.·¤ تجمع الحوامل اللي ولادتهم في محرم¤·.

[Marawy]

اللهم سترك ،،
فديتج الله يسلمج من الشر ،، اي والله هذا اللي انا خايفه منه ،، دايما اخاف ينقصني شي او اكون ناسيه شي لين ولدت ،، ان شاء الله بشتري عن خاطري كم فستان وملابس بنوتات من دبي بس باخذها لعمر اكبر يعني من 3 إلى 6 شهور او من 6 إلى 9 شهور ،، عشان ما اخسرهم ،،

[Marawy]

ام اسكندر ،، فديته اسكندر ربي يحفظه يارب ماشاء الله عليه يدنن ،، اتخيل البنوته الحلوه اللي بتجيبينها تشبهه ،، ربي يحفظه لج ان شاء الله وتبلغين فيه ،، صار بخاطري اعض خدوده فديت قلبه ،، وحلوه هالالعاب للنونو ،، انا ما شريتها قلت ممكن تجيني هديه ،، ولو ما جاتني هديه بشتريها بعد النفاس ،، احس هي الشي الوحيد اللي تأمنين تخلين البيبي يلعب تحتها ،، غير الالعاب الثانيه اللي ما منها فايده وما تلهي النونو ،،

وانا اكثر شي اشتريته للبيبي البجامات مثل اللي على اسكندر ،، احسها مريحه اكثر من البدلات والبجامات القطعتين ،،

احسن تجهزين بدري خصوصا ان هذي ولادتج الثانيه بأذن الله وماتدرين متى تجيج الولاده ،، ممكن ماتخلصين لنهاية الشهر التاسع ،، ننتظر تجهيزات الحلوة الاموره ،،

[Marawy]

ملكتني ،، فديتج من طيبج يالغلا ،، وتستاهلين كل خير حبيبتي ،، كفايه انج تنحطين ع الجرح يبرى ياقلبي ،، ربي يرزقج كل ما تتمنين ،، ومبروك دخولج الخامس ،، ادري متأخره بس توني الاحظ الشريط هههه ،،
الله يبارك فيج ههههه حلاوتج بالحفظ والصون فديت قلبج ،، انتي بس امري ،، والله لما قالت لي تراها بنوته ها ههههه قعدت اضحك بصوت عالي حتى وهي حاطه الالتراسوند على بطني النونو تهتز من الضحك ههههههه زوجي يقول خلاص وقفي ضحك غربلتي بنتي هههههههههههه ،،


مشكوره على المعلومات المفيده ،، انا ناويه بعد ولادتي اواصل على حبوب الحديد ،، بس دام عطيتيني اسم هالفيتامينات وهي شامله راح استخدمها ان شاء الله ،، بس انا سمعت ان اوميقا 3 تسبب السمنه صج والا بس كلام ؟؟ اخاف تمتني ،، اكثر من هالمتن ،،ههههه

بالنسبه لفقر الدم ،، ماعليج الا العافيه ،، وجربي تشربين عصير القدونس ،، اغسلي البقدونس ونظفيه عدل بعدين خليه في الخلاط لحد ما يصير عصير وضيفي عليه ليمونتين عشان يعدل طعمه وخليه يبرد بالثلاجه واشربيه ،، اشربي كل يوم كاسه كبيره منه ،، وطعمه مو كريه ،، مثل طعم الليمون بالنعناع تقريبا ،،

جربت الجدول الصيني طلع لي ولد ههههههه الظاهر يبي يخبصني هالجدول ،، بس ما بصدقه ،،

[Marawy]

دلع ،، هي روتني الفيديو في المشفى وكانت مدته قصيره لان النونو غطت وجهها وصارت في زاويه محشوره ما تبينا نشوفها تتغلى ههههه فما خلت لي الفيديو ف السي دي ،، خلت لي بس الصور اللي صورتها بكذا وضعيه ،، بحيث يبان الراس والوجه واليدين والرجلين وحتى قياساتها مسجله بعد ،، بس بشكل عام جلستج تطول المفروض ،، يعني تقريبا قعدت مع الدكتورة وهي تسوي لي الترا سوند نص ساعه إلى ساعه الا ربع تقريبا ،، لانها ترويج كل شي بالتفصيل وتحاول تحصل من النونو افضل واوضح صوره عشان تطبعها لج ،،

[Marawy]

اميرة الورد ،، ربي يعطيج الصحه والعافيه ،، وكلنا عندنا مشاغلنا فديتج ونقدر كل وحده بالتجمع سواء دخلت او ما دخلت ،، وان شاء الله بعد العيد ما لنا عذر نتأخر ع التجمع ،، وقرة عينج برجعة زوجج وربي يتقبل منه ان شاء الله ،،

هههههههه يؤ يؤ يؤ ضحكتيني بقوه ،، وين ولدت ! هههههه اتخيل بسم الله الرحمن الرحيم ،، خخخخخخخخخخخخخخ حسستيني اني وصلت التاسع ،،

[Marawy]

