تجمع حوامل الاشهر الأولى (الاول ,الثاني,الثالث)

[غفران الحلوه]

انا نومي متقطع وانام متاخره واصحى بدري وكل شوى في الليل اصحى

من بدت تتواحم ؟
بنات اللي عندها خبره تقولنا ايش ناكل وايش ماناكل

[راجيه الفردوس]

السلام عليكم بنات كيفكم ان شاء الله بخير انا كثير تعبانه الله يهون علينا فا اسمحولي ما اقدر ادخل كل شوي او حتى ارد على الكل

[غفران الحلوه]

المشاركة الأصلية كتبت بواسطة راجيه الفردوس

السلام عليكم بنات كيفكم ان شاء الله بخير انا كثير تعبانه الله يهون علينا فا اسمحولي ما اقدر ادخل كل شوي او حتى ارد على الكل

الله يعينج و يثبت حمللك ويسهل ولادتج

[احب دادو]

انا فرحاااااانه يارب لك الحمد
صرت انام احسن من اول بس مو كثير
وصرت اشتغل بالبيت لاني شهرين متضايقه وطفشانه وحالتي حاله والبيت حالته حاله
بس الحمد لله بدءت من يوم السبت وكل يوم غرفه واليوم كانت اخر غرفه ويارب لك الحمد خلصت
الله يتمم لنا على خير يااااااااااااارب...........

[غفران الحلوه]

الله يثبت حمللك حبيبتى عساج على القوه

[جنان الورد]

صباح الورد والفل والياسمين الى احلى كروشات
كيفكم عساكم طيبين
اخباري
امس كنت نشيطة وفرحانه قلت شكله بروح الوحم خلاص
واليوم رجعت الدوخة اففففففففففف وراسي ثقيل ومالي خلق شي
واليوم شربت كاس حليب انهد عليي اسهل 3 مرات ادخل الحمام
يالله الله يعينا على التعب

[غفران الحلوه]

لله يعينج حبيبتى

[الفردوس]

السلام عليكم ورحمة الله وبركاته

هلا بنات

مساكم الله بالخير

اتابعكم بس ما ارد وايد

اجابة على بعض الأسئلة

انا الحين فالثالث - الاسبوع العاشر

وجع الصدر احيانا ايي ويكون قوي
واحيانا خفيف واحيانا يروح

والجسم متكسر واحيانا احس اني راكبة جبل
وبسرعة اتعب

هالاشياء طبيعية وان شاء الله بتخف مع تقدم الحمل
الله يحفظ حملي وحملكن ويثبتهم يارب
ويسهل علينا كلنا

اللي سألت عن السونار
انا اول سونار سويته فالاسبوع السابع كان باين الكيس
وداخله نقطة البيبي الله يحفظه

فاحيانا هالنقطة ماتبين لان فهالمرحلة يكون وايز صغير
وممكن المثانة عند الام ما تكون مليانة فالاشعة ما توصل
للجنين فما يبين
وبعض الدكاترة اللي يهديهن
تقول حق الام في كيس حمل بس ماشي جنين
الله يهديهم كيف كيس بدون جنين
هو موجود الحمدلله بس يكون وايد صغير ومو مبين
عشان جي اللي مايبين عندها لا تخاف وتحاتي وتعيد السونار
بعدين وتشري ماي وايد وتغير الدكتورة اذا ممكن

الله يهديهن في دكاترة كلامهن يخوف مايعرفون يوصلون المعلومة للأم
والنبض بعد نفس الشي يبين
انا بان عندي الحمدلله من اول سونار فالاسبوع السابع وكان واضح الحمدلله ..

اهم الشي الحامل تكون مرتاحة وتفكر بايجابية وما تخاف من اي شي
تتغذى زين قد ما تقدر وما اتعب عمرها

والحمدلله انا احس من دخلت الثالث بدت اعراض الوحام
تخف علي شوي شوي بعد كمن يوم تقوى شوي بس ترد تخف
والحمدلله بعدها موجودة بس اخف ولله الحمد
طبعا اقصد الوحام المتعب لوعة وترجيع ودوخه

بس الرغبة فالنوم والتعب الجسدي مازال موجود
واحاول اعطي جسمي كل اللي يطلبه :)

[الفردوس]

نصيحتي لكل خواتي الحوامل

كل وحدة تسمع لجسمها وتشوف شو يبغي
وتلبي له طلباته

يعني اذا يوعانة اكلي
اذا شبعانة وقفي اكل
اذا فيج نوم ارقدي
اذا ظهرج يعورج استلقي
اذا اشتهيتي شي معين اطلبيه
اذا فخاطرج تروحين مكان معين روحي
اذا فخاطرج تتسوقين اتسوقي
ودلعي جسمج ونفذي كل طلباته
واسترخي وتعاملي مع نفسج كأنج أميرة

بس حاسبي فالاشياء الخطيرة
يعني مثلا:
اذا اشتهيتي فلفل طبعا ما تاكلين
اذا كلتي شي ورجعتي على طول او حسيتي بلوعة حاولي تتجنبينه فترة يمكن جسمج ماتقبله
اذا فخاطرج تركضين طبعا ما بتركضين

وهذا اللي عندي ..
طبعا اوجه هالنصايح لنفسي قبلكم ..

وأوقات سعيدة للجميييع :)

[تائبة لله]

الملح مو كويّس حبيباتي بيعمل الضغط عند الحامل وبيخليها تنتفخ ياريت تبتعدون على الملح والموالح كمان الحار مضر للجنين ياريت تبتعدين عندو والله يتمم حملكن على خير

كمان أنا نومي متقطع جدا في الليل ومتقلقة كثير ياريت تنصحونا حبيباتي ماذا نفعل لننام بدون تقطع

وماهو أسلم لنا النوم على جنب او الظهر

وشكرا حبيباتي في الله