دردشة بنات مصر , دردشة حوامل مصر , تجمع بنات مصر

أم رولين · 09-16-2011, 03:24 PM

اهلا وسهلا يا ام اروى
ممكن اسألك سؤال مين علياء اللي في دعوتك شوفتها كتير وانا لسه جديدة
هي كانت حامل ولا ايه؟؟

malak ahmed · 09-16-2011, 03:25 PM

امبارح رعبتيني كنت اديت للوكا رضعه 60 سم ودخلت المنتدي لقيتك بتقولي ان لو اكتر من 30 سم هتعيي اتخضيت وجريت عالبت اشوفها بتتنفس ولا لا ههههههههههههههه

وحركتلها اديها كده لقيتها اتحركت الحمد لله

اروي حبيبتي عامله ايه ونونتك اللي جوا اخبارو ايه وانتي كده كلك علي بعضك عامله ايه

om arwa · 09-16-2011, 03:26 PM

يخربيت الطوارىء
باقى شهرونص
والله انا راجعة 9 الصبح
بس بابا جه فصحيت
الحمدلله يا ملك ونوراااااااا

malak ahmed · 09-16-2011, 03:27 PM

يخربيييييييييييييييت الانابيب عاللي بيبيعوها البت هتصحي وانا ماصدقت نيمتها

om arwa · 09-16-2011, 03:28 PM

يا ملك يا عبيطة
تتنفس ايه
قصدى هيعملها مغص يعنى انتفاخ
هههههههههههههههه
مش تروحى تشوفيها بتتنفس
والله الواحد مش عارف يعمل ايه مع الهسهس بتاعكو

malak ahmed · 09-16-2011, 03:28 PM

ربنا يعينك يا سما ياااااااااااااااااااااارب

الله يكون ف عونك بجد ده احنا ف البيوت ومش طايقين نفسنا

بس ايه رايك في حياتك العمليه مش ندمانه انك دخلتي طب ؟؟ وكنتي بتتمني ياتري انك تبقي ربه منزل وكنتي دخلتي كليه نظريه ولا ايه؟

om arwa · 09-16-2011, 03:29 PM

والله يا ام رلين دى كانت صديقة هنا لينا فى المنتدى وتوافها الله هى وطفلها فى حادث هى رايحة تعمل عمرة
ماكنتش حامل ساعتها
ادعيلها ربنا يرحمها ويصبر اهلها وزوجهاااااا

malak ahmed · 09-16-2011, 03:30 PM

ههههههههههههههههه اه والله وكلمت امي امبارح عالنت بليل وقولتلها قامت كل شويه فضلت تتصل عالموبايل تسال عالبت وتقولي بتتحرك .؟ وبتتنفس .؟ ههههههههههه رعبتني الوليه امي دي اكتر

طب انا هبله وعبيطه وام بدوي ولسه بتعلم هي من الجيل القديم والمفروض تكون عارفه

اصل البت دي جايالي بعد شوقه فتلاقينا كده خايفين عليها

malak ahmed · 09-16-2011, 03:32 PM

ربنا يرحمك يا علياء ياااااااااااااااااااارب

رسايلها البرايفت اللي عندي مش همسحها ابدااااااااااا مخلياها عندي وبشوفها دايما

ربنا يجعلو ف ميزان حسناتها عمرها مابخلت عليا باي اجابه او نصيحه

om arwa · 09-16-2011, 03:32 PM

بصى كتير بتمنى انى كنت دخلت كلية سهلة وزمانى مريحة فى ابيت وبنتى مش محرومة منى

لكن بردو كتير بتبسط لما العيانين يدعولى مثلا
او تقدرى تعملى حاجة تنقذى حد بيبقى احسااس جميييييييييييل كانك طايرة كدة
بس طبعا بتدايق من اللى بشوفوة جدا ونفسيتى بتتعب واقعد افكر فيهم قبل ماانام
بردو المضوع عايز قوة تحمل

بس بردو بحس انى مستمتعة بالطب وسبحان الله كل ميسر لما خلق له

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل الدمام - دردشة بنات الدمام - تجمع حوامل مدينة الدمام	قمرين	إستفسارات حوامل من الشهر السابع إلى الشهر التاسع	1904	01-01-2012 11:16 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM