دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

صباحكم فل ... هلأ طالعه على الدكتور ادعولي

[بينك روز]

صباح النوور حبيبتي احساس
الله يارب يكون معك
بس ترجعي طمنينا عنك
انا لساتني ما ولدت
بس امي بتقولي بطنك نازل كتير
هاليومين بتولدي

[احساس أنثى]

بالسلامه ان شالله يابينك

انا والله حايفه لانو الحركه خفت كتير عن اول

يارب خيييييييييييير

[بينك روز]

لا ما تخافي حبيبتي
انتي خلصتي شهرك فطبيعي تخف الحركة لانه الجنين نازل عندك بالحوض
والمكان ديق عليه ماتقلقي
يلا قومي روحي على الدكتور وتعالي طمنينا قبل ما تقطع الكهربا
اه صحيح اعملي حسابك يمكن يفحصك الدكتور من تحت
مشان يشوف ازا في عندك توسيع من غير طلق ولا لأ

[احساس أنثى]

^_^ مجهزه اموري والله وبقول ياريت يحجزني يقلي ولاده واخلص ههههههههه

ربي يطمن بالك انتي كمان وتشوفي رهوفه بين ايديكي على خير يارب

[بينك روز]

يااااااااااااااااارب انا واياكي يارب
يلا قومي شو بتستني

[حيفا]

صباحکم حبيباتي الحوامل ع اخر رمق ههههههه
خلص ان شاء الله اليوم بدعيلکم بالاقصي بولاده سهله وقريبه وتشوفو بيبياتکم باحسن صحه وحال ان شاء الله
اليوم نازله العصر عالاقصي بنصلي العصر والمغرب والعشاء والتراويح وقيام الليل وبنروح عالتنتين تلاته الصبح.
يعني ما رح شوفکم من العصر لبکرا هههه

[بينك روز]

هلا حيفا حبيبتي
الله يخليكي ياعسل
ياريت تدعيلنا تكون ولادتنا سهلة
والله يوعدك بالحمل يارب

[نبض قلب]

كيفكم

رجعت ليكم بعد ما خلصت امتحانات

غسلت كوووم غسيل وكتير و مش عارفة وين انشرو

احكولي شو اخباركم

[بينك روز]

هلاااااااا بنض
لك وين انتي طولتي كتير علينا
يعطيكي الف عافية
اخبارنا تمام
لسه انا واحساس ما ولدنا