دردشة حوامل أهل الكويت - دردشة بنات الكويت - تجمع حوامل الكويت

[شموسه]

كيفج سميها ليان ولين حلوين

[سكر مكر]

شموسه انا بعد اجهاضي لعبو فيني العرف اول شي كنت عند مدحت وعاطاني كلوميد وابر تفجيريه وماصار تالي رحت لمنصور نفسه وهم لعب فيني بس بصوره اكبر منشطات بس هم ماصار حمل قالي ارتاحي شهر وتعالي ثاني مره اسويلج

الله وكيلج صرت حقل تجارب

وامي تزن روحي للحريم روحي للحريم وما صدققت

والله كرشتي تخرررررررررع من الكلوميد متنت بشكل يخرع جسمي تغر من الهرمونات

توكلت على الله ثم رحت لوجده ذكروها لي ومدحوها والحمدلله من اول شهر علاج حمل حملت بفضل الله ثم اهيا

وادعولي الله يتمم حمالي

[سكر مكر]

نعمة واحد ما ابي اصير طماعه هههههههههه

الله يهون عليج يارب ويفرح قلبج بالتوام الكاملين بلازيادة ولانقصان معافين يارب

وكل بنات المنتدى امييييييييييييييييييييييين


شموسه للعلم حملت مرتين طبيعي قبل لا اروح للعرف بس على طول اجهض قبل لا يتم لي شهر

[شموسه]

سكر


حبيبتي اشلون العبو فيج يعني

خرعتيني انا اخر ولاده لي قبل اربعين يوم حسيت في شي خطا وانا اطلك فتحت عيوني في الولاده ولقيت نفسي احسب حالي لفوق السرير وابي اقوم بس كانو يسحبوني عليهم وانا مخدره وبنجه والله اذكر كلامي لما اطلق واقولهم ارحموني وابجي واقول يارب اغفر لي وارحمني بس تدرين والله المؤخره عندي مزرقه مع بنفسجي تقول مطكوكه بوكس هههههههه


الله يحفظنا

بس ترى هو خوش دكتور والله الله يكون بعوننا يارب امين


ومشكوره على الدعوه الحلوه ابي اناااااااااااااااااااام والله عيوني تبي تنبط

بكره اشوفكم ان شاء الله



تصبحوووووووووووووون على خييييييييييييييييييير

[سكر مكر]

لا ان شالله دامج سلمتي وطلعتي من الاربعين الحمدلله على السلامه

وما ابي احط منصور بذمتي لا حرام بعد الله ثم هو رفيجتي حملت باربع توام بعد طول انتظار بس الله موزع الارزاق ويخلي ناس بطريجنا يكونون بأمره سبب لما نحن فيه

والحمدلله على كل حال

اقول شرايج بـ لمى ولين ؟؟

[سكر مكر]

لمى ولنى

نوف و نايفه

[زود الغلا]

شموسة حبيبتي تو الناس ........ انا عاجبني لين وليان وودي بعد باسامي ثانية ,
سكر مكر ............ حلو اسم لمى بس معناته مو عاجبني . تعالي بسالك لما رحتي حق المراة التي تعالج شنو سوتلك ؟؟؟؟ تدليك والا ادوية ؟؟

[سكر مكر]

عطتني علاج لمدة شهرين علاج الاجهاض مع طبعا مناعه من زوجي

وبعد الشهرين عطتني عسل وعلاج بودره مع كاسات هوا ثلاث ايام ورا بعض

والعلاج اكله لي 21 يوم من الدوره بعدين اقطعه لين تجي الدوره وابلش فيه من جديد
قالت استمري ثلاث شهور وبعدها تعالي

والله سبحانه من الشهر الاول ما شفت الدوره الحمدلله وطلعت حامل واول حمل ادخل فيه للشهر الثاني ويارب يكتمل لي التاسع

وهذي قصتي مع المره

[شموسه]

زوووووووووووووووووود


على شنو تو الناس انا فكلرت باسامي ورديت لج راي

بس لا تنسين وتسمين ليون

[زود الغلا]

شموسة انا قلتلك تو الناس على النومة مو على الاسامي :):) بس الظاهر انت حييييييييل دايخة .