تجمع حــوامل التوائم

[حنان الهاجري]

المشاركة الأصلية كتبت بواسطة متلهفة لحظوركم..

مرحبااا حناان ..
الاسبوع 31 ويومين اتوقع تدخلين الثامن .. وانااا مره خوفوني من الولاده وجاني طلق في السادس وعنق الرحم قصر ومنعوني من الحركه لحد الاسبوع 34 اقدر ارجع لطبيعتي واخذت ابرة الرئة وانا في السادس وكلهم روسهم فوق الله يهديهم وقالوا لي 80% ولادتك قيصري لان لهم خمس اسابيع وضعهم ماتغير..
والوزن لسى صغير بس انا مااعرف بالكيلو لاني في كندا وهنا مايتعاملون الا بالباوند وصرت مثلهم ..
والله يتمم علينااا يارب للشهر التاسع ويهونهااا ويسهلهااا رب العالمين ولا تخافين من الولاده ياقلبي كثيييييييييير ناس خوفوهم وماشاء الله كملوا للتاسع توكلي على الله وخلي ثقتك فيه كبيره...

ونعم بالله سبحانه بارك الله فيج اختي عالنصيحه
وربي يحفظ لج اجنتج يا رب ونولد كلنا بالسلامه وان شا الله تنزل رووسهم تحت وما تحتاجين عمليه

[أم ياسمين]

الله يتمم على الكل يا رب و تقومون بالسلامه صج الحريم حمالين اسيه بس سبحان الله تعب مو طبيعي و احساس بعد مو طبيعي الله لا يحرم احد منه

[حنان الهاجري]

المشاركة الأصلية كتبت بواسطة حزن الزمان

ام ياسمين هم عندهم اني عديت مرحلة الخطر ... وبعدين هو يبيني امشي عشان الراس ينزل تحت ...
اصلا حتى لو نزل تحت مابي طبيعي ...لان واحد تحت وواحد فوق واخاف يسوون لي عمليتين والله ...

الغاليه ممكن اسالج كم اوزان البيبيهات عندج ؟

[حنان الهاجري]

خواتي الغاليات شو اسوي وشو اكل عشان يزيد من وزن الاجنه انا بدخل الثامن بعد كم يوم وبعدهم كيلو ونص

[أم ياسمين]

حنان :بيبياتج وزنهم كيلو ونص قالولج ان وزنهم مو زين؟
انا قالولي وزنهم زين مافي شي ظمن المعدل الطبيعي نفس وزن عيالج

[الشيخه آليزابيث]

المشاركة الأصلية كتبت بواسطة متلهفة لحظوركم..

مرحبا اختي انتي الحين في الاسبوع 20 وهذا التيكر..

وولادتك باذن الله راح تكون 15 / 2/ 2011 بالميلادي
12 ربيع الأول بالهجري والله يسهلهااا يارب..

وبالنسبه لشد البطن مراات احس انه طبيعي لانه دايم يجيني والدكتوره تقولي مو طبيعي هذا تقلصاات بس طنشتهاا والحمد لله بس اذا زاد عليك روحي للاسعاف اخااف انه طلق..

وبالنسبه للحبوب اسألي دكتورتك افضل لان هنا البنات كل وحده بتعطي على حسب تجربتهاا والاجسام تختلف..

والله يشرح صدرك اذكري الله ووسعي صدرك الدنيااا فانيه وهو طبيعي مع الحمل الهرموناات تتغير بس لازم الواحد يسيطر على نفسه ومسيكين ولدك ماااله ذنب بالعكس هالاوقات عامليه كويس قبل لايجون اللي ياخذون غلاته وهيأه نفسياا لهلحظات والله يعينك يارررب..

اختي الله يسهل عليك ويتمم عليك بخير وتشوفينهم وتقر عيونك فيهم يارب بصحه وسلااامه وانا وكل البنآت يارب ,, شكرآا اختي ماقصرتي والله فرحتيني بردك الله يجزاك خير

[حزن الزمان]

وزن بيبياتي كيلو ونص وقالولي طبيعي ...

[أم ياسمين]

اذا كلنا بيبياتنا في المعدل هذا معناها الحمدالله وزنهم طبيعي مافي شي

[زود الغلا]

مساء الخير
الظاهر كلنا نفس الحالة نفكر بالوزن الله يعينا ويسهل امورنا ويعدل نفسيتنا ويبعد عنا الوسواس .

[أم ياسمين]

مساء النور زود الغلا اشلونج؟