أهلين حوامل ..
هذي أول مشاركة لي معاكم هني ..
حامل بتوأم في بداية الشهر السادس .. وموعد ولادتي بحساب الدكتورة 22/6/2011 .. وبحساب السونار 17/6/2011
أحسب كل يوم بيومه .. متى تجي اللحظة اللي احطهم بحضني وتتكحل عيني بشوفتهم ...
بصراحة متحمسة وااايد ... خصوصا انّي ما خبّرت أحد غير أمي .... وراح تكون مفاجأة للكل لأن ماكو أحد في عايلتنا او عايلة اهل زوجي توأم .. والشي الثاني ان الكل كان يعاتبني كوني تأخرت بالحمل على بنتي .. اهي بتكمل الخمس سنوات وبتدخل السادسة .. والكل خوفني ان احتمال ماراح احمل بسرعة بعد ما اترك مانع الحمل .. بس ارادة ربي فوق كل شي ...
بصراحة احس الله أنعم علي بنعمة أعجز عن شكرها ..
تصوروا بس تركنا المانع شهر والثاني حملت على طول حتى ما كنت متوقعة .. والشي الثاني .. كان ضميري يأنبني على ان بنتي كبرت وحيدة مالها اخ ولا اخت .. رغم انها على طول تقول لي ابي اخوان .. وزوجي كان يبيني احمل بس كنت رافضة لأسباب خاصة ..
الله أكرمني بسرعة الحمل وعطاني بدل الواحد اثنين .. الحمدلله لك يارب والشكر لك مادام في قلبي نبض ينبض ..
اللي عكر علي حملي شوي كثرة التفكير .. كنت وااايد اهوجس .. احلام غريبة تجيني .. حتى تصوروا قبل لا ادري انّي حامل بتوأم بيوم واحد حلمت انّي ولدت وجبت اثنين .. الاول كان حلو وبصحة حلوة ومليان والثاني كان ضعيف وشكله غير مثل المريض .. فتميت خايفة خصوصا انّي قرأت ان بعض التوأم يجون جذي واحد تصير صحته احسن من الثاني .. ومن كثر التفكير زادت الاحلام .. وكله يتراوى لي ان اللي في بطني فيهم شي .. لحد ما قررت اسوي اشعة ثري دي وفور دي تكشف لي عن كل شي فيهم واذا هم كاملين او لا .. واقطع كثرة التفكير السلبي اللي حطيت حالي فيه ...
الحمدلله .. اوزانهم مثل الشي .. تطمنت على القلب .. المعدة .. الاطراف .. العمود الفقري .. وكانوا يتحركون بشكل حلو .. حتى واحد منهم والله يستر شكله حركي ومشاغب .. ما تمّت حركة جمبازية ما سواها .. مرة يحط راسه في رقبة اخوه .. مرة يرفس بقوه .. مرة يسجد .. مرة يستعرض ذكورته قدامنا .. مرة يمد يده على بطن اخوه مثل اللي يبي يدغدغه .. بعكس الثاني كانت حركاته أهدأ .. وخجول حتى الدكتورة خذت لها وقت على ما تأكدت انه صبي .. بس حلوة اشكالهم واهم يتفاعلون مع بعض ..
طمنتني انهم سليمين ان شاء الله .. واتمنى ان تقر عيني بسلامتهم ( للحين الاخت توسوس شوي )
وقالت لي انهم راح يكونون متطابقين .. كل واحد في كيس لحاله بس المشيمة مشتركة بينهم ..
ادعو لي بنات ان الله يتمم علي بخير ويتمم على كل حامل .. ويرزق المحرومين يارب ..
اشوفكم بألف خير ..
02-22-2011, 03:00 PM
رد: ¤ô§ô ~أحلى تجمع حوامل التوأم 2011~ ô§ô
مجردإنسانه 
.gif "hwaml16")
جديد منتدى منتدى أنواع الحمل
العرض العادي
