دردشة حوامل مصر - دردشة بنات مصر - تجمع حوامل مصر

[MALAK2010]

يااااااااارب يا حبيبتى

فى مولات هنا فيها اماكن مخصصة للاطفال ملاهى بس صغيرة لان فى اماكن مخصوص لكدة وجنبها مكان فية بلاى ستيشن والله يابنتى مفيش ولا طفل فى الملاهى وكلة على البلاى ستيشن لما بتصعب عليا الالعاب الجميلة دى ونفسى العب انا فيها

الاطفال معدوش بيتشدوا للملاهى بقوا بيحبوا البلاى ستيشن

[MALAK2010]

عارفة حاجة بجد حلوة مفيش حد بيبص على حد ولا تبصى على اجنبية ولا عربية ولا اى حاجة كل واحد فى نفسة واسرتة وبس

[دودى اشرف]

اه فعلا .. بس والله مافى احلى من العابنا احنا زمان ... كان الطفل طفل مش راجل ومسخوط طفل هههههههههههههههههههههههه ... كل الاطفال دلوقتى معتمدة على التكنولوجيا فقط ... مش بيلعبوا العاب فيه تفكير ... ولا بيستخدموا فيها حتى حركة الجسم كلوا قاااااااعد ومأنتخ هههههههههههههههههههههههههههه

[دودى اشرف]

ودى احلى حاجة بصراحة فى البلاد دى .. ان كل واحد فى حاله .... وفى شغله وبس وفى احترام للخصوصية ... فرق كبير اوى لما تقارنى مصر بيهم ... انتى عيشتى فى القاهرة قبل كده ... وياترى المنصورة احلى من القاهرة ولا بقت كل مصر زى بعضها .. بس اكيد اهدى وانظف من القاهرة

[MALAK2010]

صحيح هنا اجانب كتير بس علشان كل واحد فى حالة فبيبقى عادى
بس انا رحت مرة جنينة وفيها بحر
بين الرملة والجنينة كوبرى خشب فانا بمووووووووووووت فى البحر وراحة بسرعة علشان ادخل المنطقة وانا واقفة على الكوبرى الخشب وببص على البحر لقيت كلهم اجانب بالبكينى وبيتشمسوا عارفة وقفت فى نصف الكوبرى مذبهلة ورجعت تانى والله خرجت من الجنينة خالص بالرغم انى ممكن اقعد فى الجنينة نفسها وماليش دعوة بالبحر بس استحرمت

[دودى اشرف]

عاوزة اقولك ان رقبتى اتلوحت من الكتابة علشان الجهاز مش على رجلى وانا فاردة نص جسمى على الكنبة وملوحى بالنص اللى فوق علشان اعرف اكتب ههههههههههههههههههههههههههههه لما اتقوصت .... شكلى هصلح حاجة وابوظ حاجة تانية هههههههههههههههههه

[MALAK2010]

شوفى مصر جميلة بكل اللى فيها كفاية ان فيها اهلى هو انا اطول اروح مصر يا بنتى

[MALAK2010]

اثبتى بقلظة جاية وبعدييييييييييييين هههههههههه

[دودى اشرف]

هههههههههههههههههههههههههههههه ... انتى اللى استحرمتى ... طيب ماكنتى تروحى مكان تانى مفيهوش اجانب ... هنا برضه عندنا بحر الخليج جمييييييييييييل اوى بس مفيش اى حاجة على الشواطىء معمولة رملة وبسسسسسسسس ... ممنوع اى حاجة تتعمل على البحر وبليل بقى بتبقى ضلمة اوى لكن بيبقى فى ناس كتير اوى بذات بقى اليومين دول لان الجو جميييييييييل بليل ... واللى بيشوى وبياخد اكله بقى معاه بس للاسف بتبقى عاوزة لمة وناس معاكى

[دودى اشرف]

طبعا مصر جميلة جدااااااا.. عاوزة اقولك انى والله اشتقت لقرفها اصلا ..هههههههههههههههههههههههه ... ساعات بقولهم انا بيوحشنى وقفتى على المحطة وركوبى الاتوبيس ومرواحى الشغل وكنت بحب اوى اشوف الناس الصبح واتفرج على كل واحد صاحى بدرى ورايح شغله بذات الناس البسطية اوىىىىىىىى .. مش عارفة كنت بحس احساس غريب والله مش عارفة ليه كنت بحس انى مبسوطة وحاسة ان كل واحد خارج يشوف اكل عيشه ورزقه حاجة حلوة ... والزحمة وعربيات الفول هههههههههههههههههههه يقولولى ما انتى فقرية