دردشة حوامل أهل القصيم - دردشة بنات القصيم - تجمع حوامل القصيم

mom for ever · 02-08-2013, 01:30 AM

أمين حبيبتي واياااك

انا اتوقع كل المستشفيات تعطي اجازات ولاده بس يعتمد على جهة عملك هل تقبل اجازات المستشفيات الاهليه والا لازم حكومي

واتوقع الحكومي لو قربتي على التاسع تعطيك اجازة وضع

والله أعلم

mom for ever · 02-12-2013, 07:44 PM

سلام ياحلوات

وييييييييييييييييييينكم يابنات القصيم وراه تجمعكم بارد

يله محد بشرنا بولاده يله نبغا اخبار تشرح الصدر وتفرح وتجارب حلوه

انا والله لي كم يوم اعاني من اسهال (اعزكم الله) فضييييع وموعدي بكره عند الدكتوره سامية بمستشفى الوفاء

عاد يقولون الاسهال من علامات الولاده وانا لسا بأول الثامن بس يسبب جفاف وضيقة صدر

الله يستر علينا ويرحمنا برحمته

ها ياصبايا وش استعداداتكم للولاده؟

Tho0og · 02-16-2013, 11:53 PM

بنات بسالكم

من جربت تدخل ع اشعه ثلاثيه عند الدكتوره عديله

لاني انا ماعرف الا وفاء قد جربتها

وهذي هالمره دخلوني عليها ماجاااازتلي ابدددد ساااكته انا الي اسألها بكل شي

Tho0og · 02-17-2013, 12:01 AM

ايه نسيت اقولكم بمستشفى الوفاء

المها** · 02-19-2013, 04:46 PM

سبحان الله العظيم

روعة خجل · 02-21-2013, 05:34 AM

السلام عليكم

كيفكم صبايا .. انا جديده وبنضكم لكم اذا سمحتو

انا من بريده وبكريه وحابه اولد بالقصيم الوطني << سبق لامي انها ولدت هناك الله يحفظها
مع ان حالتها صعبه فيها ضغط والبيبي تعبان وعمليه واخذت ابرة الظهر الا انهم ماشاء الله صارو قدها

وامي تمدح عمليتهم تقول مكان العمليه مره صغير مو باين ماشاء الله

بس بنات ابي اسالكم هل فيه احد ولد عندهم طبيعي ؟!

وبسالكم بعد عن التقديمات بنات من وين بتاخذونها غير الارياف والاشياء المعروفه ابغى شي جديد وغريب

الله يهون علينا يارب ويتمم على خير :)

روج أحمر ()' · 02-21-2013, 06:57 AM

روعة خجل ..
أنا بعد أعرف وحده والده عند الوطني ب عملية ومره تمدحهم
وهذي أمك الله يحفظها برضو تمدحهم
ف بقدرة الله ومشيئته ان الولاده الطبيعيه بعد كويسه عندهم
الله يتمم عليك ويفرج لك ب السلامه ()
* التقديمات ماعندي خلفيه لأنه أنا بكريه وللحين في بدايةة الثالث
وان شاء الله اذا ربي تمم وقرب موعد الولاده ع خير
ب فكر 😭

طيب حبوباتي أبغى دكتورة لمتابعة الحمل تكون شاطره وبنفس الوقت وسيع صدره وتتقبل الاستفسارات وتقابلن بوجه بشوش
ع الأقل تخفف عن نفسيتي الوحاميه الخايسه 😭
طبعاً ببريدة ، لأني ب صراحه رحت لدكتوره من ثاني جلسه لي معها ما ارتحت
نفسه براس خشمه وياويلك لو تسألينه 😳
اقول له أنا بكريه تقول ايه وبعدين! الأسئله اللي تسألينه أي وحده تعرفها 😒
قلت طيب شكراً ع النفس الحلوه وطلعت من عنده وأنا خلاص بغيره ان شاء الله..

الله يعين 💔
* انتظركم ضروري..

روعة خجل · 02-21-2013, 07:29 AM

تسلمين روج احمر ع الرد وانا شكلي خلاص ماراح اسال واجد راح استخير واجزم عليهم ان شاء الله

وتراني انا بدري علي بالشهر الثاني بس مدري وش مستعجله عليه دايم افكر لقدام

انا مغتربه باستراليا وهنا بس حللولي دم وعطوني فيتامينات اول مارحت لهم وبس يقولون لي لاتجين الا لاصرتي بالاسبوع الــ12 << والله المستعان

يعني تخيلو ماسمعت نبض الجنين للحين ماراح اسمعه الا الاسبوع الــ12 :(

فيتاميناتهم هنا غير يعطوني حبه وحده فيها كل شي فوليك وكالسيوم ومعادن وكلش احس كذا اريح من كذا حبه باليوم

وبس << فضفضه :)

ميمي 17 · 02-22-2013, 12:44 PM

روج أحمر ()' · 02-23-2013, 07:25 AM

ليش كذا دردشتنا مافيه تفاعل زي باقي الدردشات 😩

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	سماسم	إستفسارات حوامل من الشهر السابع إلى الشهر التاسع	2601	06-07-2013 07:34 PM
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل القصيم - دردشة بنات القصيم - تجمع حوامل القصيم	منو عبادي	إستفسارات حوامل من الشهر السابع إلى الشهر التاسع	2443	01-02-2012 06:43 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM