دردشة حوامل مملكة المغرب - تجمع بنات المغرب

[عاشقة الأمل]

المشاركة الأصلية كتبت بواسطة siham-it

عاشقه الامل الله يكون في عونك راه السفر متعب بزاف في أشهر أولى من الحمل ، الله يهون عليك يا رابي

يارب آمين ويعطيك شيء وفقة سهلة قلبي معاك الله يسهل ولادتك وتجي تخبرينا كل شيء وأنت فرحانة وبنتك في حضنك

المشاركة الأصلية كتبت بواسطة سمراء2012

ربي يخليك اختي أم آية وسهام اللي حاملة الله يفك وحايلها على خير و تشوفهوم عرسان انشاء الله الله يفرح قلوبكم اللهم آمين تستاهلو كل خير

اللهم آمين أختي ومرحبا بناس د مراكش معنا والله يرزقك بالذرية الصالحة في القريب العاجل

[وسيمو محمد]

المشاركة الأصلية كتبت بواسطة siham-it

بنات بلادي متغيبوش على منتدى خليوه منور بيكم : أم هبه، مدام نسنس، أم مرام ، وسيمه، هيام، آيه ................ و لائحه طويله غابو علينا هاد أيام كنتمنى نشفوكم قبل ما تدخل السنه الجديده

ربي يخليك حبيبة سهام كتسولي فينا
والله ديما بالي معاكم وخا نغيب
غير معا الوقت و صافي و نيت كنت مريضة الدورة دارت فيا العجب بالحريق هاد المرة عمرها مادرتلي هاكدا ثلاثة أيام وسخ و اليوم الرابع قالتي أرا نوريك هههه
الحمد لله
دعيو معايا البنات و الله كنخاف يجيني إحباط دبا راني قريبة ندخول في ثمانية شهور باش تزوجت

[Forgotten Rain]

sba7 anour bnat bladi wjomo3a mobaraka 3lina kamlin kif sba7to lyouma ????? wkif dayr ljaw 3and kolla we7da fikom ??? hna f casa sabe7 waaaaaa7ed lberd khatir !!!!!! allah yer7amna bchata wsafi


khti om aya ana mazal ma3raft tal ghedda incha2allah 3ad ghada nemchi l3ant atbiba wila 3raft rah antouma awel we7din ghada nekhbarhom incha2allah

siham khti !!!! machkou3a 3la annasi7a wfi3lan kifma gloti ana daba rah mazal l9adiya 3andi mkhaffa wbdit kan7ess blfar9 nhar 3la anhar wa9ila kifma golti nemchi ndour daba 9bel matchedni lkricha fdar hhhhhhhhhhhhhhhhhhhh

[souad soso]

صباح نور لبنات كيسباحته مزيان ...والله إلى توحشتكم بزاف ....ولكن ولله راكم ديما فلبال ...نتمنى ربي كيف جمعنا هنايا يجمعنا تحت ظل عرشه يوم لا ظل إلا ظله سبحانه ....دعواتكم

[souad soso]

لبنات إلا كان ممكن سؤال امبارح بالليل حسيت بواحد الحريق بزف بجانبي دشمال ....واش هادشي عادي ...أنا دابا حاملا فشهر تاني قرابة نكاملو لحمد لله ........دعواتكم بتمام حملي

[Forgotten Rain]

المشاركة الأصلية كتبت بواسطة souad soso

لبنات إلا كان ممكن سؤال امبارح بالليل حسيت بواحد الحريق بزف بجانبي دشمال ....واش هادشي عادي ...أنا دابا حاملا فشهر تاني قرابة نكاملو لحمد لله ........دعواتكم بتمام حملي

ahlan sousou fin had lghbour ???? wellah ila khalliti blastek

hadak l7ri9 3adi ana b9ayt kan7ess bih takemelt attalet wdaba kan7ess bt9ol fjenbi limen wmarra marra kayenghozni
allah ytebet 7amlek wikemel 3lik blkhir

[siham-it]