ام التوينز ،، ربي يبارك فيج حبيبتي ،، الحمدلله انج تطمنتي ،، ونفس الكلام اللي قالوه لي اخر مره ،، ان البيبي حجمها صغير كثير ومافيها وزن ،، لكن لما رحت وعملت الرباعي بالخاص سألها زوجي عن الحجم والوزن وقالت الدكتورة ان كل شي طبيعي والحجم والوزن ماله علاقه بحساب الشهور ،، لانهم يمشون على المخ وطول العظام عشان يحسبون انتي اي اسبوع او اي شهر ،، وقالت عادي الوزن بيوم وليله تلاقينه يرتفع ،، يعني شي طبيعي ممكن لين التاسع النونو يكون صغير ومره وحده يرتفع بشكل رهيب ،، سبحان الله ،، بس امي نصحتني اكل كل يوم تفاحه وحده ،، واشرب حليب السعوديه كامل الدسم يوميا قبل لا انام ،، والحمدلله الوزن اشوفه يزيد يعني بالحكومي عطوني وزن النونو 600 وشوي ولما رحت الخاص الوزن وصل 700 وشوي ماشاء الله ،، الحمدلله رب العالمين ،، لا تحاتين فديتج ،،

[Marawy]

ام يارا ،، اي والله بجد حلو الرباعي حبيته ههههه جربيه وقولي لنا تجربتج يالغلا ،،




بنوتة القمر ،، عليه بالعافيه النونو ،، اي والله امهاتنا دوم يحبون التأخير هههههه امي بعد تعبت وهي تقول لي تو الناس اصبري ،، لكن ما سمعتها وجهزت ،، والحين بعد ما جهزت لما تشوف الاغراض تقول لي زين سويتي افتكيتي ههههههه والله ما ينعرف لهم ،، وبالنسبه للحليب اتوقع بدري عليه ،، يعني اشوف خواتي وصديقاتي ياخذونه بعد الولاده ،، ثاني او ثالث يوم بالولاده ،، لانه يعتمد على البيبي لو ما يتقبل الرضاعه الطبيعيه تضطرين تشترين له ،، وبشكل عام دكتور الاطفال هو راح يزور البيبي ويكشف عليه قبل الترخيص واسأليه اي حليب يناسبه ،، وغير هذا يعطونج رضعه له كل كم ساعه من المستشفى يعني مافي داعي الحليب الصناعي بالمستشفى ،، هذا اللي اشوفه بمستشفيات البحرين مع خواتي وصديقاتي ،، ماجربت بصراحه ،، انا باخذ معاي شفاطة الحليب ان شاء الله مع مرضاعتين وحده للماي والثانيه للحليب بعد ما اشفطه لان النونو ما يعرف يشرب حليب من الصدر اول الايام على كلام البنات ،،

[روعة النسيان]

أهلين مراوي بخير ربي يسلمك وتروحين وترجعين بالسلامه
بنوتي صايره تضغط على الحووض إذا طولت جالسه او طولت واقفه احس بالالم في الحوض وهذا علامه تاكدلي انها بنت لان ولدي كان مرتفع ويضغط على القفص الصدري وعلى معدتي

[Mishael]

اهلين مراوي لبى قلبك ماتخلين احد الله يحفظك ،،
مشاءالله ربي يحفظها لك ويقر عينك فيها يارب وتشوفيها عروس قدام عينك احس مابتصبرين لما تولدين من كثر ماتطالعين الصور

[ملكتني بهمسك]

المشاركة الأصلية كتبت بواسطة ام التوينز3

اللهم ستر ك وعفوك
ملكتني

ام يارا

تسلمون الله يحفظ اجنتكم ويبلغكم فيهم انا توني راجعه من المراجعه كانت حلو وتخوف اول ما دخلت طبعا تحليل بول اعزكم الله بعدين الضغط وبعدين حولوني اشعه ورحت الاشعه انتظار ساعه تقريبا بعدين جاء دوري وتقنيه الاشعه عملتها وشوي وتنادي الاستشاري اخذو عقلي ذول الاثنين قعدو يحوسون ببطني ساعه كامله بعدين قال الاستشاري انو وزن التوينز مره قليل كاني في الخامس وقعد يخوفني وبعدين رحت عيادة الدكتوره الله يسعدها سودانيه بس تفتح النفس كلامها اسلوبها يطمن قالت اهم شي انو يتحركو والحمد لله ما في تشوهات والمشيمه ان شاء الله ترتفع هي ارتفعت شوي بس ان شاء الله ترجع مكانها عشان اقدر اولد طبيعي وصرفتلي ادويه ورجعت البيت وحدي تعبانه اليوم راح اختفي من التعب وخلاص مابقي شي ويخلص رمضان وجزاكي الله خير ام يارا صدق يابنات يمكن اليوم ليله القدر لانضيعها علينا


ام اسكندر توني انتبه للصور ما شاء الله الله يحفظه لك ويبلغك في بنوتك

الحمدالله ومعليك من كلامهم انا دايمن يجون صغار وانشاءالله ترتفع المشيمه مع الراحه --- بجد كم يوم ويودعنا رمضان الله لايضيع اجر تعبانا فيه