دردشة حوامل مصر - دردشة بنات مصر - تجمع حوامل مصر ‏

[أم إياد]

لولو صحيح نسيت اقولك قريت وصفك للتعب اللي كان في صدرك
والله قطعتي قلبي
ربنا يجعله في ميزان حسناتك
ومعلش ان محمد مارضعش طبيعي
انتي فعلا كنتي متبهدلة اوي وغصب عنك ماكنتش اعرف انه تاعبك للدرجة دي
هتعملي ايه بس
اكيد ياعيني حصلك كده وانتي بتحاولي مع محمد انه يرضع
انتي ماقصرتيش ياحبيبتي وانتي ام زي العسل ماعدتيش تقولي على نفسك كده تاني
ربنا عالم بنيتك, ومحمد هيتغذى ويبقى زي الفل
كتبتلك امبارح انه لما يبدأ ياكل غذيه كويس وعوضيه عن لبنك بحاجات مفيدة فيها فيتامينات وكده

وان كان ياستي ع الببرونة اللي باظت
فداااااااكو 10 ببرونات المهم ان انتم بخير

شوفتي بقى انا متابعة ازاااااي ههههههه

[dr.princess]

ههههههههههههههههه متابعة جيدة
والله يابنتى كان بيفضل يرضع بالساعة طبعا لان اللبن قليل ومش مشبعه فتخيلى بقى الاوجاع والله كنت بعيط بدموع ومهما دهنت مش بيفيد وكنت بكره انه يصحى علشان عارفه اللى هيحصللى

والله اللى كان مضايقنى انى محووجة لبتاعة زى دى علشان ابنى يتغذى

الحمدلله على كل حال

[أم إياد]

هههههههههههه ما انا باتابع اطمئنان عليكم بس والله مش اكتر
مش تطفل يعني ولا حاجة هههههه

والحمد لله يالولو انها جت على أد كده
ربنا يخليهولك وهيبقى عريس زي القمر

كنتي بتقولي من فترة يالولو انك لسه ماعملتوش ختان لمحمد
عملتوهاله ولا لسه؟
مش تطولي عليه اكتر من كده
انا عارفة انك مستنية جسمه لما يقدر يعمل blood clotting
عشان يستحمل وما يحصلش نزيف
بس كل ماتتاخري عليه الاعصاب بتنمو اكتر واحساسه بالالم هيزيد فممكن يتعب ويعيط كتير

انا دارسه ان المولود المفروض اول مايتولد ياخد حقنة فيتامينK بتعمل مفعول سريع لمكونات تخثر الدم
هو صحيح بيدوا الاطفال الحقنة دي ولا بندرسها بس؟
يعني محمد خدها ولا لأ؟

[dr.princess]

والله مش عارفة بس بتهيألى مخدش حقنة فيتامين k
الدكتور محمد رفعت كان بيقول ان على اليوم الاربعين بتبقى عوامل التجلط بدأت تشتغل كويس وسألنا الدكتور بتاع محمد أكد نفس الكلام اننا نستنى لبعد اليوم الاربعين
ان شاء الله ناويين الاسبوع الجاى او اللى بعده بالكتير اوى

[أم إياد]

ربنا ييسرلكم وان شاء الله تبقى هينة ومش يتعبك
ويخف على طول
انتي بس لبسيه وقتها حفاض كبير عليه
وواظبي على الدهان بتاعه
ومبروك مقدما عقبال ماتشوفيه عريس

[نولارا]

لولو وايه
صوباح الخير
اخباركم ايه
لسه هناا ولا مشيتوااااااااااااااااااا

[دودى اشرف]

لولو ازيك يا قمر .. وازى القمر حماده ... الف سلامة على صدرك يا حبيبتى ربنا يشفيكى ويعافيكى ياااااااااااارب ... معلش انتى بس زى ما قالتلك آية غذيه ان شاء الله كويس ويااااااااما ناس عايشة على الصناعى ربنا يخليهولك اهم حاجة ويباركلك فيه ... متزعليش منى يا لولو علشان خاطرى علشان كنت بزن عليكى علشان الرضاعة بس معرفش ان الموضوع كده انا بس كنت فاكرة انه تعب عادى زيينا كلنا ... سلااااااااااااااامتك ممممووووووواااااااااااه

آية يا قمر ازيك حبيبتى تسلمى على سؤالك .. عاملة ايه واخبار الامتحانات ايه ؟؟؟ هتخلصى امتى؟؟

[dr.princess]

الله يبارك فيكى ربنا يخليكى يا ايه

لا يا دودى ولا يهمك والله كنت بعيط من الموضوع ده امبارح وماما هى اللى خلتنى اهدى ربنا يباركلى فيها

ازيك يا نورا اخبارك ايه انتى واحمد

[أم إياد]

دودي انا بخير ياحبيبتي انتي اخبارك ايه وازي عمورة؟
انا امتحنت يادودوي 3مواد ولسه 6
آخر امتحان عندي يوم 23-6 ان شاء الله
يامسههههههههههل

عندي مادة تخصص بكرة ان شاء الله دعواتك

[dr.princess]

ايه عندك bio
krebs cycleبقى وحركااات
ربنا يعينك