مشاءè الله بنات بلادي راكم منورين المنتدى هاد الصباح ، أولا الله يجعل هاد يوم مبارك علىيكم أجمعين ، فرح قلوبكم بكل ما في خاطركم ، و فرجها على كل محرومه أو مهمومه.
ختي و سيمه الله يشفيك ، خلي أملك في الله ، ربي كبير و كثري من دعاء راه رحمة ربي كبيره سبحانه و تعالى.
عاشقه الامل الله يخليك ديما منوره ، أن شاء الله حبيبه ما بقى قدما فات غا تدخلي ثالث يبدى وحم و همو ينقص ، راه بيبي دابا كيدلع على ماماه .
ختي هاجر تمتعي مزيان كيف قلت محد كريشه صغيره و وجدي حويجات ألي خاصينك، و كيف قلت ليك أنا كنضن و العلم لله أنا عندك بنت ، حيت جنب أيمن مكتنعس فيها غا بنوته و كتلعب فيه أما ولد كيشد ليسر بحلى شاد ڤولون ديال سياره هههههههههههههه.
سعاد حبيبه متخافي من والو راه عادي جدا أنا 3 أشهر كنحس بنغاز في جنبي + لوجع و لحريق ، كيف يمشي لوحم كيمشي معاه كلشي ، الله يتبت حملك على خير نتيا و كل حوامل يا راب

[Forgotten Rain]

المشاركة الأصلية كتبت بواسطة siham-it

مشاءè الله بنات بلادي راكم منورين المنتدى هاد الصباح ، أولا الله يجعل هاد يوم مبارك علىيكم أجمعين ، فرح قلوبكم بكل ما في خاطركم ، و فرجها على كل محرومه أو مهمومه.
ختي و سيمه الله يشفيك ، خلي أملك في الله ، ربي كبير و كثري من دعاء راه رحمة ربي كبيره سبحانه و تعالى.
عاشقه الامل الله يخليك ديما منوره ، أن شاء الله حبيبه ما بقى قدما فات غا تدخلي ثالث يبدى وحم و همو ينقص ، راه بيبي دابا كيدلع على ماماه .
ختي هاجر تمتعي مزيان كيف قلت محد كريشه صغيره و وجدي حويجات ألي خاصينك، و كيف قلت ليك أنا كنضن و العلم لله أنا عندك بنت ، حيت جنب أيمن مكتنعس فيها غا بنوته و كتلعب فيه أما ولد كيشد ليسر بحلى شاد ڤولون ديال سياره هههههههههههههه.
سعاد حبيبه متخافي من والو راه عادي جدا أنا 3 أشهر كنحس بنغاز في جنبي + لوجع و لحريق ، كيف يمشي لوحم كيمشي معاه كلشي ، الله يتبت حملك على خير نتيا و كل حوامل يا راب

sba7 elkhir sahouma ch7aaaaal matla9ina hna bjouj hhhhhhhh
kayn chi ghda wella walou ????

anti mfayla 3liya bl bent w3rafti ila kanet fi3lan bniya ghir ntfek 3la khair ndir lkhti azerda ghir wejdi liya rassek anti wlalla salma hhhhhhhhhhhhhhh

[سمراء2012]

صباح الخير البنات جمعة مباركة عليكم و جميع المسلمين كيف عاملين هاد النهار كاين شي كسكس شحال هذا ما كلتو راجلي ما كايبغيه و خدامة مانصيبش نديرو حتى لراسي نازلة عليه غير بطاجين و البات و روز ههههههههه داكشي اللي عزيز عليه اللي طيبات تخلي ليا غير ندير صيكوك

[عاشقة الأمل]

صباح النور هاجر منورة وراه كنتسناو البيبي ديالك يحشم ويدور باش نعرفو بنت أو ولد
سعاد عادي حتى أنا كنحس به من جهة الشمال مرة مرة
وسيمة على الله تكون هذه آخر دورة وتحملي الشهر لي ماجي
سهام تمشاي أختي باش تسهال عليك الولادة والله يسهلة عليك
أختي سمراء أجي مرحبا بك أنت وكل البنات