دردشة حوامل دولة الجزائر- تجمع بنات الجزائر

[تاله 1]

هلا اختي nacèra كي راكي,ان شاء الله مليحة
كنت حابة لبنات يدخلو خاطرش راني نحس بالوحدة, علابالك أنا بعيدة على أهلي و راجلي يخدم من الصباح حتى لعشية والله نحس يياماتي كحلين

[تاله 1]

وعلى دكر السخانة هنايا ما تنزلش تحت 42,الواحد يطل من الطاقة ينحرق

[nacèra]

ربي معاك اختي تالة , وقتاش (الساعة)راكي تدخلي المنتذى باش ندخل نقصرو شوية

[تاله 1]

راني ندخل بالتقريب كل يوم من 10 حتى 18 بتوقيت الامارات
يعني من 7 حتى 15 بتوقيت الجزائر,
الويكاند خطرات ندخل خطرات لالا

[ام ارجواااااان]

كل عام وانتم بخير وبصحة وسعاده وعافيه
شهر كريم والله يحقق لكل وحده فيكم اللي تتمناه
دعواتكم لي وللمسلمات
الله يسعد ايامكم يارب
وكل عام وانت بألف خير

[محبة الأستغفار]

و أنا حابة الأنضمام أنا من الجزائر بضبط من بجاية أم لولد وحامل في الأسبوع التاسع حبيباتي الاه يخليكم أنا شربت كوكاكولا يومين و الله مابعرف ان كانت مضرة أم لا يعني هل تسبب لي مشاكل

[تاله 1]

أهلا بيك محبة الأستغفار
ما تتقلقيش على كوكا, أنا في الشهر الثاني ما كنت ناكل والو و كنت نتوحم غير على البيبسي,شربت شربت حتى رهجت مي الحمد لله ما صرالي والو
للي نعرفو انو من الشهر الخامس و طلع ما لازمش الواحد يكثر من المواد للي فيها غازات

[رونق الروح]

السلام عليكم
بنات بلادي توحشتكم بزااااااااااااااااف
واش راكم لباس عليكم؟
مرحبا بلي جاو جداد منورين التجمع

[رونق الروح]

اليوم راني عيانه بزاف درت الميناج وحدي مالقيت حتى واحد يساعدني

[samia19]

اهلا رونق ربى يعاونك انا تانى درت الميناج عييت بزاف و رانى خايفة من الولادة