¤ô§ô ~أحلى تجمع حوامل التوأم 2011~ ô§ô

رضاك ربي · 02-23-2011, 07:41 AM

تسسسسسسسسسسسلمي الغالية الياه كلك طيبة

فرحة جديده · 02-23-2011, 07:48 AM

اهلين الياه بخير دام والجميع بخير الله الله ترى حدي جوعانه وش هالصورة

ماشاء الله تاخذ العقل بس موحرام تراها عذاب كنك تدرين توني مكلمه السواق

يجيب لي فطور قبل لااشوف مشاركتك ههههههههههههه تسلمين ياقلبي بالعافيه

قطرة ندى* · 02-23-2011, 07:52 AM

اليااااااااااااااااااااااااه
ماهذا؟؟؟؟؟؟؟؟؟؟؟؟ شهيتيني على بيض عيون من زمان ماأكلت
تسلمي عالعزيمة انتظريني تراني جايتك بفطر وياك>>>وحدة جوعانةهههه

الياه · 02-23-2011, 08:28 AM

رضاك ربي

تسلمين حبوبه، أخبارج؟؟
توج في بداية المشوار الله يسهل عليج
ويتمم لج على خير
ويفرحج بشوفة ضناج

فرحة جديدة، قطرة ندى

شو اسوي شفت الصورة واشتهيتها من الخاطر
وقلت اعزمكم عليها
ولا ريوقي عصير برتقال، وبلاليط وقرص بيض
أونه صحي هههههه
وعليكم بألف عافية الريوق

قطرة ندى بإذن الله ، الله يكتب لج الحمل السليم المعافى
بس خلي بيض العيون بعيد عنج
سمعت أنه البيض أذا ما كان مستوي يأثر على الحمل
وما كنت أعرفه وكان ريوقي كله بيض عيون
والله يحفظنا من كل شر
من كثر ما يخرعونا من الممنوعات
الواحد أحتار شو بياكل

أول غرام

نوم العوافي، وان شاءالله تسيرين موعدج
وروس التوينز تحت وتطمنين عليهم

متلهفة لضمته

أخبارج، اليوم موعدج، أن شاءالله تبشرينا
بأخبار تسر خاطرك

قطرة ندى* · 02-23-2011, 08:36 AM

اقتباس:

المشاركة الأصلية كتبت بواسطة متلهفه لضمته

بنات بقول لكم شي بس لا تضحكون علي

تعرفون وميض المحادثات؟<<تقصد الماسنجر

بعض الاحيان اتخيل ان المنتدى كذا اذا وحده اضافت رد

بلا تحديث وبلا انتظار ومسنترين عند الشاشه

شرايكم نقدم الاقتراح للاداره عساها تنظر في الاقتراح في عين الاعتبار

طبعا لموضوعنا فقط

نعمل تصويت ؟؟

وأنا أضم صوتي لصوتك لأن اذا ماسويت تحديث كل شوي للصفحة
ماادري عن المشاركات ومااشوفها واحيا تروح علي صفحات وانا جالسة انتظر

الياه · 02-23-2011, 08:38 AM

سمحولي يا حلوين

بسير ازهب ولدي عنده interview أونه
عشان يقبلونه ف الـ K G 1
السنة اليايه
دعواتكم ينجح في المقابلة

أشوفكم على خير
يا أحلى تجمع حوامل

قطرة ندى* · 02-23-2011, 08:39 AM

الياه الله يسمع منج والبيض مب خويي اذا ولهت عليه بس
في جميع حالاته اما عن فطوري عصير برتقال فريش ولبنة بالزعتر

تبولة حامضة · 02-23-2011, 09:43 AM

صباح الورد كروشات ..
كيف اصبحتوا ؟

اهلين اختي الياه .. أخيرا حصلت لي وحدة تقاربني في مدة الحمل .. الا بسألج .. شخبارج مع الثقل ؟
تصدقين مأساة لما أنام .. ما أقدر أتقلب الا بطلعة الروح .. والشي الجديد اللي مستغربته .. الثقل والشد يجيني في المنطقة من تحت .. يعني بس اتحرك او احاول انقلب او ابذل اي مجهود احس المنطقة تنشد بشكل مؤلم جدا .. انتو يصير لكم جذي والا حالتي سبشل ؟

هذا غير ان بس آكل وجبة وحدة في اليوم خلاااص احس حالي مكتفية .. مافيني شدة آكل وجبتين .. بسرعة أشبع .. رغم انّ ما كنت جذي ( تعترف انها كانت مفجوعة عالاكل )
بس يالله الله يهونها علي وعليكم يارب .. ومثل ما انقضت خمسة شهور بتنقضي المدة الباقية على خير ان شاء الله ..

الا بسألكم .. اللي عندها عيال قبل او طفل قبل حملها هذا .. هيأت نفسية الطفل لاستقبال المولود او بالاحرى المواليد والا لا ؟

بنتي صحيح شوي كبيرة يعني خمس سنوات وتمشي في السادسة .. بس اخاف نفسيتها تتأثر متعودة انها الكل في الكل .. فأحاول ان على طول أكلمها على انها الاخت الكبيرة لما يجي البيبي وانها المسؤولة عن البيبي وبتكون معلمة للبيبي .. بس الله يستر اذا انحطينا قدام الامر الواقع ..
اهي على طول ما تتكلم عن البيبي الا على انه بنت .. ومسميتها بعد .. ما تدري عن اللي بيجيها ..

امممم ..

أول غرام .. كيف حالج حبيبيتي ..
بالنسبة حق التجهيز .. لا شلون اجهز بعد الولادة ؟
راح اجهز قبل الولادة بس ماراح آخذ الا الاشياء الضرورية .. مثل ما قلت لج قبل يوم كنت حامل ببنتي خذيت ملابس تكفيها لقرابة السنة .. وهذي غلطتي .. يعني هالمرة باخذ ثياب تكفيني لشهر او شهرين بس وبعدين اتسوق براااااحتي واشتري كل شي براحتي والبيبيات قدام عيوني ..

احتمال هالاسبوع اطلع اتسوق والله يعين .. صايرة امشي مثل البطة .. مادري الاشهر الجاية وش بسوي .. والله يعيني على الجامعة والدوام ..

أشوفكم بخير جميعا ..

محبة رسول الله · 02-23-2011, 10:09 AM

صباح الورد على الجميع
منو موجود

محبة رسول الله · 02-23-2011, 10:10 AM

ردينا على الطير ياللي التوقيع مايمشي وش فية؟

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أزياء حوامل 2011 , أفخم الموديلات و آخر موضة ملابس حوامل لعام 2011	ايلاف	الموضة و الجمال	13	10-06-2014 09:07 PM
أزياء حوامل 2011	غلا الشوق	الموضة و الجمال	4	02-08-2012 02:47 AM
ازياء حوامل 2011؟	الحبوبه	الموضة و الجمال	10	02-16-2011 04:07 AM
ازياء حوامل 2011 ملابس حوامل صور حوامل ملابس افضل الملابس للحامل	غلا الشوق	الموضة و الجمال	13	01-02-2011 10:02 PM
أحلى ملاااابس للحاااامل 2011	Mقمة البرااااائهM	الموضة و الجمال	4	04-24-2010 04:38 PM