اهلا باهل الجود والكرم **اهلا بسيدات ليبيا**

[أم أجنادين 80]

السلام عليكم كيف حال الكل

هلا نورتينا اثري

ايه النت عندكم قالت مرت خالي انه ضعيف هلبة

اممممم تسلم ايديك خولة ماشاء الله سهفتيني فيها وبالذات نجرب نديرها

انا خلي نجربها بالورق الجاهز قصدك حتي بالباف بستري نقدر نديرها

لو عندك صورة لورق القلاش بالباكوا متاع صوريهولي

انتي في اما دولة

سوسو شن صار في رزك المحمر

اعطينا الطريقة ولو صورتي حطيلنا الصور

[خوله 2014]

المشاركة الأصلية كتبت بواسطة أم أجنادين 80

السلام عليكم كيف حال الكل

هلا نورتينا اثري

ايه النت عندكم قالت مرت خالي انه ضعيف هلبة

اممممم تسلم ايديك خولة ماشاء الله سهفتيني فيها وبالذات نجرب نديرها

انا خلي نجربها بالورق الجاهز قصدك حتي بالباف بستري نقدر نديرها

لو عندك صورة لورق القلاش بالباكوا متاع صوريهولي

انتي في اما دولة

سوسو شن صار في رزك المحمر

اعطينا الطريقة ولو صورتي حطيلنا الصور

سلمك يا ام اجنادين ولكن بالباف لال لا ما تطلعش حلوه الباف اني نموت فيها لفطاير وخاصة مع التفاح والقرفة وتصدقي اني اليومين الي فاتو اطلعت نبي نشري الباف لكن القيها غاليه بصراحة مقارنة بكميتها فلقيت اورق البكلاوة اشريتهم بذله ههخخخ وتبي الحق اني والله اليوم بس طلعت الزبدة بندير عجينة الباف وبعدين ما صارش رديتها بخلت هههخخ وحاضر توا انزلك الصورة متاع الباكو لان فضللي منها خيراات واني في كندا انتي في امريكا والا

[هدية الخالق]

عندي ليكم بشارة أو تقدروا تقولوا استفسار لاني قاعدة مش متأكدة
احتمال اني حاااااامل
نبي نزيد نتأكد منكم اني موعد دورتي يوم 2 وقاعدة ماجتنيش وعندي مغض والم اسفل الضهر ونغزات في اجنابي
مش عارفة شن رايكم ؟
مش عارفة كيف نوصف شعوري اني متخوفة ومشوبة وفي نفس الوقت فرحانة قلت سبحان الله مرات حكمة من ربي بيعوضني بأحمد صغيرون
ان شاء الله يااااارب
واليوم متغديين عندي عيلة تعبت من الوقوف قريب نعيط وتوا نحس في مغص زاد وكأنه حاجة بتطلع مني خايفة يكون اجهاض
عموما منستني لنهاية الاسبوع ومندير الاختبار المنزلي والا منمشي نعاين
ان شاء الله خير

[هدية الخالق]

