دردشة حوامل أهل القصيم - دردشة بنات القصيم - تجمع حوامل القصيم

[Alih]

السلام عليكم ورحمة الله وبركاتة
عدت لكم والعود أحمد
والله أشتقت للمنتدئ من انشغلت مع أبني وانا تراكة النت
المهم حبيت أجاوب علئ
الابذكر الله تطمئن القلوب فية الدكتور السمؤل بالحبيب مرة حلو وكلن معالج عندوة ومضمون
مرمر 2 أنصحك وبشدة بأبرة الظهر سعرها 1800

[مخملية]

المشاركة الأصلية كتبت بواسطة maru0m

مرحبـــــــــــــآ صبآيآ الــ( العسلونآت ) شخبآكم عسآآآكم بخيرات أن شآء الله

أن مــن أول مسجلــة هــون بس شغالة لقآفة يعني متآبعة بـــس
وذي أول مشـــآركة وحآبـــة أسآل أحد ولد بالوطنــي بعـــد الولآدة يحطونهم بغرفةة وحده

ومآبينهم الا ستآرة؟ وحركآت زمآن أو لآ كل وحدة بغرفة لوحدهآ لني أدور مشفـــى كويس ( الله يعين بــس )

مرحبا حبيبتي أنا ولدت في الوطني وطلبت غرفة خاصة بس يرتفع السعر شوي وبعدين عادي حتى لو بغرفة مشتركة ماعندك أحد لأن أكثر اللي يجون يوم الولادة ويطلعون

[شموخ الروح 11]

بنات بريدة
وش اللي صاير بمستشفى الولادة
بديت اوسوس .،

يا ليت وحده مجربه تكتب تجربتها عن مستشفى الولاطة و الاطفال ببريدة

[نورنورنور]

السلام علييييييكم

بنات القصيم الله يسعدها ويفرج كربتها الي تساعدني وترد علي


وش رايكم بالولاده في مستشفى الوفاء وهل فيه افضل منه

وخايفه من القيصري هل فعلا الوفاء يستعجلون بالقيصري

قولوو لنا تجاربكم ووش افضل مستشفى ومشكورات

[أشـــــواق~]

مساء الخير ..
اول مشاركه لي بالمنتدى ~
توي بشهري الثاني واعاني من الوحام ودوآم وعندي ولدين الله يحفظهم لي ..
شغالتي سافرت ومثل مانتم عارفين سواليف الاستقدام الحاليه
شككوني بنفسي أول ماحللت وقالوا احتمال كبير حمل خارج الرحم بس كذّب ربي ظنونهم وطلع ربي لك الحمد طبيعي ..
بس وش عقبه بعد مابهذلوني بالأشعه الداخليه بالأخير اعطوني مثبتات

اللي يقهر اكثر انه في ظل الظروف الراهنه اضطرينا واشترينا شغاله اثيوبيه وماجلست الا 15 يوم وهجت حسبي الله عليها رغم ان لها سنه بالسعوديه~

^ فضفضه

جربت الولاده بمستشفى الولاده والأطفال ولدي الثاني لأنه كان جالس وولادته قيصري **
لهالسبب ماتركت مجال لنفسي اني افكر واحتار بمثل هالأوضاع مالك الا حكومي خبره واطباء فاهمه ومافي شغل بربسه وتضخيم أمور **

اللي اعرفهم يمدحون متابعة الحمل بالوفاء لكن مايمدحون الولاده نهائي وأنا ماجربت ..

الحبيب ودي فيه لأني ابي اهتمام ونظافه وغرفه خاصه وحمام لي بلحالي (وانتم بكرامه)
بس كل هالأشياء اقررها بنهاية حملي على حسب وضعي ووضع البيبي ،،

الله يتمم لي ولكم على خير ويهون على البنات الواصلات ~

[mom for ever]

السلام عليكم ورحمة الله وبركاته
كيفكم صبايا؟؟؟

حووووووووووسه اللي تراجع بأكثر من مكان انا بيتي بالرياض وراجعت بالرياض من اول حملي الين الشهر السابع

والحين نقلت اوراقي للوفاء بعنيزه عشان ناويه اولد هناك عند اهلي وتعرفون البكريه لازم عند اهلي مع اني في البدايه كنت ناويه اولد بمستشفى الحمادي بالرياض بس خفت اني اكون لحالي وقلت اخليه للثاني ان شاء الله

انا اراجع عند الدكتوره سامية فرغلي بالوفاء دوامها السبت والاربعاء جيتها مره وحده بس
والى الان ماادري زينه موب زينه بس يمدحونها بالنت بالولاده انها تكون جنبك وتسمي وتقرا عليك ونفسها حلوه وهذا هو اهم شي عندي

النفسيييييييييييييييييه لانو الوحده مو ناقصه ضغط نفسي اكثر من اللي راح تكون فيه

انا الحين دخلت بالثامن من ثلاث اياام ((ادعووووووولي تكفون))

