دردشة بنات ليبيا , دردشة حوامل ليبيا , تجمع بنات ليبيا

عيون زوجي · 02-10-2012, 05:51 PM

اقتباس:

المشاركة الأصلية كتبت بواسطة سمو الاميرة

ام سعد ماشاءالله تبارك الرحمن عليها العسولة تتربى في عزكم ان شاءالله وحمدلله على سلامتك
عيون اهلين فيك ياغالية وحلي ايامك يااارب انعرفك بنفسي....
سمو الاميرة ...مواليد 85...متزوجة من 7 سنوات...
عندي بنوتين الكبيرة حياء 6 سنوات ونص ...الصغيرة فاطمة 5 سنوات..
توة حامل بالثامن ربي يرزق كل محرومة ياااااااارب....وانت عرفيني عليك
ولو حابة تعرفي اي شي اتفضلي

ماشاءالله شكلك اتزوجتي صغيرة

واسم بنتك الكبيرة حلو ومميز

منو سماها
وانتي من وين من ليبيا؟

الاسم: عيون زوجي
مواليد: 1982
متزوجة من 4 سنوات
ربة بيت
عندي بنت اسمها سارة سنتين و 8 شهور
وولد اسمه محمد عمره سنه و 5 شهور
من طرابلس

ومش حامل حتى اشعار اخر بأذن الله

انتي تشتغلي ولا لا؟
وبشرينا حامل بولد ولا بنت؟

زهرة2000 · 02-10-2012, 05:53 PM

ام سعودى يومتها قريت اسماء عجبنى معناهم لو ما سميتش ممكن تحطيهم فى الخيرات هههههههههه
تالين جمع تالى وهو قارء القران الكريم
سيلين معناها الكتبه الى ع الكعبه

عيون زوجي · 02-10-2012, 05:55 PM

اقتباس:

المشاركة الأصلية كتبت بواسطة أم سعد

عيون ... الله يسلمك ياغالية ... ربي يحفظلك صغيويرتك ... ويسنولك اللي في بالك.. والله الاسم مازال محتارين بس على الأغلب ميس ...

ماشاءالله عليها بارك الله فيك
واسم ميس يطلع اعليها

لانها كيييوت وتبي اسم كييييوت زيها

زهرة2000 · 02-10-2012, 05:56 PM

كيف حالك سمو الاميره شن اخبارك واخبار عيالك

عيون زوجي · 02-10-2012, 05:57 PM

زهرة كيف حالك وحال ليونه والحمل معاك؟
وروح زوزك ولا لاء؟؟

زهرة2000 · 02-10-2012, 05:58 PM

خيرات عيون شن اخبارك واخبار ساره وحمودى وبوهم

عيون زوجي · 02-10-2012, 05:59 PM

ســــــــوريناااام وينك؟؟؟

زهرة2000 · 02-10-2012, 06:00 PM

ايه روح الاتنين عجبته امريكا ع الاخير قالى عالم تانى هههههههههههه معنا هو ماشي لى هلبه بلدان بس قالى هيوستن غير ان شاء الله ربي يصلح حال ليبيا وتولى احلى بلاد

عيون زوجي · 02-10-2012, 06:02 PM

اقتباس:

المشاركة الأصلية كتبت بواسطة زهرة2000

خيرات عيون شن اخبارك واخبار ساره وحمودى وبوهم

الحمدلله توا كيف بعثهم يلعبوا في حوش حناهم ودرت كيكة طبقات القرفه وطلعت اتجنن تستاهل بؤك
ومقعمزة مكسدة بروحي انا والنت
الجو حلو برا ومشمس وعلى قد ما ترجيت ابوسارة انه يطلعنا زردة قال لا الجو مش صافي بالنسبه للبلاد وطوارئ على خاطر موعد 17 فبراير قريب

سمو الاميرة · 02-10-2012, 06:03 PM

وعليكم السلام زهرة كيف حالك

عيون سلمك وربي يحفظلك صغيويرتك واتشوفيهم عرسان ياااااارب...
حياء انا سميتها كان خاطري فيه من قبل مانتزوج
وانا من سرت ... ربية بيت ... وبالنسبة لحملي هادا قالولي بنت كان خاطري فيه ولد بس الحمدلله
اهم شي ايكون سليم معافاة

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	15243	06-15-2013 02:43 AM
تجمع حوامل ليبيا	ميرنا	إستفسارات حوامل من الشهر السابع إلى الشهر التاسع	21344	01-02-2012 10:29 PM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
شجرة تجمع حوامل ليبيا	أم أجنادين 80	إستفسارات حوامل من الشهر السابع إلى الشهر التاسع	6	12-19-2011 10:44 PM