دردشة بنات ليبيا , دردشة حوامل ليبيا , تجمع بنات ليبيا

[سورينام]

أني مازال سهرانه ومش جايني نوووم شوره م الفرحة ههههههه رغم ان غدوة تطعيمة نور متاع 4 شهور

[عيون زوجي]

لو انتي ما تبيش ترقدي احكيلي خير ما تنبت في راسي نخله

[عيون زوجي]

ماشاءالله لاقوة الابالله والله ياسورينام درتي عويله وراك وماعادش تقدري حتى تحكي راسك

[سورينام]

المشاركة الأصلية كتبت بواسطة عيون زوجي

هم 3 هم 4 عادي ما اتخمميش واتعبي روحك بلا فايده اخخخخخخخخخ
معانا في التجمع توا وحده اسمها سالي حامل ب 4 ماشاءالله ديري روحك زيها

ماشاءالله تبارك الرحمن ربي ايفرحها بشوفتهم يااااارب ياارب يااااااارب وتنوض هيا لا سو
بس هيا لما اتجيب على خير انشاالله الناس حتشوفلها على انها دارت اعجاز مش زيني اي ايشوفولي بعين السخرية خاشاك الله غالب ..

[عيون زوجي]

هيا النخله بدت اتنبت.....

[سورينام]

شن بنحكيلك يا عيون .. هذا يا حبوبة زي ما تعرفي وخيتك ساكنة في بوسليم .. ومن بداية الاحداث عندي راجل من الفرحة مش مصدق روحه وايدور ايدور وايقوللي بنفتكو من معمر حلاص تمتله .. ولتي انقوله غير اصبر وشوف راهو هالمعمر مش سااااهل وتو تشوفوه ...

[سورينام]

المهم ما يسكتش ويدوي حتى في الشارع مع جماعته وايحلل قالبهالي صفوت الزيات في الشارع خخخخخخخ

[عيون زوجي]

المشاركة الأصلية كتبت بواسطة سورينام

ماشاءالله تبارك الرحمن ربي ايفرحها بشوفتهم يااااارب ياارب يااااااارب وتنوض هيا لا سو
بس هيا لما اتجيب على خير انشاالله الناس حتشوفلها على انها دارت اعجاز مش زيني اي ايشوفولي بعين السخرية خاشاك الله غالب ..

انتي تتكلمي جديات ولا تبصري
صح صغارك على رووس بعض لكن نعمه

احني انعطلوا من التنبله والبخل انفكروا شنو بيعانيهم والجهد يجيبه ربي
وانتي يقولوا الخليجيين الله اكبر اعليك فالحه وناشطة ويلي زيك اتجيب اكتر من 5 ورا بعض وتقدهم بكل شي وبوهم فوقهم
ما ادوريش الناس بالله لما تتفرجي اعليهم وخصوصا لما راقدين اتحسي انك مدايره انجاز وفرحانه لانك لو شفتيهم نايضين ويشيطنوا رح تندمي ههههههههه

[سورينام]

ولما بدت الأوضاع اتسوء الحق قتله فكنا الحكاية بدت اتخوف المهم حتى العمل معاش مشاله على أساس انشق يعني ههههههه

[عيون زوجي]

ههههههههههههههههه كملي شنو صارله مولى بيتك من تحت مهنه هالتحليل السياسي حتى العزايز والشيابين بدوا يفقهوا في السياسه احسن من الزيات