تجمع رعاية المولود من شهر 4 إلى شهر 6

نوارس · 02-12-2013, 11:10 PM

ولدي كمل الشهر الرابع
ودخل الخامس من يومين وللحين ماوقف ولاشد راسه بشكل قوي
افيدوني شسوي ..،؟
اذا في شي مثل الزيت او شي ادهن فيه جسمه افيدوني بأسمه

الله يخليكم نفسيتي تعبانه واايد
كل من شافه يقول مايصير المفروض يوقف
وانا خايفه كثيير عليه الله يخليكم

افيدوني وريحوني تكفوووون :(

عبووودي نور دنيتي · 02-15-2013, 02:50 AM

اقتباس:

المشاركة الأصلية كتبت بواسطة ام سيلا

السلام عليكم بعد غياب طويل وحشتوني

انا ولدي عمره اربع شهور وفيه قشره في شعره لدرجة انه صار يعرف يحكها صار بس يحك راسه

وش اسوي له ساعدوني

بسيطه الشغله يأختي ام سيلا انا حصل لولدي كذا وهو في الشهر الرابع بس عليك بزيت الزيتون قبل لاتسبحين طفلك حطي شوي زيت زيتون على شعره وبعدين اخذي المشط الخاص حق طفلك علشان العدوى😁 ومشطي على خفيف راح تنصدمين من اللي بتشوفينه بتطلع لك القشره ثم غسلي شعره بالشامبو انا والله سويتها لولدي وطلعت من اول مره جربي وماراح تندمي واذا نفعت وجابت نتيجه حلوه ادعي لامي حبيبتي بالعافيه لانها هي اللي قالتلي على هالشغله ~~

عبووودي نور دنيتي · 02-15-2013, 03:10 AM

اقتباس:

المشاركة الأصلية كتبت بواسطة نوارس

ولدي كمل الشهر الرابع
ودخل الخامس من يومين وللحين ماوقف ولاشد راسه بشكل قوي
افيدوني شسوي ..،؟
اذا في شي مثل الزيت او شي ادهن فيه جسمه افيدوني بأسمه

الله يخليكم نفسيتي تعبانه واايد
كل من شافه يقول مايصير المفروض يوقف
وانا خايفه كثيير عليه الله يخليكم

افيدوني وريحوني تكفوووون :(

اختي نوارس اعطيه فيتامين د روحي للدكتور وقوليله يكتب لك هذا الفيتامين لانه مهم للاطفال وخاصه بالعمر هذا علشان يبني عظامه

أم ح ــنونـہ · 02-16-2013, 05:24 AM

السلام عليكم
كيفكم مامات
انا مشكلتي انه بنتي مو راضيه ترضع مني :(
هيا عمرها 4 شهور كانت ترضع عادي ومافي مشكله
بس فجأه صارت ترفض صدري واحاول معاها وماترضى ابدااا
يا تمص شوي وتتركه او تبعد وجهها عنه واحيانا احسها راح تستفرغ لما ارضعها
كيف اخليها ترجع ترضع مني مثل قبل والله كثير مقهوره :(

Mishael · 02-21-2013, 05:58 PM

ام حنونه انا اعاني من نفس المشكله وامي تقولي شكل فيه احد معطيك عين

أم ح ــنونـہ · 02-22-2013, 06:29 AM

اقتباس:

المشاركة الأصلية كتبت بواسطة Mishael

ام حنونه انا اعاني من نفس المشكله وامي تقولي شكل فيه احد معطيك عين

لا حبيبتي ان شاء الله مافيك شي
انا قرأت انه ممكن الطفل يترك صدر امه فتره

ولازم الام ما تتركه على هالحال
تحاول معاه لغاية ما يرجع يرضع ثاني مره

وانا عملت هالشي والحمد لله بنتي رضعت مني

صح مو كثير بس احسن من مافيش ههههه

Mishael · 02-24-2013, 01:34 PM

امييين ام حنونه الله يجزاك خير بس للحين ماترضع الا غصببب تشبع صياح مارضعت المشكله هي ماتقدر ترضع صناعي لان عندها وحمة الفراوله
بشفتها فماتقدر تمصه

نهال الدوسري · 02-25-2013, 07:37 PM

السلام عليكم ورحمه الله وبركاته

يالله اشتقت للمنتدى واشتقت للبنات كلهم بس مررررة انحست وانشغلت من يوم جتني سديم الله يحفظها وللحين ماتنظم وقتي محيوسة فوق تحت

ميشل شخبارك وشلون البنوته الله يخليها لك ماشاء الله عليك للحين مستمرة وفعاله مثل عادتك الله لايحرمنا منك

@ام عبدالله · 02-28-2013, 03:52 PM

اهلين بعد اسوع بنضم لكم

Malloka · 03-04-2013, 11:07 PM

السلام عليكم بنات
وحشني المنتدى وسواليفكم
شخباركم وشلون عيالكم

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
تجمع رعاية المولود من حديثي الولادة إلى شهر 3	ايلاف	استفسارات رعاية المواليد	2320	06-14-2013 07:09 PM
تجمع رعاية المولود من شهر 7 إلى شهر 9	ايلاف	استفسارات رعاية المواليد	91	06-11-2013 10:56 PM
اختيار جنس المولود,تحديد جنس المولود بنوع الاغذيه	عزيزة النفس	منتدى الصحة الغذائية والطب البديل	3	07-30-2012 05:29 AM
عندك نفاس ولا امداك تفصلين بدله و مدس المولود وسرير المولود تفظلي بالصور	لمسة رجاء	منتدى السوق التجاري	19	06-23-2012 04:37 AM
رعاية صحة الحامل	نورا	منتدى حوامل الطبي	2	06-15-2009 12:44 AM