دردشة حوامل أهل الكويت - دردشة بنات الكويت - تجمع حوامل الكويت

[ألم الغربة]

مرحبا بكروشات الكويت مني كويتية ولا أني عايشة بل كويت بس حامل في طفلي الثاني بعد معاناة عندي بنوتة عمرها 6 سنين الله يحفظها لي بس أمي قريب تجي الكويت زيارة ف حابة أني أقولها تشتريلي اغراض لي و البيبي من الكويت بس ابغي اعرف شنو هي المحلات اللي عنها أشياء حلوة و علي فكرة في عرس قريب و ابغي البس شي حلو بس ما يبين أني حامل لأني ب بداية حملي و ما ابغي الناس أهني تعرف الله يبعدني و يبعدكم عن شر عيونهم كل وحدة عندها 4 او 5و اذا شافتني تظل تسئل ليش ما حملتي و شلون حملتي اب بنتك و انتي ما تبغين لو عندك مشكلة و الإسالة السخيفة اللي ما تخلص و لو عرفوا حامل بعد الله يستر من ألسنتهم و عيونهم سوري طولت عليكم بس ابغي أسامي المحلات حتي اقول حق أمي لان ان شاء الله اذا ابغي أولد هل مرة بتجي عندي لان هي اب غير بلد و صار خمس سنين ما شايفة أمي و أبوي
سوري طولت عليكم

[زود الغلا]

المشاركة الأصلية كتبت بواسطة شوفتك منيتي

اهليييين بنوتات
انا كنت متابعتكم من البدايه بس قلت لما احمل اكافئ نفسي واشترك
والحمدلله هذا الشهر الاول لي بعد انتظار 8 اشهر وانا اقول ايي اكيد هاالشهر حامل
انا انشالله ناويه اراجع في مركز الصقر اللي بالعديليه وايد بنات خالتي يمدحونه
اكثر دكتوره يمدحونها اهيا ايمان والله خوش دكتوره وتفهمج على كل شي واسلوبها وايد حلو بالكلام
يلا ان شاء الله ما يوقفون الكويتيات من الكتابات
باااااااااي

ااااااااااااالف مبروك والله يتمم عليك يااااااااااااااااااااارب وحياك الله معانا ....... والدكاترة الشطار يريحونك والسهالة من الله .

[أم ياسمين]

هلا حبيبتي زود الغلا انا مادري وين ارد عليج مره اجاوبج اهني ومره في تجمع التوائم خخخخخ
انا بالظبط 36 اسبوع و3 ايام و خلاص طلعت روحي خايفه اطول مثل البنات اللي يصيرلهم 38 و39 اسبوع يمه لأ ما اقدر.

[أم ياسمين]

الم الغربه : حياتي تبين نفانيف حفلات جم حدود ميزانيتج على حسبها نحددلج وين تروح الوالده.

[صجه ولجه]

مرحبا حبيباتي انا بكريه والحين صار لي 39 اسبوع وماجاتني اي اوجاااااع والصراحه خاااايفه انصحوني شنو اسوووووووووي

[زود الغلا]

ام ياسمين .............يالله هانت مابقى الا اسبوعين بتوقفين عليهم تحملي احسن لك .
صجة ولجة ههههههههههههه حلو نكك .....الله يهون عليك حبيبتي عادي البكر تاخذ شهرها كلة لا تحاتين وحاولي تمشين .

[ألم الغربة]

تسلمين حبيبتي ام ياسمين علي انج رديني علي يعني بحدود500 دولار

[صجه ولجه]

الله يسهلها ان شاءالله تعبت من الحمال ابي اولد واخلص

[الدايخه]

مرحباا كروشااات حبت اخذ رايكم بمستشفى العرف او السلام انا اراجع بالسلام عند الدكتوره نجمه بس خوفوني كه يقولون فتح بطن وانا بكريه مابي اخاف والله ووجنه قلبي مال على العرف عند الدكتوره اتوقع اسمها نهاد كويتيه شرايكم اروح افتح ملفي بالعرف ولا

[أم ياسمين]

صجه ولجه:الله يعينج صح كلام زود الغلا اغلب البجر ياخذون شهرهم كله و احيانا يزيدون بعد .
زودالغلا:اي والله عيزانه عن هالاسبوعين كل اسبوع اقول هالاسبوع راح اولد سبحان الله جم مره بغو يولدوني وما يصير على اخر شي ((مالهم رزقه بالدنيا ايون في هالوقت)).
اتصدقين بنت خالتي جايبه 7 بطون ماشاء الله عليها واخر واحد السابع ما ياها الطلق و لا انفتحت و خذت فوق شهرها اسبوعين وولدت بطلق صناعي مع انها مو بجريه .
الم الغربه:تلقين في مجمع ليلى جلري شغلات راقيه في حدود 600 دولار بس في قطع محدوده و عشان انتي حامل تبين تشكيله اوسع عشان جذي انصحها تروح الفروانيه مجمع العربيد و الحمرا مول هناك كله نفانيف سهرات و تلقا الغالي و الرخيص و الزين والشين بس تاخذين راحتج بالمشترى يعني ميزانيتج حلوه راح تاخذين راحتج ما تنظكين.
الدايخه:والله ما اعرف اجابه حق موضوعج.