ديوانية البحرين - دردشة حوامل البحرين - البحرينيات

[أحلام أم]

صبحكم الله بالخير وطولت العمر وقبلها الولادة السهلة
آه منكم طول الليل كل وحدة تشلخ وتهر عن الولادات ،لاتيننون روحكم ولا تستعيلوون ،أهم شي سلامة الحمل والجنين وتالي الولادة على الله
نصيحتي ليكم لاإطالعون مقاطع ولادة ،وهذيله إللي يحطونهم أغلبهم ولادة بدون ألم تدرون عن الأجانب وإختراعات التخدير في الولادة
الله يرزقنه الولادة السهلة من بعد تمام شهورنه وسلامة حملنه وتقر عيونه بسلامة ضنياتنه
مافيي شدة أسهر عليي قعدة لليهال من الصبح للمدارس ولين سهرت حتى التلفون مابقعد له ومابروحون المدرسة

[شمس الصباح]

صباااااااااااااااااح الخير شمس الصباح اشرقت توهااااااااااااااه خخخخخخخخخ

اليوم المزاج عدل بس ما قصرتوووووووون ليش تتكلمون عن الولادة هاااااااااااااه تبغون تخوفوني

اني ما باقي شي واولد وانتون تخوفون فيني اني مو قاعده افكر بالولادة كلش اقول اللي مقدر ومكتوب بشوفه اهم شي اغراضي جاهزة وعند الولادة اخذ نفس وتكون ولادتي سهلة والبنوته سليمة

ثاني شي تحسبون الوحده لما يجيها الطلق تقدر تهدر لو تسولف لو تقول اني ما ابغي هذة الممرضه لالالالالالالالالالالا الوحده من الألم تبغي بس تولد علشان ترتااااح ومن يطلع الياهل ويحطونه على صدرش الا بتبوسينه وبتمسحين عليه وماااا بيهمكم اخياط ولا هم يحزنون

الله يسهل يا رب واشوف ملاكي بعد عمري اشتقت اشوفها ..امس رحت قعدت في غرفه النفاس اطالع السرير والتوزيعات وانتظر متى توصل اميرتي الصغيرة والا يدخل ابو اعيالي ويقول ويش رايش بعد نعدل في الغرفه ناخذ قماش ونحط اهني واهناك قومي نروح نشتري واني ما صدقت قلت ااااااايه بس اجلها الي بكرة اليوم ولدك للحين ما خلص دراسة بروح الليلة وبشتري وبشوف شنو اقدر اضيف على الغرفة

اليوم قليت الطحين حق الرشوفه مع ان ام زوجي ما تقصر تحب تحب تسوي هالسوالف بس رشوفتها تحط فيها حلبه واني ما احب الحلبه في الرشوفه

[شمس الصباح]

باقي 16 يوم على ولادتي
بروح الغرفه اشوفها وخلكم انتون على افلام الرعب

[بنوتة حلوة]

وووصباحكم خير وتوفيق من رب العالمين ,,
شلوونكم شخباااركم ؟؟ اليوم أني قاعدة من الساعة 9 تقريباً .. انام وأقوم أكثر من مررة ومو عارفة انبطح عدل..

من يوووم بنت الاياويد قالت ان اذا وحدة بتقلب روحها على الصوب الثاني لازم تقوم واني كله أحاتي اقول احين بيفتر على بتي الحبل السررري اذا ماقمت عدل :(
بس شسوووي ظهرررري يعووورني اذا اقوووم اكثر من مرررة :(

ماصادكم جدي ؟؟ شلووون تنامووون براااحة ؟؟ خااااطري أنام براااحة يوم واحد بسسسس

[بنوتة حلوة]

شمووووووسة وأني باقي 72 يوووم .. تتوقعين يمديني أكمل هاللحاف ؟؟ حتى ربعه ماووصلت .. واجد طوييييلة السااالفة ..

أمس قعدت أصوور الاشياء اللي شريتهم حق بتي .. خاطري أراويكم اياهم بس سالفة على ما احطهم هنيه ..

