تجمع حوامل سوريا-دردشة ورود سوريا-دردشة الغاليات

[يارب أرزقني طفلااا]

المشاركة الأصلية كتبت بواسطة عاشقة جوجو2

كيفكم صبايا شو اخباركم
انا بعرف اني غاطة هالفترة بس من يوم عم روح العصر على التحفيظ انشغلت
لاني كسلانة من زمان ما حفظت شي وهلاء كل يوم صفحة الحمد لله بس
وكمان عم حفظ جوجو ان شاء الله بصير كل يوم بطل عليكم شوي
كيفك نايوتا كيف بنوتك لاء حبيبتي لسه ما ولدت يمكن رح ادخل الشهر التامن اودخلت من يومين
ما كتير عم احسب لاني خايفة كل ما بقرب الوقت يارب تهون على الجميع
ميار حبيبتي ما في احلى من البنات صح جوجو طالعتلي كم شيبة براسي بس والله حكياتها وحنيتها علي بتكفي
بسبوسة زوجها الله يريحك من بيت حماكي قبل ما تولدي والله عندي متل ما عندك بس انا اخف شوي من الزمن 5 سنين بتعرفي بلشو يملو من المشاكل الله يصبرنا يارب
سيريا الله يطمنك وتعرفي نوع البيبي بصراحة دكتورتك فاشلة يعني رح تصيري بالسادس وما عرفت غريب؟
ام ندوش كيفك وكيف ندى واختها باي شهر صرتي طمنينى عنك
اللهم ارزقني طفلا ان شاء الله ربي بيطعمك توأم مرة وحدة وبفرح قلبك حبيبتي بكل سجدة قولي ربي لا تذرني فردا وانت خير الوارثين وان شاء الله شهر زمان بتكوني حامل والله كتير ناس مجربينها
والله يهديلك زوجك ولا تخافي مع الوقت بمل من الحكي اسألي مجرب ولا تسألي حكيم؟؟؟؟؟؟؟؟؟

انشالله الله يسمع منك ام جوجو ابتعرفي والله انسيت الحمل واليوم ليش قلتلو قول والله ما ضل شي قلي مليون مره حلفت وعصب كتيرررررر بدو ما ادخل ابدا ياربي شو هالحاله الله يلعن هالسوسه وانقهرت وبكيت وك حتى ع الفيس بوك ما نو مقصر لا حول ولا قوه الا بلله ما عدت صدقتو من كتر ما سبق وحلف انو خلص ما في شي؟؟؟ امانه عن جد انو ع الطوله بمل وبدشر اي انشالله ياااااارب الله يسمع منك نفسي يجي هاليوم قبل ما ينخرب بيتنا وسعاتنا((( والله ما ابتقصري بالحفظ انا راح احفظ سوره البقره والله بقوي زا كرتي وزا كرتك ويتقبل يااارب

[يارب أرزقني طفلااا]

المشاركة الأصلية كتبت بواسطة syria

والله وئلي الشرف بجيرتك لهلئ ما خبروني شو معي كل ما اروح عدكتورة تئلي بكير لسا مايبين ان شاء الله التنين الجاي يبين معي

انشالله قلبي الله يقومك بسلامه وتعرفي التنين بس شكلو الولد حابب يدلل يلا المفاجأه احلا

[يارب أرزقني طفلااا]

المشاركة الأصلية كتبت بواسطة بسبوسة زوجها

سلامات صبايا كيفكن
نغومي حبيبتي كتير فرحت اني ريحتلك نفسيتك والحمدلله انو انتي وزوجك تصارحتو وحليتو المشكلة الله يخليكن لبعض يارب ويسعدكن وانشاءالله عن ئريب بتفرحي بخبر حملك وتبشرينا الله يكتبلك الحمل هالشهر ويرزئك دزينة اولاد ويكونوا بخلقة تامة ومن الصالحين
وبعدك ظغيري حبيبتي لاتشغلي بالك وانبسطي انتي وزوجك بعدكن عرسان لاحئين عالاولاد عيشي حياتك والله انا بتمنى كون عايشي مع زوجي لحالنا ومافي حدى ينغصنا لحتى طير من فرحي وماهدّي مشاوير ههههههه

اهلين قلبي منار انشالله انتي بخير اميييين مشكلتي يا منار ما عدت صدقووووو من كتر ما كزب عليه هدا يلي عم يخلينا عن نتقاتل من جديد بس راح دشرو يعمل ع كيفو خلي يمل بس والله لو بدو يمل كان مل ؟؟؟؟من زماااااااااان::::: كتير حلو انو راح يسافرو الله علم بحاللك يارب يقومك بسلامه

