]

الله يسهل يارب وييسرلك وحدة طيبة
انا الحمدلله تمام وان شالله اجرب واتصل عليها
ما ابغاها تسكن معي ابغى وحدة بس تجي وتروح يعني تغسل مواعين وتكوي لانو ان شالله اذا ربي يسر باولد فالمدينة

[جامعية]

وبالنسبة للغلاء غريبة انا اعرف الشغالات هنا ارخص بكثيير من المدينة
والله يعين صح وفقني نسيت أسألك انتي عملتي اشعة ثلاثية عند التونسي ؟؟؟

يعني مو عند صلاح عند قسم الأشعة وهل أكد لك الأخصائي انها بنووتة؟؟

[توت برى]

كيفكم عسولات
وحشتونى والله مره مشغوله خصوصا ان بنتى في المدرسه والخياطه متعبتنى تخيلوا ما اتفكت وانا ليه 19 وراجعت المستشفى الدكتوره تقول مومعقل المفروض تكون انفكت والله انها مأثره حتى فى نفسيتى

[جامعية]

هلا توت
كيفك يا عسل؟؟

طيب الدكتورة مو المفروض تفكها بنفسها اذا ماطاحت على حسب علمي ؟؟

المهم انها مي ملتهبة وان شالله لما تخلصي الأربعين تكون طاحت

[إنجي]

بنوتاااااااااااااااااااااااااااات وش دعوة مارديتم علي

[Queen DadoOo]

مررحبا كروشات
كيفكم ان شاء الله تكونو بخير
كرميلا ان شاء الله تشوفيها وتفرحي فيهاا يارب والاسم خاصة البنات مرررة صعب اختيار اسمائهم
وفقني
كيفك وحشتيني خلاص من بدري انشغلتي عني هههههههههه
شكراا ياقلبي وانتي كمان الله يسعدك ويسهل امورك ويسخرلك الشغالة الطيبة
انجي
اهلين فيك ومبروك الحمل الله يتمم لك
وحساب الحمل انا مررررة فاشلة ماعرف احسب امشي على كلام الدكتورة
والمغص انا احس فيه دائما ممكن يكون تكوين للبيبي وارتاحي لاتتعبي نفسك وقولي للدكتورة عشان تكتب لك مثبت احتيااط افضل
والله يثبت حملك ويرزقك الذرية الصالحة يااارب

[وفقني يارب]

هلا وغلا قلبي جامعيه
بنت خالتي بالمدينه ماخذه شغاله ب 1500 بالشهر حشى والله اشوي تصير راتب موظف الله يخلف نستاهل هذا كله من كسلنا الله يعين بس

وصلاح دكتور غريب عجيب وربي احتار معه قلت ابي اتاكد فيه تشوهات في الجنين وش رايك اسوي اشعه قال توكلي على اله يابنتي كله بيده سبحانه
قلت له ابي ابره الكزاز قالي ماهي ضروريه ومارضى يعطيني اياها
سالت البنات بالعياده الي يعرفونه ويتابعون عنده قالو انه مايهتم بالاشعه ولايكلف على مرضاه الا اللهم الي شاك ان جنينها مشوه
ونوع الجنين رحميه قلب من التجمع قالت اذا قالك صلاح بنت ولا ولد لاعاد تسالين احد اعتمدي هو شاطر في تحديد نوع الجنين والبنات الي بالعياده يتابعون عنده يقولون نفس الكلام
واخر مره رحت له قبل اسبوعين قالي ماقلت لك قبل يابتي هدي قمر بنوته زي السكر 100%
فعلشان كذا ماهتميت ولاعاد طلبت منه شي
يابعد عمري كوين لا وربي ياعمري مانشغلت عنك كل يوم ادخل الصبح علشان اشوفكم لانكم تجتمعون اكثر شي بالليل مالي غنى عنكم والله

[كوكب زحل]