[شمس الصباح]

رجعت لكم رحت الغرفه بدل ما اطالع فيها شفت السرير رحت انسدحت فيه وغفت اعيوني اشوي خخخخخخخ مريحه الغرفه ظلام ودافيه

هلا بنوته الوحده من توصل الشهور الأخيرة تروح النومه تدرين اني اشلون في الليل انام بتضحكين على انام نصف قاعده حاط لي زوجي اربع مخاد غير فوق السرير مالنا بعد مرقد ارضي علشان يكون لين على لاني ما اقدر على الطبي ابغي شي لين اغوص فيه وما اقدر انام بس على مخده وحده وكل على صوب اليسار انام لان الدكتورة قالت لي ان بنتي عمودها الفقري على جهة اليمين واني لازم انام على جهة اليسار وهداني انتظر الفرج لان خااااااطري انام نومه مريحه ولو ساعة

على طاري المفرش تركي عنش السهر في الديوانيه واشتغلي عليه هالسبوع وبتخلصين هو ما يبغي اليه شي اهم شي انش تمشين والصوف والأبره في ايدش ان شاء الله بتخلصين

حسيت وقت الصلاة ضغظ عدل تحت يعور حتى السجود بالغصب سجدت

[فلونة]

مررحبااا ،،

شمووس ،، على سالفة نكي فلونة انا يوم بغيت اسجل كل ماحط نك نيم كان موجود واحترت حدي شنو اختار اسم افتر اطالع حواليني الا زوجي مااخذ له سيديات مال كارتون قبل فلونة وبومبوو والسندباااد وسااالي وجان اختاار فلوووونة وبس صررت ورردة جميلة على قولتج :p
انزين انتي جربتي السلمانية وجدحفص اي مستشفى فيهم احسن حق البجر شنو نصيحتج وين نرووح :(

بنووتة ،،، اناا حالي من حالج عقب ما قالت لنا بنت الاياويد عن هالحبل السري بس ماقدر اقوم علشان اغير نومتي بصراحة ،، للحين انقلب وانا مكااني مافيني شدة كل ساعة اقعد ،، كل يوم اتم على السرير ساعة جان تغفي عيني ويني وين اقووم :(
خل احد يجووف هالمعلوومة لنا صج او لا

[فلونة]

شموووس ،، انا في صلاتي كل ماعطس لازم اعيد الضوء والصلاة وانتي فاهمة ليش ،، و على سالفة العمود الفقري انا احس بالحجي الي في بطني كله على اليمين بس ارقد على الصوبين تخيلي عااد طول الليل اتم راقدة على صوب وااحد جذي جذاك بسرعة تنمل ريلي ويصير شد :(
الله يستررر على ولدي مادري بنتي كلش ماتحمل في روحي ،، حتى ريلي يقولي في ذمتج ترى يحسسني بالذنب زوود

[شمس الصباح]

صباح الخير فلونة توش قاعده

اني بصراحه ما جربت السلمانية في ناس ترتاح في السلمانية بس جدحفص وايد قريب من الدراز وفوق جدي يهتمون فيني يعني ما شفت منهم اهمال والسلمانية لما اروح جناج الولادة احس بضيق نفس حتى غرفهم ضيقه وتحسين ما فيها نفس انتي شوفي وين ترتاحين اكثر والتساهيل من رب العالمين

وعلى سالفه البطحه على صوب احيانا انام على اليمين بس ما اقدر لان يزيد الضغظ على الجنين وتزيد عند الحموضه فأرد اعدل نومتي

[فلونة]

لا يزعم قعدت 11 بس البارحة ما ياني نوم الا على الساعة ثنتين ،، من زود الحكة الي تصيدني قمت تسبحت جان تخف شوي :p ،،
وما يندرى حزة الولادة وين بيوديني سي السيد
امس رحت افتر علشان ادور توزيعات والانوار مسوين تخفيضات واايد على المواعين والتحف،، عندهم اشيااء حلووة اذا بتروحوون قبل الخميس لانه اخر شي الخميس
ورحت دريم هوم ماعجبني شي ،، واليوم باكمل الفرة يمكن اروح المناززل