[بسبوسة زوجها]

كيفكن صبايا
عاشقة جوجو ماشاءالله عليكي حبيبتي عندك بنت وحامل وعندك نشاط ووئت تروحي وتحفظي قرآن برافو عليكي
ايمت حبيبتي موعد ولادتك انشاءالله ؟وعم تمشي كل يوم
انا كتير خايفة من الولادة الله يسهل علينا يارب
صحيح شو رح تسمي البيبي؟

[ميمي 17]

[ام ندوشة]

كيفك ام نايا * اديه صار عمرا الامورة حتى اقدر فيدك * والله انا يلي بعرفو انو الولاد بحبو الطعم الحلو والفواكه اكتر من الخضرة* وكانت بنتي هيك * طعميا موزة مهروسة ومعا رشة سكر صغيرة* او بالخلاط حطيلا قطعة تفاحة وشقفة موزة وشوية عصير برتقان وشوية سكر ووجبة مفيدة واكيد رح تحبا وطعميا ياها بالمعقلة * عمليلا مهلبية بس من حليبا الصناعي ازا بتشرب مو من حليب البقر لانو تقيل عليها ازا ما طبقت السنة *عمليلا بسكوت وشاي وجبة مفضلة عند الببابي كانت بنتي تحبا كتير *اطبخيلا نشا * او اعمليلا شوربة خضار* او طحين حمصيه عالنار لحتى يشقر ويصير لونو ذهبي حطيلو مي وشوية سكر كمان رح تحبا كتير * ازا كتمت معدتا انت اكبر قدر مالك الا عصير البرتقان مفيد كتير وبيخلي معدتا تعدل وتصير طبيعية * في كتير اكلات انتي اول ما تبلشي تطعميا مو وجبة كبيرة لا بلشيلا على دفعات شوفيا اتحسست سهلت كتمت العفو منك ازا لقيتا روقت وعجبتا تاني يوم زوديلا الوجبة بتلاقيا صحت وسمنت وشبعت * اس الله كنت حب اشتغل ببنتي واكلا بس يا حسرتي هلئ نحفانةيمكن لانو بتحرك كتير ماشالله* ولا تردي على حداا طعميا وعوديا عالاكل من صغرا وتحب كلشي المالح والحلو لحتى بكرا وقت تكبر ما تعزبك باكلا

[ام ندوشة]

كيفك بسبوسة شو اخبارك بتعرفي لهلئ ما اعتمدت على اسم للببية محتارة كتير بحب الاسم الواضح معناه والناعم ** انا مشتركة بمووقع بيبي سنتر بستفيد منو كتير فوتي عليه وسجلي حساب بيبعتولك كل اسبوع اديه الك حامل وشو عم يساوي الببو *

[ام ندوشة]

كيفك اختي يا رب ارزقني طفلا * بدي ادعيلك الله يرزقك بالذرية الصالحة ويهدي بالك انتي وزوجك وربي يخليلك ياه ويبعد عنكن كل المشاكل * انا ببداية زواجي اتعزبت كتير وزوجي كان على قال وقلنا وقلبو حي هههههه هلئ شوفي * ما بيفضالي ولا انا بفضالو * ملتهية بها البيت وبندى وهو ملتهي بدراستو وكتبو*الله يهدي حالنا وبالنا

[ام ندوشة]

جهزت اواعي الببية كلهن تقبشني عم استناها بفارغ الصبر هالصغنونة * الزيارة الجاية الي عندي الدكتورة رح اتحددلي الولادة شو رح تكون طبيعية ام قيصيرية * لانو وقت ندوشة ولدتا قيصيرية * بس هلئ ما بعرف ادعولي الله يقومني بالسلامة وسلااامي للكل اسفة ازا نسيت حداااااااااااااااااااا

[عاشقة جوجو2]

مسا الخير على الجميع كيفكم مارح اكتب اسماء لاني نعسانة وما حابة انسى حدا
حبيبتي ام ندوش انتي رح تخلصي التامن ولاشو معليش حبيبتي بس قوليلي امتى الدكتورة قالتلك تعالي باي يوم عشان تحدد
لاني انا متلك جبت جوجو قيصري وهلاء ما بعرف انا يومين بدخل التامن والله يهون عليكي