منحكيلكم علي قصتي
احمد اوخيي الله يرحمه اكبر مني بعامين كنت نعتبره توأمي الغالي متعلقين ببعضنا اكثر مما تصوروا كأننا من نفش الجنس نهدرزوا ديما مع بعض واسرارنا عند بعض من لما صغار لدرجة خواتي كانوا يقولولي غير راك تحكيله علي الدورة ودوة النساوين من كثر مايشوفوا فيا ديما لاصقة فيه وروسنا في روس بعض وحتي كنت نمشي نبات عند خوالي فترة يفقدني ويقعد مهبي ومن لما صغار حافظين طبعنا نتعاركوا توا بعد ساعة تلقينا نهدرزوا ولما كبر كل واحد استقل بنفسه شوية بحكم هو وله راجل واني مراة في خصوصيات بيناتنا لكن في نفس الوقت قاعدين متعلقين ببعض مقارنة بالباقيين
حوايجة اني اللي نحددله فيهم ونساعد فيه في كتابة البحوت والمحاضرات في الجامعة ولما يجوه جماعته اني اللي نعول علي ضيافتهم المهم لما تزوجت تأثر عليا وخصوصا إني منسافر حتي لما سألني قداش بتقعدوا برا قلتله عام ونص قالي هللللبة ووجهه تغير وطلع من جنبي يوجع هادي وفي حاله وماتسمعوله حس حتي كان معجب ببنت خالتي ويبي يخطبها وهي صغيرة لا تكلم ولاقال شدوهلي نين انخطبت وهو ساكت وفرحلها وعول في عرسها زي وخيها واكثر
ولما يشوف في حوايج بياني زمان يقول زعما هادي قداش تكلف كان واحد بيخطب مسكين كان يخطط ويخمم في الزواج
وعرسي قامه بروحه ماشاء الله علي اصوله لين ضعف واسمر من التعويل في النو والشمس مسكين
ويوم الدخلة استقبلني واني مروحة من للمزين وفتحلي باب السيارة وقاللهم ماشاء الله عليها طالعة وقعد يضرب بالسلاح ويوم السبوع لما جيت لاهلي نادى عليا بيسلم عليا وخدينا بعض بالاحضان ونبكوا ويوم جي سلم عليا منسافر طبعا جاني في الحوش لانه وقت طلعتي للمطار بيكون مش فاضي وقتها عندها خدمة جاني وقت ظهر مستعجل لانه كان معاه صاخبه يستني فيه في السيارة قعد عالواقف ماباش حتي يقعمز والا يشرب حاجة سلم عليا بالاخضان واني نبكي وهو يحاول مايبكيش ويطمن فيا ويمسحلي في دموعي قالي ماتخافيش السنين يمروا في رمشة عين وترجعلينا بالسلامة وقعدنا فترة حاضنين بعضنا واني نبكي وزوجي واسلافي واقفين يتفرجوا عالموقف ويبكوا موقف لا أحسد عليه للحظة تمنيت نرجع معاه لحوشنا ونولوا زي قبل لانبي زوج لاسفر المهم سلم ولما جي طالع وقف في الباب وشبحلي مشوااار بدون مايقول ولا كلمة وكانوا عيونه يلمعوا والدمعة واضحة فيهم كأنه كان يودع فيا ويملأ في عيونه من ملامحي لأخر مرة وبعدها طلع يجري وسمعت صوت السيارة مشت وقلبي مشي معاها حسيت روحي غريبة ونبيه يرفعني معاه

