.·¤ تجمع الحوامل اللي ولادتهم في محرم¤·.

[Marawy]

صباح الخير ،،

اليوم الساعه 11 بروح اسوي سونار رباعي ملون ،، متحمسه بشكل مو طبيعي ،، ربي يطمن قلبي واجي اطمنكم ،، وبالمره قلت بسأل الدكتورة عن السفر وبخليها تكتب لي تقرير ،،



ام التوينز ،، ربي يتمم لج على خير وتقدرين كل يومين تطلعين تقضين شغلات بسيطه لو حابه ،، وان شاء الله تولدين بالتاسع وتشوفين البنوتات الحلوات جنبج مو بالحضانه ،، ربي يحفظهم ،،

[Marawy]

ام اسكندر ،، تسلمين يا قلبي ،، وربي يسمع منج وما اتعب السفره ان شاء الله ،،
لاحول ولا قوة الا بالله :( شي يحزن ويعور القلب ،، ربي يصبر قلبها وهذا مو شي هين ،، والله لا يروينا في اهلنا ولا اعيالنا اي سوء ياربي ،، احس نفسي خنقتني العبره وانا اقرا قصتها ،، ربي يصبرها ويلهمها الصبر والسلوان ويعوضها خير يارب ،، عظم الله اجركم حبيبتي الله يجعلها اخر الاحزان ،،

[Marawy]

اعز الناس ،، ربي يتقبل منا ومنج صالح الاعمال ،، اي والله مر رمضان بغمضة عين ،، ربي يعوده علينا ان شاء الله ،، ممكن من الصيام تكسل النونو ،، الدكتورة تقول لما تنامين اوقات يصادف النونو تنام معاج لان معدل السكر ف الدم ينخفض شوي يخليها خامله وتبي تنام ،، ربي يحفظها بعد الفطور بتشوفينها شلون بتتحرك ،،

بالنسبه للشريط انا ما امشي عليه ،، امشي على ان كل 16 من كل شهر ميلادي ادخل شهر جديد ،، وبهالطريقه احس افضل ،، لكن الشريط احسه يكون بشكل رسمي ههههه يعني رسميا ادخل شهر جديد ،، لكن بالتاريخ اسميها حسبتنا او حسبة الدكتورة هههههه بس بشكل عام الدكتورة كل مره اروح لها تقول لي دخلتي هالشهر واكون باقي لي بالشريط وقت لين ادخل شهر جديد ،،

لو تقدرين تروحين مجمع فينيسيا بالخبر فيه محل بالطابق الارضي لما تدخلين من البوابه رقم 5 تروحين يمين وبتلاقين المحل على ايدج اليمين ،، اخذت طقمي منه وعنده مدسات حلوة ،، واطقم صغيره للنونو حلوة ،، وفيه محل بالطابق الفوقي يصير جنب الالعاب تقريبا وعندهم اسره حلوة وغريبه واطقمهم الصغيره بعد حلوة ،،
والهرم وطابا شغلاتهم حلوة ومن سنتر بوينت اخذي المراضع وادوات التنظيف وهالسوالف واخذي للنونو كم قطعه من اطقم الوفرهولات البجايم حلوين واسعارهم مناسبه بعد ،، اما البدلات وهالسوالف لا تكثرين بدلتين يكفون احس ،، بعد النفاس نشتري البدلات وانا من الحين جاتني هدايا بدلات وفساتين ،،

[Marawy]

مشاعل ،، اي والله صدقتي ،، اوقات التخفيضات هي انسب وقت انج تشترين من المحلات هذي ،، من فتره تكلمني صديقتي تقول شاريه لبنتها فستان من مذركير قيمته في حدود ال 300 ريال وبعد فتره شافت نفسه بالضبط ونفس الالوان في (ريد تاج) تقول انقهرت وكرهت الفستان حتى ! المحلات الصغيره هذي تحصلين عندهم شغلات مو موجوده في مذركير وغيره ،، وانا احس سنتربوينت اسعاره معقوله وايد ،، واحب بضاعتهم ،،

فديته اخوج ربي يحفظه لكم ويخليه يارب ،، علميه شوي شوي بأن فيه نونو في بطنج وقولي له ان راح يجي له اخو صغير ،، بنت خالي نفس الشي اختها الصغيره متعلقه فيها حيل ولما حملت كانت تقول لها اول بأول بالبدايه ما فهمت عليها وماصدقت ،، بس بعدين عرفت وصارت تعصب وتهاوش اي حد يبي يقعد جنبها ودوم تمسك بطنها ،، والحين ما شاء الله تشيل اولادها وتلعب معاهم وتراعيهم ولا كأنها من متلازمة داون ،، ربي يحفظهم ،،

