ليبيا غالية ،،، وما تعرفني إلا بالغااااااااااالي~~~~ تفضلوا

[dr.loly]

سوسو حمدلله ع سلامتكم..

[dr.loly]

آيـــه ربي يخليلك اصغارك وتفرحي بهم..
ويوفقك في موضوع الدراسه

وماشاء الله بنوتك ثلات سنوات

وفرق بينها وبين خوها سنتين صح؟

بس نصيحه ما تأجليش موضوع الحمـل واااجد
لانك قلتي بعد القرايه وهكي..

ولو ع التعب مثلا حملت ببنتي وولدي عمره 5شهور
صح بالغلط وتعبت نفسيتي بس بعدهاا الحمدلله
أهم مونسين بعضهم

ورغم ذلك مش مفكره نوقف واجد ان شاء الله
بعد توصل بنتي سنتين
ومع زيادة تسع شهور حمل
يبقو فرق سنتين و9شهور ونقول واجد فرق بينهم هههه

او الظاهر اني نظرية ماما مترسخه نوعا ما فيا
جيبيهم وانتي صغيره بيش ترتاحي بعدين
ويونسوا بعضهم
وهو كله بأمر الله هو القادر ع كل شئ..

[dr.loly]

هدووو معليش حبيبتي
مأجوره إن شاء الله..

وحام صيف ولا تجيبي ف الصيف ...
توا تجيبي ف الشتا وترتاحي
لان نفاس الشتا نحسه مريح اكثر من الصيف
سواء ليك او للبيبي
ويقعد كله ذكري معليش

[fefe93]

هدهد انشاء الله ربي يخفف عليك الوحم و اتنوضي انتي و البيبي بسلامة يارب

[آية 87]

السلام عليكم هدهد اهلا بيك وان شاء الله ربي يتبت ما في رحمك ومعليشي الوحام فترة وتمر فكرتيني بوحمي الاربع الشهور كلها نعديها هكي وزيادة بين المصاحات تغدية ومافيش ماكلة وجفاف بس من لما نخش الخامس نتهون شوية ونبداء نخنفر ننصحك اظغطي على نفسك الصبح وانتي في فراشك حاولي تاكلي بسكويت مالح طرف او اتنين حسب ماتقدري يساعد الماعدة على تقبل الطعام وتهيئها وان شاء الله ما تشوفي سو كم عمر بنوتك ربي يحفظها ؟؟

[آية 87]

فيفي طمنينا عليك بعد الموعد شن قالتلك الدكتورة وان شاء الله خير

[fefe93]

المشاركة الأصلية كتبت بواسطة آية 87

فيفي طمنينا عليك بعد الموعد شن قالتلك الدكتورة وان شاء الله خير

شكرا ايه علي سوال
الدكتورة قالتلي كل شي تمام و عطتني موعد في اليوم متع الولادة في حالة ماجبتش

[آية 87]

أم فراس كيف حالك وشن اخبار الصغيويرة ؟ شن عندك وكم ليك متزوجة عرفيني عليك ^_^ بنسبة ليا يا وخيتي يلزمني راحة زيادة ميضرش تاجيل تلات سنين بس ناخد فيهم الشهادة الجامعية بعدين ساهل حتى نستاحش الحمل وفكرة بيبي جديد لان سلامتهم صغاري ميرقدوش الليل والله طوال الستة شهور الليل يقيموة ومهناك ما يرقدو حتي باباهم ماعنداش وسعة بال ابدا خصوصا انه موظف ولازم يرقد بكري باش ينوض بكري قرار لا رجعة فيه رغم اني لما رجعت للمنتدى حسيت اني استاحشة الحمل "

[هدية الخالق]

السلام عليكم كيف الحال
بالله علييييييييكم ادعولي اني في حاااالة يرثى لها والله لو تشوفوا وضعي توا يصعب عالكافر نعيط حشاكم بأعلي صوتي ونرعش مع بعضي وبنتي جنبي تعيط خايفة راجلي خدالي موعد من دكتورتي ولقاه مش شادة اليوم وتوا جاي بيعرفني للطوارئ ياااااارب هون عليا والله من امس الفطور ماقعدت في بطني حاجة والامية هادي عدوي اللذوذ الحمام حشاكم من امبارح ماخشيتش ماقدرتش
بالله منسأل هل ينفع التيمم في حالتي لأني شبه مقعدة بعيد عليا وعليكم وبنتي قاعدة لاتغيير شمال لا فطورمسكينة نستني في بوها يجيها
سلااااام

[fefe93]

المشاركة الأصلية كتبت بواسطة هدية الخالق

السلام عليكم كيف الحال
بالله علييييييييكم ادعولي اني في حاااالة يرثى لها والله لو تشوفوا وضعي توا يصعب عالكافر نعيط حشاكم بأعلي صوتي ونرعش مع بعضي وبنتي جنبي تعيط خايفة راجلي خدالي موعد من دكتورتي ولقاه مش شادة اليوم وتوا جاي بيعرفني للطوارئ ياااااارب هون عليا والله من امس الفطور ماقعدت في بطني حاجة والامية هادي عدوي اللذوذ الحمام حشاكم من امبارح ماخشيتش ماقدرتش
بالله منسأل هل ينفع التيمم في حالتي لأني شبه مقعدة بعيد عليا وعليكم وبنتي قاعدة لاتغيير شمال لا فطورمسكينة نستني في بوها يجيها
سلااااام

انشاء اللة ربي يعونك معاك ويخفف عليك الوحام وانشاء الله ربي يهون عليك