ومنها ماعاد شفته ولاحنشوفه في هالدنيا وان شاء الله نجتمعوا في الاخرة في جنات النعيم
واما قصة كيف ماخبرونيش ومافقدتاش هذا كله تدبير من ربي العالمين سبحان الله نزل عليا حجاب الغفلة زي مايقولوا
في الفترة الاولي كان الوضع طبيعي يتصل بيا باستمراااار وكان مش اتصال رسالة واخؤ مرة اتصل بيا في العيد الصغير عيد عليا اني وزوجي وماننساها المكالمة نتفكر فيه طلعلي رقم ماعرفتاش لانه مرات تصير لخبطة في الخطوط امشي قلت من؟قالي اني الخال قصده خال البيبي اللي في بطني الله قداش فرحتني كلمته وقتها وقعد يوصي فيا علي نفسي وعلي زوجي وعاللي في بطني وبعدها بفترة انشغل معاش كلمني لعند مابعتلي اخر رسالة كتبلي ليك وحشة موت لكن هانت ان شاء الله قرييا تروخيلنا بالسلامة وديري يالك علي نفسك وعالبيبي وعلي زوجك وان شاء الله نشوفوك علي خير وفي الاخير كاتب اخوك احمد كانه حاس انها اخر رسالة وحتقعد ذكري
بعدها انشغب فترة واني لهيت بالوحم وحالتي حالة نسأل عليه في سؤال عادي عفوي ويقولولي باهي وخلاص ويوم وفاته الصبح كان عندنا ليل ماننساها هذيك الليلة عندي ارق فضيع وقلبي مقبوض والنوم طاير وانوض في زوجي نقوله ماقدرتش نرقد يقولي من الحمل عادي اقري قران واشربي حاجة دافية وارقدي قعدت نتقلب ونتنهد للاربعة بعدين اخيرا رقدت ونضت الصبح مشيت لتلفوني سبحان الله بعتله رسالة والله العظيم
وبعدها لهيت في الحمل والثقل والولادة والبيبي الجديد ومشيت في غفلة وتبوا الحق توا نلوم في روحي عالتقصيؤ في سؤالي عليه بعدين نقول في خاطري هذا تدبير وتخطيط من رب العالمين
شوفوا الحكمة سبحان الله قبل اختي بتخبرني يوم الجنازة قبل مايقرروا انه مايخبرونيش اتصلت بيا بس كنت راقدة ماسمعتش التليفون بعدها اتصلت براجلي خبراته ولحق عليها بوي قبل ماتخبرني
وقبل فترة نقلب في الرشائل اقديمة بالصدفة طحت في اخر رسالة لخوي ومنها بديت نستاقظ ونوعى من غفلتي وين عقلي اني كي هالغيبة ماحسيتش بيها كانهوا مريض راهو صح كانهوا مسافر روح وبدت الوساوس والاحلام والافكار الغريبة وكل مانسال اهلي يطمنةا فيا لكن في داخلي مانقتنعش في الاخير غيرت علي خالي ندردش معاه عالواتس اب شديتها في جرته كيف وكيف ودرتله حالة وهبلته بالاسئلة في البداية انكر وغطا المةضوع زي اهلي ي بعدين قتله كلمني بالعقل وعطيني مبررات بيش نصدق قتله اني مش طالبة غير مكالمة صغيرة منا واعرة هادي؟قالي خلاص اليوم باذن الله نمشي لاهلك ونعطيك تكلميه
مشي هو وبقية اخوالي لبوي وحكوله الموضوع واقنعوه واتصلوا براجلي قالوله روح للحوش جنبها باش نخبروها خش عليا راجلي وجهه اسود حاشاكم مايتفسرش قتله خيرك جاي توا لاباس قالي لاشي اذن الظهر قلتله ايه خش صلاه وجي اتصل بخالي وقالي هاك خالك بيكلمك كلمني وقعد يعطي فيا مقدمات انه ربي امرنا نأمنوا بالقضاء والقدر وانه انتي متعلمة وفاهمة وعاقلة فهمته طول قتله هات من الاخير قالي الخبر ورميت التيليفون لراجلي وهربت لدار النوم فشيت غلي لمدة ساعة كاملة بعدها اتصلت امي تبكي وتتجدي فيا تقولي ماتبكيش وتعدبيه سلم بنيتي نوضي صلي وادعليه قطعتلي قلبي قتلها حاضر نضت صليت وقريت قران ودعيت ومنها ارتحت الحمد لله قعدت نبكي عالخفيف دموع رحمة وفي الليل تهونت شوية نضت درت عشي لراجلي وجعني من الضبح بلاماكلة واهلي واقاربي ماخلونيش كل مرة حد يتصل يعزي ويواسي تليفوني ماهداش يومها والحمد لله مشت المحنة علي خير وارتحا وريحت اهلي من هالكايوس اللي كان علي قلبهم مثقل عليهم وتوا اخسن نفسيتي الحمد لله وخصوصا اني نشوف فيه في الحلم وندعيله ومرة مرة نبكي شوي شوي باش نرتاخ بس والحمد لله ربي ماينزل المصيبة الا معاها الصبر ربي يعوضنا فيه خير ويآجرنا في مصيبتنا ويخلف لنا خيرا منها وربي يرخمه ويغفرله ويتقبله بقبول حسن ويسكنه فسيح جناته ويحفظلي باقي عويلتس وعائلاتكم جميعا
واااااااسفة جدا عالقصة الطويلة والتفاصيل حبيت نحكيلكم التفاصيل كلها ونفضفضلكم ان شاء الله ماتملوش من قرايتها وتقولوا وتدعوا لاخي بظهر الغيب كل ماتتفكروه وعارفتكم ماتقصروش بلا توصاء ربي يحفظكم
السلام عليكم

