دردشة بنات العراق, دردشة حوامل العراق , تجمع بنات العراق

[زينب السعدي]

اي والله ضفاف صدك مسؤوليه
هسه اليسمعني يكول هذا ابنهم الوحيد بس المشكله عدهم 4 ولد بس يريدوهم كلهم الهم
طبعا حتى ويه حمويني هناك بلندن هم يسوون هيج
يعني تسولف مرت حمايه تكول تخابر عليه عمتي تكله تعال اريد اروح اتسوك يجي هو ياخذها للهايبر ماركت تسوك ويدفع الفلوس هو ويرجع للبيت
اريد افتهم شنو وجود الاب اذا يخلي ابنائه هم يصرفون كل واحد ع بيته وهم يصرفون ع بيت ابوهم وهو عنده رواتب وفلوس
استغفر الله
ولا كانه واجبهم واذا مسوو هيج يعتبرون عاقين

[رويدة_ أم ألق]

زينب انت بعدج حساسة من الموضوع وألاحظج تتنرفزين وأكيد معذورة
بس أكو مبدأ اجتماعي بأي حديث من تحاجين واحد ويشكيلج همه
لازم تذكريه انه هو احسن غيره
تهونين عليه وتكوليله مو بس انت حصل وياك كذا وكذا
حتى لا يشعر باليأس او الاحباط
فهمتيني؟

وبالنسبة للاختلاط هو اختلاط عام يعني حاله حال السوق والمتنزهات
شعجب تفكير زوجج شرقي بحت وهو نشأ باوربا؟


اي عيوني ضفاف وية عيالي
بس عمتي مديرة مدرسة عندها راتب
وتساهم وية زوجي بمبلغ معين
يعني الحمدلله الوضع جيد.

[زينب السعدي]

رويدة بالعكس اني مااحب احد يستهين بمشكلتي هذا طبعي خاصة اذا كانت مشكلتي اعظم من مشكلة الطرف الاخر وبعدين الي رجله باللنار مو مثل الي رجله بالمي مو صح ؟؟واسم الله عليج ..الي مريت بي مااحب اي وحدة تمر بي لان ابدا مو هين
هذا رجلي عنده شوي شرقيات وشوي غربيات بس هو حيييييييييييييييييييل غيوووووووور خبلني

[رويدة_ أم ألق]

ولج منستهين هاي شلون بيها .. اتركي هذا الموضوع هسة
لا أكوم افشخج

وجديات حاولي تقنعين زوجج بطريقتج الخاصة
لأن الراتب يفيدج كلش.

[توتايه]

الله يعافيكم بنات حبيباتي

ميصير زنوبه هيج لازم يساهمون حتى لو بشي بسيط اذا مو هاي خلي مره همه يدفعون الايجار يتقاسمون بيه او يدفعون فلوس الخدمات من كهرباء ومي لازم تعاون يصير انتو هم بعد شهر تبدون تجهزون للنونو ولازم غرفه اله ومصاريف ولاده ومن هالسوالف متصير هاي واذا انتي قويه اخذي منه وانتي جمعي

[رويدة_ أم ألق]

توتة ما أتصور اللي يعيش بالامارات ايجار ومصاريف وهالكد ضيوف
يكدر يجمع شيء... يمكن لو تتوظف تكدر تجمع من راتبها أو تشتري ذهب وتدخره.

[توتايه]

سدو الموضوع لان بديت احس النفاضات راح تبدي تتطاير

[زينب السعدي]

ياراتب رويده هذا ميقبل اشاركه بشي لان اهلي بين فتره وفتره ينطوني فلوس وذهب مرات اكله اخذ ميقبل يكلي فلوسج وذهبج الج اكله خلي اساعدك بالايجار ميقبل كلش نفسه ابيه
واصلا اني ممفكرة بشغل حاليا لان مباقي شي واشيل المانع واذا صار حمل بعد مو مال شغل ووراها تربيه الطفل اووووووو فلم هندي
مووكت الشغل هسه بس يعجبني اتعرف ع بنات ..تدرين لو عندي صديقات واطلع وياهم شكد ارتاح
خاصة اكو حديقة تطل عالبحر هاي يوم الاثنيني بس للنساء ويسبحن عابحر يبوو شكد احب اروح بس خوما وحدي مثل المخبله

[رويدة_ أم ألق]

اووو يالصديقات والبنات سالفة تقهر
شكد أتمنى استعيد صداقاتي هنا ... صعبة حيل.

[زينب السعدي]

لج ايه سكتي لا اركعج بسله زبل ستيل
لج رويده الامرات غلاء فاحش والله البارحة مشترينه شي هيج كم شغله طلعن ورقه ونص تقريبا كتله هو احنا شخذنه
بعدين ذكرتوني بالايجار والمي والكهرباء هذني قيامه يبوو بالخامس الايجار لكم يطلع 20 مليون عراقي تخيلو