السلام عليكم
يارب لك الحمدالله انا طلعت حامل الوضع الى الحين تمام ان شالله مافي مشاكل لسة ماتابعة لانى توى اعرف انى حامل بي رحت مستشفي الولادة سويت اشعة عرفت عمر الجنين سبع اسابيع الحمدالله وضعة طيب لانى ابي اخذ اجازة من الدوام
قولت اذا وضعي طيب اول مادخل الثالث بروح اتابع عند دكتورة تهانى في التونسي ربي هو القادر عل كل شئ دعواتكم لى

[كل الحياهـ]

السلام عليكم .. مســــآء الخيــــرآتـ .. كيفكم صبـــآيــآ .؟!
الله يتمم لكـــم على خيـــــر ويرزقــكـــم الذريه الصـــــآلحه ..
آنـــآ عضـــوهـ جديدهـ وبكريه والحين بالشهــــر الثـــــآمن ومحتــــآرهـ فين آولد في نـــآس مدحوآ لي مستشفى بخش عند الدكتورهـ حنـــآن غنيم بس مشكلة المستشفى بعيد شوي عن بيتنـــآ
وحبيت استفسر عن علوي تونسي عند الدكتورهـ تهاني آو منى وش رآيكم فيهم ومن جربت الولادهـ عندهم وكيف المستشفى نضيف وتعـــآملهم كويس وكم سعر الولادهـ الطبيعيه عندهـــم ..؟!
سوري كثرة الاسئله عليكم بس تعرفوآ بكريه ومتوهقه ..؟!
ولكـــــــــــــم جزيــــل الشكـــــــــــــر ..!

[caramela]

كيفكم حبوبات .. ربنا يسعدكم يااااااااااارب
جامعيه ياقلبو انا تمام الحمدلله انتي كيفك وكيف البنبينو .. ويارب يعطيكي إلي نفسك فيه يارب سليم ومعافي من غير زياده او نقصان ..
وفقني وحشتيني وربي والحمدلله لقيتي شغاله امسكيها بأسنانك ههههههه ترا قامو يرفعوا في اسعارهم انا ابغا وحده لماما وكلمت كم وحده وقالولي 1500 يعنى ع قولتك الله يعين وبس
هههههههه والله بجد ياقوين اسامي البنات مره صعبه بس سبحان الله الوحده لما تولد اسم المولود يجي من ربنا سوا كانو بنت او ولد يعنى نحنا نجلس ونخطط ونفكر وبعدين ماتدري ايش ربنا يسميها =")
كوكب ياقلبووووووووو ألف ألف ألف مبروك حياتي ربنا يتمم حملك يارب وتشوفي البيبي بحضنك يارب ياكريم واهتمي بنفسك عاد لاتمشي كثير وخليكي نايمه على ظهرك وزي ماتكلمو البنات أول إزا تحتاجي مثبت كلمي دكتورتك وإزا تحتاجي ربط كلميها كل التعب دا سهل المهم تشوفي ضناك ياقلبي وادعي كثير وأقري قرآن وربنا يفرح قلبك زي مافرحتيني..
انجي ياعسل والله انا ماعرف احسب الحمل بس زودي على الايام 14 يوم وعلى الشهور 9 شهور يعنى انتي حملتي في 29/4 << موعد آخر دوره انا زودت عليهم وطلع معاي 13/1 متوقع موعد ولادتك ويارب يكون صح لاني مو متأكده وشوفي الدكتوره متى قالتلك موعد ولادتك وكل 13 من الشهر الجديد تكوني دخلتي شهر جديد << كل دا على حسب كلام دكتورتي .. وبالنسبه للآلم ياقلبو بدايه الحمل تحسي آلم زي الدوره لانو كل وحده تختلف عن التانيه بس انا مثلك كانت تجيني آلآم كان الدوره بتجيني وطلع طبيعي حيروح إن شاء الله بس انتي انتبهي لنفسك وخليكي اغلب وقتك على ظهرك وخليكي دايما على اتصال مع دكتورتك وربنا يتمم حملك وتفرحي بالبيبي يارب ..