[خوله 2014]

المشاركة الأصلية كتبت بواسطة هدية الخالق

منحكيلكم علي قصتي
احمد اوخيي الله يرحمه اكبر مني بعامين كنت نعتبره توأمي الغالي متعلقين ببعضنا اكثر مما تصوروا كأننا من نفش الجنس نهدرزوا ديما مع بعض واسرارنا عند بعض من لما صغار لدرجة خواتي كانوا يقولولي غير راك تحكيله علي الدورة ودوة النساوين من كثر مايشوفوا فيا ديما لاصقة فيه وروسنا في روس بعض وحتي كنت نمشي نبات عند خوالي فترة يفقدني ويقعد مهبي ومن لما صغار حافظين طبعنا نتعاركوا توا بعد ساعة تلقينا نهدرزوا ولما كبر كل واحد استقل بنفسه شوية بحكم هو وله راجل واني مراة في خصوصيات بيناتنا لكن في نفس الوقت قاعدين متعلقين ببعض مقارنة بالباقيين
حوايجة اني اللي نحددله فيهم ونساعد فيه في كتابة البحوت والمحاضرات في الجامعة ولما يجوه جماعته اني اللي نعول علي ضيافتهم المهم لما تزوجت تأثر عليا وخصوصا إني منسافر حتي لما سألني قداش بتقعدوا برا قلتله عام ونص قالي هللللبة ووجهه تغير وطلع من جنبي يوجع هادي وفي حاله وماتسمعوله حس حتي كان معجب ببنت خالتي ويبي يخطبها وهي صغيرة لا تكلم ولاقال شدوهلي نين انخطبت وهو ساكت وفرحلها وعول في عرسها زي وخيها واكثر
ولما يشوف في حوايج بياني زمان يقول زعما هادي قداش تكلف كان واحد بيخطب مسكين كان يخطط ويخمم في الزواج
وعرسي قامه بروحه ماشاء الله علي اصوله لين ضعف واسمر من التعويل في النو والشمس مسكين
ويوم الدخلة استقبلني واني مروحة من للمزين وفتحلي باب السيارة وقاللهم ماشاء الله عليها طالعة وقعد يضرب بالسلاح ويوم السبوع لما جيت لاهلي نادى عليا بيسلم عليا وخدينا بعض بالاحضان ونبكوا ويوم جي سلم عليا منسافر طبعا جاني في الحوش لانه وقت طلعتي للمطار بيكون مش فاضي وقتها عندها خدمة جاني وقت ظهر مستعجل لانه كان معاه صاخبه يستني فيه في السيارة قعد عالواقف ماباش حتي يقعمز والا يشرب حاجة سلم عليا بالاخضان واني نبكي وهو يحاول مايبكيش ويطمن فيا ويمسحلي في دموعي قالي ماتخافيش السنين يمروا في رمشة عين وترجعلينا بالسلامة وقعدنا فترة حاضنين بعضنا واني نبكي وزوجي واسلافي واقفين يتفرجوا عالموقف ويبكوا موقف لا أحسد عليه للحظة تمنيت نرجع معاه لحوشنا ونولوا زي قبل لانبي زوج لاسفر المهم سلم ولما جي طالع وقف في الباب وشبحلي مشوااار بدون مايقول ولا كلمة وكانوا عيونه يلمعوا والدمعة واضحة فيهم كأنه كان يودع فيا ويملأ في عيونه من ملامحي لأخر مرة وبعدها طلع يجري وسمعت صوت السيارة مشت وقلبي مشي معاها حسيت روحي غريبة ونبيه يرفعني معاه

