دردشة بنات العراق, دردشة حوامل العراق , تجمع بنات العراق

ام مهدي22 · 11-20-2012, 04:07 PM

سراوي اليوم الكئابه واصله الخشمي

ام مهدي22 · 11-20-2012, 04:07 PM

سراوي اشلون الحمل وياج
حبي

المغتربه المتفائله · 11-20-2012, 04:10 PM

الحمد لله
والله بعدني اخذ علاج وضغطي بعده يرتفع
والجو بارد واسم الله عليكم فلاونزا

سلامتج حبي ليش ضايجه

المغتربه المتفائله · 11-20-2012, 04:11 PM

مهداووووي شلونه ماتغيرت نومته؟؟

ام مهدي22 · 11-20-2012, 04:25 PM

لا والله امتعبني والبارحه زوجي يكولي احسج بعيده
عني قهرني

ام مهدي22 · 11-20-2012, 04:29 PM

إحنا هم الجو بارد وكئيب

المغتربه المتفائله · 11-20-2012, 05:27 PM

اي اكيد مهدي ماخذ كل وقتج
زوجج يكوم يغار منه ويكلج بعيده عنه
حاولي تخصصيله وقت وتبدين اهتمامج بيه
همه الرياجيل مثل الاطفال
اني زوجي يغار من التليفون هههههه

فوفو العراقية · 11-20-2012, 05:36 PM

هلـــــــــــــــــــــوووو بالكل
شلونكم حبيباتي ورفيقات دربي في مشوار حملي وولادتي ههههههههههههه
وحشتوني برشــــــــــــــا

البنات الجدد الحوامل والغير الحوامل نورتونة
هلا بيكم
ويارب تجيبون وتكومون بالسلامة
وامرأة الفرح حبي
الله يساعدج على الم الخياطات والصدر
اويلي اثنينهن سوى
اني هسة يالله كمت ارضع منغير الم
من بعدما نشف حليبي من تشققات والتهابات الحلمة والصدر والعلاجات ومراجعات الطبيب
انصحج بالكريمات والله يكون بعونج
بس نصيحة
لما تسحبين الصدر من حلك الطفل ...
خلي اصبعج الزغير بطرف حلكة دخلي للثة حتى يفتح الطفل حلكة وطلعي الحلمة من صدرة
حتى يقل التشقق عندج ومتتأذين اكثر..
والخياطات غسلي دائما بماي دافي زيادة حتى تطيبين بسرعه.

المغتربه حياتي
فديتج دومج تسألين عني اكثر وحده
قلبي الله يسلمج والله الضغط عالي عندي
وبالحمل جان طبيعي الى منخفظ
ماعرف ليش

وانتي شلونج؟
والف سلامة عليج من الضغط
البيبي شلونة ؟
فديته حياته منتظرته على احر من الجمر فددددددددددوة هسة دا يلعب لعب مو؟ هههههههه

ام مهدي قلب شلونج؟
شلونة مهوودي؟؟؟
شكو ماكو؟
نزلي صورة
خل نشوف كبر؟ دنفش ؟ فديته

ميووش
فديت البنوتات الحلوات
ولج اوف من بررورة شالعه قلوب الشباب هههههههههههههه
حبيبتي كلما تكبر تحلى
ربي يحفظها يارب ويفرحكم بيها

لطف الرحمن
لا تخافين حبي
الولادة ماتخووف لانها بيد الرحمن وعساها تكون سهلة يسيرة
اني جنت اتخيل راح اموت هههههههههههه
وبعدين ماطولت ساعتين جبت
انتي تخيليها صعبة حتى تكون اسهل مما توقعتيها
ربي يسهلها عليج وعلى كل حامل يارب مثلما سهلهة علية...

باقي البنات شلونكم؟
شهودة ؟ ام نورهان؟ عسولة؟ ام ايهومي؟
والكل؟
عساكم بخيررر؟

ادعولي عفية
خايفه يستمر وياي الضغط
والله مناقصة ياربي.... خلصت من الحمل والسكر ماعرف راح لو لا.. والورم بعده بية والحكة.. وكتأب مابعد الولادة..
وفوكاهة ضغط
الله المعين

المغتربه المتفائله · 11-20-2012, 06:42 PM

فوفوووووووووووو حيياتي مشتاقتلجج كووومات
سلامتج قلبي عندج العافيه
اذا اول مره يصير عندج ارتفاع بالضغط لازم تسوين تحاليل
نسبه الاملاح بالجسم والكوليسترول
وتسوين سونار لكلياتج واذا مبيهم شي
يعتبرو من فئه الحاله النفسيه والوراثه
اسأليني على الضغط متت منه
اني جنت اخذله علاج لمده سنتين
وقبل الحمل ب 6اشهر تركته لان صار طبيعي
وهسه رجعلي ورجعت اخذ علاج ومايفيد بي ماينزل مستقر 150/90
الدكتوره تكول ميناسبج وتعتبره مرتفع لان حامل

اوصيج حبي لاتعبين نفسيتج واهم شي النفسيه مرتاحه
وجيكي التحاليل شوفي دكتور اخصائي
واشربي عصير ليمون طبيعي يوميا
وسوي عصير نومي اولومي بصرة حسب ماتسمي
يفيدج ينزل الضغط عن تجربه
واشربي هواي ماء بالنهار

وطمنيني عليج لاتطولين الغيبه وسلامتج حبي الله يبعد عنج كل مكروه ويشفيج

ليوووو القمر شلوونه ؟؟حبيبي الله يحرسه

وبالنسبه للعريس ابني لاعب طووبه بيه
يرفس فدووووه للقلبه البارحه من يتحرك
سحبت ايد زوجي وخليته على بطني جان مامنتبه
جان يفز ههههههههه يكلي شديسوي
كتله طالع جووله تفقديه لكل بطني ههههههه

ام مهدي22 · 11-20-2012, 07:06 PM

بعد امه اني مهدي هم لعب جوله خخخخ
هم الويلاد هيجي وكحين اكثر من البنات

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
كردستان العراق 2013 ‎ - مناظر طبيعية فى كردستان العراق ‎ 2012 - السياحة فى كردستان ا	خليجية وافتخر	المـنـتـدى الـعـام	6	12-24-2012 02:13 PM
دردشة بنات العراق, دردشة حوامل العراق , تجمع بنات العراق	سماسم	إستفسارات حوامل من الشهر السابع إلى الشهر التاسع	16513	06-07-2012 02:12 AM
دردشة بنات مصر , دردشة حوامل مصر , تجمع بنات مصر	سماسم	إستفسارات حوامل من الشهر السابع إلى الشهر التاسع	32704	01-02-2012 10:16 PM
تجمع حوامل العراق واتمنى اكو احد موجود	توتايه	إستفسارات حوامل من الشهر السابع إلى الشهر التاسع	18233	01-02-2012 10:09 PM