ديوانية البحرين - دردشة حوامل البحرين - البحرينيات

[بنت الأياويد]

بصراحة صج مستشفى قديم لكن كل الي اهناك حليوين وعندهم سعة صبر يعني حزة الطلق كنت انادي السستر اقولها سستر ماقدر اتحمل تقولي ادري أمي يألمج تحملي يعني يهونون عليج بأسلوب والي يشتغلون اهناك الهنود كلش حليوين بس الكريه الي فيهم مايدخلون زوجج انا زوجي وايد تغربل كنت اتألم ماكنت اقدر اطلع له برع لان لازم امشي له مسافة شوي وتلفون مافي يعني تأذى بس اانا لو افكر عقب جم سنة اني احمل الصراحة عادي اولد عندهم كنت مرتاحة من كل النواحي وخذيت غرفة خاصة صغيرة بس عادي يعني عشرة دينار الليلة بس ياخذون تأمين خمسين ويرجعون لج الخردة عقب

[فلونة]

طفلوو ،، اذا دمج ناقص لازم هالاعراض اتييج الدوخة والم الراس علشان جذي تحملي في روحج واكلي زين حتى التمر مفيد انا ماخذة لي كارتون معمول وكل يوم اكل منه

بنت الاياوويد ،، انا اقرى قصتج واتخيل روحي مكانج .. امتى ناوية تسوينها مرة ثانية ؟؟
الحمدلله ولدتي وارتحتي و عجييبة هالابرة سمعت عنها وايد،، والياهل كل يوم له ويه واهم شي الصحة والسلامة .. وانتي بعد تحملي في اكلج هالفترة والامتحانات ان شاء الله تتسهل عليج .. امتى بتداومين ؟؟
انزين ما قلتي لنا في اي مستشفى كانت ولادتج وتحملو فيج؟؟
و عن السهر تكبرين وتنسين خل تسليج ،، واحين اريح لج او في البطن

[طفلي حياتي]

اي نسيت عندي تمر ولا لمسته تصدقين يبغي لي اكل منه

[فلونة]

توني قريت ردج ،، يلا تتربى في عزج وعز ابوها ان شاء الله
وانا من احين احاتي الولادة وكله خايفة من سوالف هالحبل اسري .. وزين تحملو فيج خيرة لج افتكيتي من السلماانية

[بنت الأياويد]

الصراحة عقب الي شفته مافكر حاليا ولا ابي افكر هههههههههههه ، الثلاثا امتحاني تخيلي حالتي ماقدر اقعد اصلا من الجرح
ولدت في مستشفى المحرق ، اي وايد يهتمون
انا احس صج سهر وغربال بس اريح من البطن والثقل

[فلونة]

طفلوو بتروحين محرق .. انا وايد بعيد عن بيتنا .. افكر في جدحفص بس سي السيد يبي العسكري وانا خايفة ان ما عندهم خبرة

[فلونة]

بنتوو ،، غيري توقيعج خلاص شيخة البنات شرفت وشيلي هالتيكر علشان ما يذكرج في الحمل والثقل و الفال لناا ان شاء الله

[طفلي حياتي]

اما زوجي ولا يتدخل في شي هههههههههههههههههه لو اقوله بولد ي كندا يقول اي اي اي خخخخخ
اني اذا زين المحرق بروح لانه حذفة حصى قريب من بيت زوجي
وجدحفص قريب بيت ابوي
يعني عندي خيارين واللي الله كاتب لي اولد فيه بولد
الشي الزين ان اهلي هناك وكلهم بينورون المستشفى يصير عجيب كلهم بجوني
بس هنا قريب لكن محد بيي متاكده مابيوني :(

[بنت الأياويد]

هههههههههههههههههههه توني اشوفه اقول بشيله ، آبي توقيع حق البيبي في احد عنده اللنك؟

[طفلي حياتي]

اتكلم بالياء والجيم وانتو اختارو خخخخخخخ كله اخاف الكلمه تصير عويصه وماتفهمون واقوم اقحم الجيم