ومنها ماعاد شفته ولاحنشوفه في هالدنيا وان شاء الله نجتمعوا في الاخرة في جنات النعيم
واما قصة كيف ماخبرونيش ومافقدتاش هذا كله تدبير من ربي العالمين سبحان الله نزل عليا حجاب الغفلة زي مايقولوا
في الفترة الاولي كان الوضع طبيعي يتصل بيا باستمراااار وكان مش اتصال رسالة واخؤ مرة اتصل بيا في العيد الصغير عيد عليا اني وزوجي وماننساها المكالمة نتفكر فيه طلعلي رقم ماعرفتاش لانه مرات تصير لخبطة في الخطوط امشي قلت من؟قالي اني الخال قصده خال البيبي اللي في بطني الله قداش فرحتني كلمته وقتها وقعد يوصي فيا علي نفسي وعلي زوجي وعاللي في بطني وبعدها بفترة انشغل معاش كلمني لعند مابعتلي اخر رسالة كتبلي ليك وحشة موت لكن هانت ان شاء الله قرييا تروخيلنا بالسلامة وديري يالك علي نفسك وعالبيبي وعلي زوجك وان شاء الله نشوفوك علي خير وفي الاخير كاتب اخوك احمد كانه حاس انها اخر رسالة وحتقعد ذكري
بعدها انشغب فترة واني لهيت بالوحم وحالتي حالة نسأل عليه في سؤال عادي عفوي ويقولولي باهي وخلاص ويوم وفاته الصبح كان عندنا ليل ماننساها هذيك الليلة عندي ارق فضيع وقلبي مقبوض والنوم طاير وانوض في زوجي نقوله ماقدرتش نرقد يقولي من الحمل عادي اقري قران واشربي حاجة دافية وارقدي قعدت نتقلب ونتنهد للاربعة بعدين اخيرا رقدت ونضت الصبح مشيت لتلفوني سبحان الله بعتله رسالة والله العظيم
وبعدها لهيت في الحمل والثقل والولادة والبيبي الجديد ومشيت في غفلة وتبوا الحق توا نلوم في روحي عالتقصيؤ في سؤالي عليه بعدين نقول في خاطري هذا تدبير وتخطيط من رب العالمين
شوفوا الحكمة سبحان الله قبل اختي بتخبرني يوم الجنازة قبل مايقرروا انه مايخبرونيش اتصلت بيا بس كنت راقدة ماسمعتش التليفون بعدها اتصلت براجلي خبراته ولحق عليها بوي قبل ماتخبرني
وقبل فترة نقلب في الرشائل اقديمة بالصدفة طحت في اخر رسالة لخوي ومنها بديت نستاقظ ونوعى من غفلتي وين عقلي اني كي هالغيبة ماحسيتش بيها كانهوا مريض راهو صح كانهوا مسافر روح وبدت الوساوس والاحلام والافكار الغريبة وكل مانسال اهلي يطمنةا فيا لكن في داخلي مانقتنعش في الاخير غيرت علي خالي ندردش معاه عالواتس اب شديتها في جرته كيف وكيف ودرتله حالة وهبلته بالاسئلة في البداية انكر وغطا المةضوع زي اهلي ي بعدين قتله كلمني بالعقل وعطيني مبررات بيش نصدق قتله اني مش طالبة غير مكالمة صغيرة منا واعرة هادي؟قالي خلاص اليوم باذن الله نمشي لاهلك ونعطيك تكلميه
مشي هو وبقية اخوالي لبوي وحكوله الموضوع واقنعوه واتصلوا براجلي قالوله روح للحوش جنبها باش نخبروها خش عليا راجلي وجهه اسود حاشاكم مايتفسرش قتله خيرك جاي توا لاباس قالي لاشي اذن الظهر قلتله ايه خش صلاه وجي اتصل بخالي وقالي هاك خالك بيكلمك كلمني وقعد يعطي فيا مقدمات انه ربي امرنا نأمنوا بالقضاء والقدر وانه انتي متعلمة وفاهمة وعاقلة فهمته طول قتله هات من الاخير قالي الخبر ورميت التيليفون لراجلي وهربت لدار النوم فشيت غلي لمدة ساعة كاملة بعدها اتصلت امي تبكي وتتجدي فيا تقولي ماتبكيش وتعدبيه سلم بنيتي نوضي صلي وادعليه قطعتلي قلبي قتلها حاضر نضت صليت وقريت قران ودعيت ومنها ارتحت الحمد لله قعدت نبكي عالخفيف دموع رحمة وفي الليل تهونت شوية نضت درت عشي لراجلي وجعني من الضبح بلاماكلة واهلي واقاربي ماخلونيش كل مرة حد يتصل يعزي ويواسي تليفوني ماهداش يومها والحمد لله مشت المحنة علي خير وارتحا وريحت اهلي من هالكايوس اللي كان علي قلبهم مثقل عليهم وتوا اخسن نفسيتي الحمد لله وخصوصا اني نشوف فيه في الحلم وندعيله ومرة مرة نبكي شوي شوي باش نرتاخ بس والحمد لله ربي ماينزل المصيبة الا معاها الصبر ربي يعوضنا فيه خير ويآجرنا في مصيبتنا ويخلف لنا خيرا منها وربي يرخمه ويغفرله ويتقبله بقبول حسن ويسكنه فسيح جناته ويحفظلي باقي عويلتس وعائلاتكم جميعا
واااااااسفة جدا عالقصة الطويلة والتفاصيل حبيت نحكيلكم التفاصيل كلها ونفضفضلكم ان شاء الله ماتملوش من قرايتها وتقولوا وتدعوا لاخي بظهر الغيب كل ماتتفكروه وعارفتكم ماتقصروش بلا توصاء ربي يحفظكم
السلام عليكم

