دردشة بنات العراق, دردشة حوامل العراق , تجمع بنات العراق

[زينب السعدي]

ضفاف هو معنده بس اخت وحدة ومتزوجة بس ينطيها فلوس من جوه لي جوه
شوفو همو اهله لان يعرفون راتبه زين حاطين عينهم عليه الى ان راح يكعدزونه عالرنكات صدكوني ..مسوين منافسه ويايه يكلج خلي احنا ناخذ فلوس وتعب ابننا احسن مما مرته تبربع بيه ..ميفكرون بالمستقبل

[رويدة_ أم ألق]

تسلمين ضفاف ويحفظ ازواجكم

زنوبة
اذا على الراحة والحياة مع الزوج حتى زوجة حماج مظلومة
شفتي فقدت ابنها وزوجها بغير دولة وهسة عايشة بغرفة ومتقيدة مثلج

ومن الناحية المادية انتو مظلومين اكثر من غيركم
لو بمكانج أصبر ماعندي غير خيار وأقتصد شكد ما أكَدر.

[ضفاف]

يوووووه ضيم العيال ميخلص
انتي ماتكدرين تتوظفين بالامارات اذا عندج شهاده؟

[زينب السعدي]

اوك وياج مرت حمايه هم خطيه وواني مااعتب عليها بالعكس هي اتضررت لان وره شهرين من عرسهم عافها وراح وهسه جايه لمدجة اسوبعين او 3 يعني مراح تحمض عليه
بس اذا اجيتي ع فقدان الطفل فيا رويده حبيبتي اني هم فقدت طفل واذا هي فقدته ع شهر ونص اني ع 5 اشهر وذبيته شكبره
واذا هي عدها واحد ثاني يعوض فاني معندي واحد ثاني واذا هي ذبته ونزل بالتواليت تكرمون وخلص فاني سوولي كورتاج وعمليه وحالتي اصعب ومازرات اصعب والحمد لله ولحد الان ظهري يوجعني والام ببطني لان الاسقاط والله ليراويج شي مو هين وخاصة اذا كان الحمل متقدم وحجم الطفل كبير وللعلم والاططلاع هم الاسقاط صار واني يم اهلي بالعراق وزوجي مو يمي شنو رايج ؟؟ليش دايما تصورين بان هي حالتها من ناحيه الاسقاط امر من حالتي وهي مو هيج؟؟؟؟؟

[ضفاف]

رويده انتي هم كاعده ويه عيال؟ وجيب وودي ههههه

[زينب السعدي]

يعني رويدة طلعت كل الامور عاديه بس الناحيه الماديه صعبة
اوين اشوف اللانسان اهم شي راحته داخل بيته يعني صح اني منقهرة عالمصرف بطز بالفلوس امام راحتي الي فقدته لا اكدر احجي براحتي لا بتصرفي لا حجاب اووووووو بكلشي
ضفاف اني معندي مشكله ويه العيال بس اني هذا وضعي ..بالعكس اني احبهم واودهم بس كل انسان هم يريد استقراره وهم يريد يكون نفسه اني ابد مااحب المقاطعة بس كلشي يزود عن حده ينقلب ضده

[رويدة_ أم ألق]

لا طبعا الحال من بعضه زينب
منو كال اللي مريتي بيه هين
بس ما معقولة أهيج مواجعج
ومابقى امامج باذن الله غير شهر ونص
تتوكلين على الله وعندي احساس يعوضج

مثلما كالت ضفاف متكدرين تتوظفين انت مو مهندسة؟

[زينب السعدي]

ماادري رويدة بس من حجيتها ع اسقاطها هيجتي مواجعي ..كلت لعد اني ماسقطت مو اسقاطي امر بقاطات من اسقطاها ..تدرين لا سمح الله اسقاطي وطبيعة حملي كان من اممكن يصير بي ورم خبيث والعياذ بالله بس الحمد لله والشكر ع كل حال وربي نجاني وانشالله عليه العوض ..
اي مشكله لخي لازم ادخل اولا دورةe ودورة كومبيوتر يلا اكدر اشتغل هاي اولا وثانيا حضرت جنابه ميقبل اصلا اشتغل يكلي شغلج حيكون كله ويه الرجال وااني مااقبل مرتي تختلط بالرجال ........افففففففففففف

[ضفاف]

زينب الله يعوضج اي صدك ميصير الي اسقطت يخلوها تأيس
انت اذا متعافاية الحمد لله يجي الطفل بس كون الحياة تستقر وترتاحين ويه رجلج واني قصدي على ضيم العيال مو شرط حقد ومشاكل بس همة مسؤولية بركبة الرجال يعني يشاركونة بكلشي

[زينب السعدي]

كنا عايشين بشقة غرفة وصاله ومطبخ وحمام وبس ..مااجونا عيالي بس مرة عمي ومرة عمتي وبسسسسسس ع ابو شقتنا صغيرة بس ماشالله من يجون ياخذون الغرفه مال النوم مالتنا وينيمونا احنا بالصاله .!!! شنو رايكم ؟؟احنا طبيعتنا نستحي نطب لغرفة نوم الغير نكول عيب همو يجون ينامون بيها ويطلعونه منها
كمنا اجرنا هذا البيت 4 غرف بس مو كبار هلكد ..اجرنا لو ابتيلنا ع عمرنا علساس بيت اكبر ويوميه خري مري لان يوسعهم
وهسه هلكد مديزيد العدد صار ميوسعهم بعد يكلي زوجي خلي ناجر بيت اكبر بعد كتله اكعد راحه خلي يصير عدنا اطفال يلا نغير البيت بعد ماكو نقله الا بعد الطفل ...لان ادري اذا كبرنا البيت بعد يمكن يدكون اقامه ويجودرون يمنا