ان شاء الله اولد طبيعي يااارب
الوفاء الطبيعي عندهم يوم واحد+غرفة مشتركه+حضانة البيبي لمدة يوم+علاجاتك وفحوصاتك وفحوصات البيبي+مراجعتك انتي والبيبي بعد الولاده = 5350 ريال

غرفة خاصه بكل ماسبق = 6000 ريال

وهكذا كل سعر يزيد 500 ريال عن اللي قبله

القيصري عندهم ثلاث ايام +غرفة مشتركه+كل ماسبق =12095 ريال <~~ مبالغ فيه جدا

انا ناويه اكمل مراجعاتي فيه اذا الله كتب لنا ان شاء الله عمر
واذا الله كاتب لي طبيعي طبعا

اما اذا كان عندي مشاكل والدعوه بها قيصري راح احول على الملك سعود لاني اخاف العملية مو شي هين بس راح اخذ ابرة التهاب الكبد الوبائي (ب)

لانو كم وحده اعرفها جاها الفايروس من مستشفى الملك سعود فخفت والاحتياط واجب

بس يارب ماتكون قيصري ياااااااااااااااااااااااااااااااااااااارب

قرقي واااااااجد بس انا طبعي كذا ماحب اعرف شي واغبيه يمكن يفيد غيري لو كان للبعض مو مهم

بس ابغا اطلبكم طلب


اللي بعنيزه وتعرف رقم حريم يأجرون شغالات ترسلي الرقم هنا او خاص يجزاها الجنه ياارب

امي بلشتن بنفسها ومالها حيل علي


واذا استجد عندي شي سدحته هنا لعيونكم :$


دمتم بود،،،،،،،،،،

[نورنورنور]

هبلتيني وش التهابه والوفاء ليه تخافين من القيصري عندهم
انا ببكري عمليه والان حملي الثاني واخاف عمليه بعد بسألك الوفاء وش تعرفين عنهم بالعمليات ؟
ومشكوره على الرد

[mom for ever]

العفو حبيبتي

هههههههههههههههههههههه والله هذا اللي شفته صار لأم خويتي ووحده من جماعتي

اصيبوا بالفايروس فالواحد ياخذ احتياطه ان صار قيصري اخذت الابره وولدت عندهم

بالنسبة للوفاء بالعملياات وحده قريبتي سوت عندهم قيصري بكرها طبعا وهالكلام (((قبل 9 سنوات اتوقع)))<== ولدها بخامس ابتدائي مدري عمره كم يصير

بس قالت لي لاتولدين عندهم قيصري لانها صحت بنص العمليه

انا اقول يمكن كانوا حاطين لها ابرة ظهر او بنج نصفي وهي نامت ولما صحت بنص العمليه تحسب انها صحت من البنج كله

وبعدين فررررررررررررق من 9 او 10 سنوات للحين اشياء كثير تغيرت حتى المستشفى شكله تغير واكيد تطور

بس انا تعليقي على سعر العمليه مررره كبييير المبلغ 13000 ريال مبلغ مو سهل

وهذي اللي اقولك ولدت بالوفاء قيصري ولاداتها اللي بعد كلهن قيصري لانو احتمال انو الحوض عندها صغير وهو اللي مسبب لها هالشي

فتولد بمستشفى الملك سعود وماشاء الله اشوفها تقول من ثاني اسبوع ماعليها الا العافيه

لاتخافين من سالفة الفايروس ترا انا موسوسه فيه كثييييييييييير

والابره ماتأثر على الحامل زي ابرة الكزاز(التيتانوس)
قالت لي الدكتوره وانا هنا بالرياض اخذيها اذا ودك بس قلت لها لا مايحتاج

بس شكلي الحين باخذها احتياطا لو صار لي نقل دم لا قدر الله مايكون علي ضرر ان شاء الله


ومثل ماقلت لك انا زيارتي للوفاء كانت مرتين وحده اول حملي كلششش بعيد الفطر وكان بالطوارئ بس لانو كنت ابي مسكنات للوحم بس وكانت نيتي افتح ملف

وكان عند الدكتوره ثمينة باكستانية

وراجعت مره ثانيه عنده الدكتوره ساميه فرغلي قبل اسبوعين وموعدي هالاسبوع الاربعاء بس انا بالرياض واحتمال مااجي فبأجله للأربعاء اللي بعده

وبيكون اصلا مابقى على التاسع شي فبكون عند اهلي ان شاء الله


واي شي تبينه انا حاضره


دمتي،،،،،،،،،

[نورنورنور]

مشكوره حبيبتي الله يسعدك.على الرد
الله يكتبلي الي فيه خير يارب ويسهل علي وعليك وعلى كل حامل

[لكاعه]

بنات ابي مستشفى يعطي إجازات لأني موظفه و عملي بعيد عن بيتي و الطريق طويل و تعبت منه وأبي أخذ إجازات تكفون ردن علي ضروري