تجمع حــوامل التوائم

[كوثرية]

السلااام عليكم كلكم

اشتقت الكم ورجعت الكم

أنا الآن الحمد لله بخير والدم وقف ولافي حتى لون بني

بس خايفة الصراحة لأن هالكم يوم الجاية رح أكرف كرف عدل ورح أرتب البيت كله زي العيد لأني نازلة الأسبوع الجاي الأحساء فما أريد أترك البيت وفيه نقطة وصخة
زوجي وعدني رح يساعدني ورح يترك دروسه عشان يشتغل معاي بس مهما كان الثقل بيصير عليي أنا



دعواتكم حبيبات ألبي

[نونة العسولة]

المشاركة الأصلية كتبت بواسطة اميرة الشعر

نونه))))موبس انتي ودك تنامين حتى انا خخخ

ام فروحه)))هلابج الحمد لله بخير انتي علومج

لمياء وينج وين الغيبة

هههههه امس نمت وبالليل كل شوي اقعد ماادري

شنو سالفة هالبيبيات اغلب حركتهم تصير بالليل

المشاركة الأصلية كتبت بواسطة ام البنين

بنااات ما اقدر امشي ثقيييله معي الالام في منطقت الحوض كلها خاصت من اسفل ما اقدر اجلس ولا امشي وحتي لمن اكون متمدده بصعوبه اتقلب في احد مرت عليه ها الالام

هلا ام البنييييين فدييتج الله يعينج يارب

انا اوقات تصيرلي هالالام خاصتا اذا اتحرك وااايد

كله من الثقل الله يعييينه ويعدي الشهور الجايه على خير يارب

[نونة العسولة]

المشاركة الأصلية كتبت بواسطة كوثرية

السلااام عليكم كلكم

اشتقت الكم ورجعت الكم

أنا الآن الحمد لله بخير والدم وقف ولافي حتى لون بني

بس خايفة الصراحة لأن هالكم يوم الجاية رح أكرف كرف عدل ورح أرتب البيت كله زي العيد لأني نازلة الأسبوع الجاي الأحساء فما أريد أترك البيت وفيه نقطة وصخة
زوجي وعدني رح يساعدني ورح يترك دروسه عشان يشتغل معاي بس مهما كان الثقل بيصير عليي أنا



دعواتكم حبيبات ألبي

كوثرية انا اشوف مو وقته التنظيف خلاص نظفي البيت بس مو مثل ماتقولين كانه قبل العيد !!

ترى خطر ديري بالج على نفسج او خلي ابو الشباب يقوم بالمهمة كلها بروحه لوول

[كوثرية]

شسوي يا نونة

إذا ما رتبت البيت الآن مارح أقدر أرتبه بعد ما اجرع لأن بيصير عندي ثنتين بنوتات صغار

أنا باقي على نزلتي اسبوعين تقريباً فباخذ نفسي على الراااحة لكن ما بخلي شيء وصخ

وأبو الشباب خليت عليه تغسيل الكننبات وتغسيل الفرشات وغسيل أرضية الصالة وهالنوعية من الشغلات

[شازل]

السلام عليكم ورحمة الله وبركاته ... وبعد :
الأخت الكوثرية ... الله يحفظ أجنتك وتشوفينهم على خير والله يجعلهم من البارين والسعداء ...
والله صدق أنتي العمدة وراعيت الفزعات الله يجزاك كل خير والله يتمم عليك على خير ، الراحة الحمد لله مرة ما أسوي شيء إلا البسيط وأشوف عيالي ، أما الحليب نادر ما أشربه صدق والله ما أحب ريحته ، أما الخضار والفوكه ماشي الحال معي ، الله يجزاك خير على النصائح ،على فكرة سلمي لي على القصيم إذا نزلتي لها أنا بإذن الله بشهر شوال بأنزل لبريدة الله يكون بعوننا ...

الأخت حزن الزمان ... أزاح الله أحزانك وأبدلها أفراحا ...
صراحة قبل كل ولادة لي استخير والحمد لله أثنين قيصرية وواحد طبيعي ، بس تدرين حسيت إن القيصرية أريح لي إذا أهتميت في البداية بالجراح وتراه خياطة كبس بسرعة يشفى الخارجي وإذا ما ظهر على الجرح الخارجي أي تقرحات أو شيء فبإذن الله يعني الداخلي برضوا كويس لا تشيلين هم بس توكلي على الله ...

ومشكورة لكل أخت نصحتني الله يجعله في ميزان حسناته ...

سؤال ممكن متى أحس بحركة الجنينين ؟؟؟؟؟؟؟

[حزن الزمان]

شازل مشكورة حبيبتي على الرد بس تنظيف الجرح شلون يكون من المستشفى ولا مني ؟؟؟ وهل أقدر اربط بطني ولا لاء ؟؟؟ وليش حسيتي القيصري أفضل وأريح
الله يجزاك كل خير ردي على أسئلتي والله معاك يا قلبي

[حزن الزمان]

نونة وحشتيني شخبارك يارب تكونين بصحة وعافية
كوثرية لا ترهقين نفسك والله خطر تحملي ... الله يكون معاك ... ويخليلك البيبيات يارب ...

[حزن الزمان]

أم البنين وحشتيني جد وين هالغيبة ... مشرفة متألمة هههههه .. شوفي حبيبتي هذي الآلام طبيعية لان وزن وطبيعة الأولاد تختلف عن البنات فلك الأجر يارب لازم تستحملين ... واذا الالم بالعظام اللي تحت البطن فأنتي تحتاجين للحليب والكالسيوم أكثر ... يارب يسهلها عليك ويهونها ياااارب ... ما قول غير ربي يكون في عونك ويساعدك ...

[أم فرووحه]

المشاركة الأصلية كتبت بواسطة نونة العسولة

هلا ام فرووحة

مشكوورة على دعواتج اميين يارب

انتي شخبارج وشخبار الحمل معاج..؟ باي شهر انتي الحين

ليش ماتسوين شريط حمل

هلا فيك حبيبتي الحمدلله طيبه والحمل عال العال بس لابد من التعب
الله يسهل علينا ان شاء الله وانتي شخبارك ومتى السفر ان شاء الله؟؟
أنا ألحين بنص الرابع وبالنسبه لشريط الحمل مو عارفه طريقته كيف..

[كوثرية]

وبالنسبه لشريط الحمل مو عارفه طريقته كيف..

أم فروحتي دخلي على هالرابط وبتعرفين اشلون تسوين الشريط

http://forum.hwaml.com/t14737.html