تجمع حــوامل التوائم

[نـــــــارا]

حياك الله بنت الأقصى.. وألف مبروك الحمل وربي يثبته لج

ميمي الأمورة أكيد انتي راح تكونين أول وحدة وتسحبي الزعامة من كوثرية.. خبرينا عن تجاربج لأنج متقدمة بينا احنا باقي علينا مشوار

نونة ريحي نفسج كثرة الحركة بالأشهر الأخيرة مو ممكن تخلي الوحدة تولد ولادة مبكرة ما ابي أخرعج بس ريحي نفسج وحاولي تنبطحين وايد وتريحين ظهرج وقد ما تقدرين تدلعي ولا تسوين شي.. الله يعينج بصراحة... طبعاً يقولوا على نهاية الأشهر يكون في أعراض طلق وألم بس كاذب يعني تمهيد عشان يتوسع الحوض ويتهيأ للولادة.. إن شاء الله انتي هذا اللي فيج :) الله يهون عليج

[كوثرية]

بنت الأقصى

حياج الله بينا وان شاء الله تقضين بينا وقت ممتع ومفيد


ميمي الأمور

والله وجى من يسحب البساط من تحتي
بس يالله مبروك عليج العمادة

بس ماعليه أنا صرت ولية العهد>>نشبة إلا تبي لقب مافي فكة

بس لا تنسين تكتبين النا قصة ولادتج بالتفصيل الأكثر من ممل عشان ناخذ العضة والعبرة


بس ماقلتي لنا انتي من وييين ؟

[أستاذة ذوق]

السلام عليكم جميعاُ

بنت الأقصى حياك الله بينا والله يثبت حملك

ميمي الأمورة حياك الله ..انا مثلك قالوا وحده بنت والثاني مو باين
يلا شدي حيلك نبي نقرا قصة ولادتك انا متشوووووقه

[أستاذة ذوق]

واااااااااو حزن الزمان مثلي تخصصي لغة عربية
الحمدلله انه ماجاني تعيين ههههههههه
بس درست ترم واحد قبل زواجي (تعاقد)

كوثريه... انتي الحين بالاسبوع 30 ماسألتي الدكتوره عن ابرة الرئه
لأن دكتورتي قالت يعطونها بالأسبوع 30 يعني احتياط

[كوثرية]

كوثريه... انتي الحين بالاسبوع 30 ماسألتي الدكتوره عن ابرة الرئه
لأن دكتورتي قالت يعطونها بالأسبوع 30 يعني احتياط

والله يا توأمي فرحة عمري ما سألتها

لأني الأسبوع الجاي يوم الجمعة نازلة الأحساء فناوية أخلي كل شغلي عندهم يشيكون على وضعي
ان شاء الله أنزل الجمعة والسبت أروح المستشفى

[نواعم النعومه]

ياحلوين انا يجيني انخفاض في الضغط واحس بدوخه وخمول توني بدايه الشهر الثالث
جنوبي توجعني واسفل ظهري هل هذا طبيعي والله خايفه

تكفون احسبوا لي متى على خير ولادتي اخر دورة 5/ 4/ 1431 هـ متى تكون؟؟؟؟؟؟
والله اسفه كلامي كثير بس والله بكريه ولا ادري وش اسوي الله يسعدكم
ويتمم على وعليكم بخير يارب ونفرح بتوائمنا امين يارب

[ملاذ الطي]

كيفكم حوامل وانا
ودي انظم الكم
انا حامل بتوام ولله الحمد في بدايه السابع

لكن
مشكلتي حركه البيبي مو مره قويه وحركتهم قليله لما سالت الدكتوره تقول عادي علشان الرحم ضيق مايخوا راحتهم
هل هذا صحيح
وكمان احس بطنيمو كبيره يعني كاني حامل بطفل واحد
مع ان كل شي كويس ياربي لك الحمد
ابي رايكم

[حزن الزمان]

هلا بالحلووووات شخباركم ... متى ادخل الخامس وافتك من الرابع ... ملاذ هلا وغلا فيك بينا ... لاتخافين هذي الأعراض طبيعية وعااادي وتصير ... وكلنا مايبين علينا توائم بالعكس أحسن عشان محد يقولك بطنك كبير...
والله وجا اللي يسحب بساط العميدة ...
يله نبي ولادات خلصووونا ... خلصوو بسرعة وربوووهههههههههههههه وبالتوفيق للجميع
على فكرة كوثرية توقيعك جناااااااااان ضحكني رووعة

[كوثرية]

على فكرة كوثرية توقيعك جناااااااااان ضحكني رووعة

من ذوقج ياحزونة

على فكرة هذا التوقيع رسمي

أنا رسمته بالفوتوشوب

أعشق الرسم بالفوتوشوب وأرسم كثير شخصيات أخترعها الحالي

[ملاذ الطي]

حبيبتي كوثريه انتي مثلي بالسابع


كيف الحركه معك




انا مره احاتي وهل تاخذي فتمينات غير الحديدوالكالسيوم


وحملك كيس ولا بكيسين وكيف حجم بطني انا صغير مومبين توام