[ام التوينز3]

المشاركة الأصلية كتبت بواسطة mariam mohammd

والله انك شاطره يااعز هما يبغالهم رجالنا كذا
انا ياعيني عليه استحي وانقهر جواا نفسي يبغالي اجرب طريقتك

هههه انتي لسه عروس وحملتي على طول يعني ما امدى الرجال يتهنى احنا شبعو وملو بس خليك قويه وواثقه وكل سوال له اجابه اجل حمل من غير تغيرات وش ذا

[Marawy]

دلع ،، كتبت لج رد طوووويل ههههههههه بس لللأسف انمسح :( متعيزه ارجع اكتبه ،،

[Marawy]

بقوم اجهز نفسي عشان اروح للمستشفى ،، ان شاء الله بعدين ادخل اطمنكم ،،

دعواتكم ،،

[ام التوينز3]

المشاركة الأصلية كتبت بواسطة ام اسكندر

قلبي واجعني اليوم ع بنت عمتي

دوبها عمرها 20 سنة
ودوبها عندها بكرها مولود من 6 شهور

امس لبسته ملابس النوم ورضعته من صدرها ونام وخلته بفراشه وراحت المطبخ

ترجع بعد ساعتين للغرفة تلاقي الولد ميت!!!!!!!

مات فجأة من غير لامرض ولا انكتم ولا شي

ياللــــــــــــــــــــــــــــه قد ايش مصيبتها وفجعتها ع ابنها

تبكي بكاء غير طبيعي ماهي مستوعبة
تقول دوبه كان يضحك لي ويناغيني ويقول (اغه) ويضحك
ودوبني رضعته من صدري ونام بهدوء وكان يتنفس طبيعي وحطيته بفراشه زي كل يوم

لو كان مريض كان ممكن تتهيأ نفسيتها
بس ماكان فيه شي ولا حتى حرارة ولا شي

حتى دورت بملابسه يمكن شي لدغه بس مالقت شي
حتى المستشفى مالقت سبب للموت المفاجئ

قدر من اللـــــه

وش ممكن يصبرها لاحول ولا قوة الا بالله
بعدما خلفنا عرفنا قيمة الضنا الله يحفظهم لنا ولا يفجعنا فيهم

وربي اتصلت اعزيها وهيا تقولي لسا كان يضحك وضحكته في اذني ماني قادرة انسى وجهه وهو يضحك والان صار تحت التراب
ماعاش معايا الا 6 شهور و7 ايام<<< مسكينة تحسب حتى الايام

ولله ماقدرت الاقي كلام يصبرها وبكيت لبكائها

الله يحفظ لنا ابنائنا وازواجنا واخواننا ولا يرينا فيهم مكروه ابد يارب

قولو امين

الله يربط على قلبها ويجبر ماصابها لازم هي الحين تحت تاثير الصدمه بعدين راح ترجع وتحمد الله على ما بلها الله يصبرها

[ام التوينز3]

المشاركة الأصلية كتبت بواسطة ملكتني بهمسك

عليهم بعافيه يتهنون فيها بس مو لازم ينامون عندك انا اخلي عيالي ينامون بغرفه الثانيه من سنه ونص قبل احس اخاف اسيبهم لوحدهم

انا زوجي مره ما يحب نونو معانا بالغرفه يقول ازعاج ووراي دوام بعدين بيننا بس باب سحاب اذا فتحته صارت غرفه وحده وهذا نظامي من اول بيبي ومرتاحه كذا وكل وحده على ما تحب

[ام التوينز3]

المشاركة الأصلية كتبت بواسطة ملكتني بهمسك

لاتزعلين >> بس نصيحه حاولي تقضين بدري لان التونيز مع الثقل يخرجون بدري عمتي ولدتهم اول يوم بتاسع وصديقت اختى جابتهم في الثامن يعني ممكن تولدين بدري والله يتمملك على خير ويرزقك ساعه سهل ميسره وماتولدين الا في شهر التاسع

تسلمين ملكتني ليش الزعل بس لانو المشيمه نازله ما ابي السوق تعرفين لازم افرفر واختار عشان كذا قلت بالتاسع عشان اذا تعبت وصارت ولاده ما يحتاجو للحضانه ان شاء الله