دردشة حوامل مصر - دردشة بنات مصر - تجمع حوامل مصر

[MALAK2010]

تسلميلى يا امل بس ان شاء الله هكمل النهاردة لان عندى الساعة واحدة الوقتى والمغرب بياذن الساعة 5 ونص يعنى خلاص هانت وان شاء الله هفطر من بكرة
وادعيلى انى اطمن على البيبى انا عملت اخر متابعة وطمنتنى على النبض الحمد لله بس لسة بدرى على المتابعة الجاية ربنا يصبرنى

[بقلظة]

المغص الجامد اوي طبعا ده اكبر انذار ان في حاجة مش طبيعة وطبعا نزول دم ربنا يبعده عنك ان شاء الله ومش تشوفيه الا ساعة الولادة هههههههه طبعا ده لازم وشيء لابد منه

[MALAK2010]

دودى:ربنا يسهل ان شاء الله واحاول اطمن عارفة لما بحس بوجع فى بطنى من تحت بفرح والله مش بزعل لانى بكون اطمنت علية يااااااااااااارب يكملنا على خير

[بقلظة]

طيب افطري كويس ساعة المغرب واشربي لبن كتير حاولي تعوضي ساعات الصيام وربنا معاكي

روحتي فين يا دودي ؟؟

[MALAK2010]

امل :انتى خريجة شريعة اسلامية ولا حد تانى ولا انا لخبطت

[دودى اشرف]

يارب يطمنك يا حبيبتى ان شاء الله وهانت اهى خلاص

[MALAK2010]

تسلمولى

مش قولتلكم ان احنا نغير اسم التجمع ويبقى تجمع قلق مصر هههههه

[دودى اشرف]

هههههههههههههههههههههههههههه .. ايوه احسن اسم الحقيقة مناسب .. قلق مصر

[بقلظة]

لاء انا خريجة حقوق محامية يعني

اشتغلت سنتين بالمحاماة بس تعب مفيش كده

وحسيت انها مش مهنتي ولا طبيعتي وانا مش كده خالص

سبتها وفتحت حضانة لاطفال في اكتوبر 3 سنوات كانت تعب برضه بس تعب حلو

لاني حابة الاطفال جدااا اكتر ما تتخيلوا

وبعدين قفلت الحضانة اول ما تجوزت قلت استريح شويةوكمان علشان انا اتجوزت في الهرم بعيد برضه وجيه الحمل الحمد لله فشكلي كده مش عارف افتح الحضانة تاني رغم ان كتير بيكلموني عاوزين افتحها بس انا باين اخدت علي قعدة البيت

[دودى اشرف]

فكرة حلوة اوى والله يا بقلظة ... طيب متفتحيها وحد يباشرها