والله قصتك مؤترة لين خلاص عزيزتي هدية والله العبرة خانقتني سبحان الله هده الدنيا ربي يمتحنك في اعز احبابك ان شاءالله ربي يرزقة الجنه يااارب

[أم أجنادين 80]

وهذه خبزة طاجين بالخضرة

درتها البارح بطريقة جديدة

[dr.loly]

المشاركة الأصلية كتبت بواسطة أم أجنادين 80

وهذه خبزة طاجين بالخضرة

درتها البارح بطريقة جديدة

ماشاء الله تسلم الايادي جنووده
خبزة الخضرة لفتره ما في حياتي كانت المفضله عندي
خصيصا برشه شبت وزيتون وبصل ذابل ف زيت زيتنون
ومرات بشرة جزر حتي.. طبعا مع جبنة مبشوره
لكن اعتقد من ايام ثالت ثانووووي

يعني قبل 11 سنه هكي معش تقبلتهااا واجد
لانها اتذكر عليا في وفاة جدي الغالي ..



شن اخر اخباركـ وشن قررتي ولا مازال؟؟
ننصحك بصلاة الاستخاره..

[جوهرة ليبيا]

هلا وغلا باثري

كيف حالك وحال الصغار ربوهم ربي يحفظهم

وكيف حال اميمتك

[جوهرة ليبيا]

خوله مشكوره حبوبه عالطريقه وباذن الله انجربها

فيفي كيف حالك ان شاء الله احسن وربي يسهل عليك حملك وولادتك

جنوده صحه الخبيزه اتسهف ماشاء الله سلم ايدياتك

وربي يكتبلك اللي فيه الخير ويرزقك ماتتمني ياااااااااااااااارب

[جوهرة ليبيا]

جنوده تكتبيلي الطريقه لو سمحتي ومشكوره

بنرررررررررررقد وجماني شكلها ننت الحبوبه

سلام توا