هنا تجمع حوامل الشهر (السابع والثامن والتاسع)

[جروح نرفانا]

انا جديده بالمنتدى وتوني بالسابع الين دحين كل شي تمام في الحمل الحمدللله بس في فقر دم شويه واخذت حبوب الحديد لاني في البدايه مااختها بكره بروح اقضي اغراض البيبي فرحانه

[اقصوصه]

ام الغلاه : باجر ويكند وتعرفين عاد الناس ما تتم في البيت :) رحت السوق خذت سوالف بسيطه وعقب مريت بيت عمي يلست شوي والحين رجعت البيت ، العيال يطالعون رسوم وبعد نص ساعه بنيمهم ، هلكانه فيني رقاد مع اني مش بالعاده ارقد هالوقت بس بحاول اليوم انام بدري لو قدرت ، وهاي اخباري اخبارج انتي واخبار العيال؟

ام ياسمين : الحمل بشكل عام تتعرض لامراض غريبه فترة الحمل ، انا اذكر فحملي الاول طلعت لي حبه كبيره فباطي وتمت تكبر وقالولي هاي يبيلها عمليه وطبعا ما قدروا يسوونلي شي لاني كنت حامل بشهوري الاخيره ، وحملي الثاني صبع ريلي الكبير ورم وانتفخ والتهب وقالولي هذا من البدي كير والمنكير، شكلها المواد كانت مش معقمه ، وكل حمل لازم الحامل تتعرض لشي غريب ويكون علاجه صعب ، يلا ما عليه هانت كلها مده وترد الامور لطبيعتها وينتهي كل شي إذن الله ع خير :)

جروح : مرحبا بج بيننا غاليتي ، اسعدتينا جدا بإنضمامج لنا ، الله يتمملك حملك على خير يا رب ويقومك بالسلامه ، طبعا ما في احلى من التجهيز للمولود الجديد ، احساس وايد حلو ومشوق، شكله هذا اول بيبي لك صح؟ قوالولك بنت والا ولد والا لسه؟ انا حامل فشهري التاسع وفبطني بنوته@@

[الحزينه 2]

هلا بك اختي جررررروح

والله يحييك وتو نور المنتدى

والله يتمم لك بخيرر

شو مفكره تشتري اغراض للنونو

انا شرريت بنسبه 80% وباقي على حقت الشاور وبعض اشياء خفيفه

[اقصوصه]

حزينه شحالك عساك طيبه :)

[الحزينه 2]

بخير ياجعلك بخير

كيفك اقصوصه

لك وحشششششه

انا مادخلت امس كثير كنت في زياره بين بيت اهلي وبيت عمتي ام زوجي

[اقصوصه]

انا اليوم يوم الزيارات امس طلعت رحت السوق شوي وتعشينا بره ورجعنا ، والحين بو شباب يقضي وقت ممتع مع ربعه واخوانه ، وانا مجابله العيال فالصاله ، واحد يلون والثاني يلعب بلاي ستيشن، نص ساعه وبنيمهم :)

[ام الغلاه]

هلا وغلا فيج\\\قصوصه

وعيالي نومتهم من تو



الحمد الله والله كنت افكر فيج امس تقولين انج تعبانه شوي وفكرةانج فيج شي


ومتشوفين شر ياالغاليه

[الحزينه 2]

كيفك ام ياسمين وام الغلاه وبوح المشاعر

وعساااكم عالقوه ياارب

لكم وحششششششششه

[ام الغلاه]

هلاوالله فيج \\\\الحزينه2


والله الحمدالله كل شي تمام



وشلونك انتي عساج بخير

[اقصوصه]

ام الغلاه : نوم العوافي يا رب ، والله اليوم وانا اسوق احس بكطلق خفيف يروح ويرد ، قلت الله يستر ، مابا اربي الحين بعدني باول التاسع تو الناس ، ويوم مشيت شوي تم الطلق يزيد هههههههه بس الحمدلله مرت السالفه ع خير ، عيالي 24 ساعه يتناقرون ، بعطيهم نص ساعه عقب بنيمهم عشان يحسون انهم سهروا شوي فالاجازه :)

حزينه : وانتي ما طلعتي مكان اليوم؟