تجمع حوامل سوريا-دردشة ورود سوريا-دردشة الغاليات

[syria]

كيفكو ياحلوات شو اخباركن يالله اختبر مارتك بالحلويات
بدي طريئة (راس العبد ) يمكن اتو بتعرفوا باسم تاني
مكوناتا : سميد - زبدة _ كاكاو _ شوكلا مرة _ وجوز الهند
وبعد ماتصير العجينة جاهزة بيساووا كرات وبعدين بيغمسوا بجوز الهند وبحطوا بالبراد

بعرف المكونات بس بدي المقادير بالضيط وطريئة التحضير

يالله وين ستات البيوت

[بسبوسة زوجها]

المشاركة الأصلية كتبت بواسطة يارب أرزقني طفلااا

هههههههههههه اي منوره الحمدالله انا تمام بالهتجمع الحلو والله وانا حبيتك كتير وبالي عندك دايما وحبيتك كتيررررر انت والصبايا كلوووون وام مهند حبيبتي كمان ** بالنسبه للطبخ من انا عمري 14 سنه علمتني ماما لان انا عندي مراء بالطبخ ونفسي طيب كتير بحب اطبخ واتفنن ابلحئ الطبخه ع 2 لان الصبح ابصحى مع جوزي الساعه 8 بس صاير ما عم يجي ع الغدا بجي بطبخ المسا مشان تبقى الاكله تازه((( محشي اخضر يعني محشي صيفي والباذنجان مو من المونه و الثلاجه ولا يابس با ذنجان اخضر يعني اهلي طبخو محشي بسوريا بس با ذنجان من التلاجه لان ما في عندون اخضر لسا للصيف لينزل وحتى المرقه البندوره بعصر بندوره خضرا مو رب البندوره)وصلت الفكره ومشان الحلاوه الجبن لعيونك بتعلمها وبعزمك لان ما بعرفها تأبشي البي فرحانتلك لانك حاليا لوحدك ويلا اعزميني ع الكبه مشان اعزمك ع حلاوه الجبن ههههههههههههههh waml82جايه ع امريكا اناااااا وسعوووو طريق

اهلا وسهلا حبيبتي ياريت تجي لعندي ياالله العشا عندي والتحلاية عندك هههههههه
انا هلئ رح بلّش بعملان الكبة تفضلي ههههههه
صحة عالمحشي وانا كمان بعمل المحشي بخضرة فريش
شو اليوم متكاسلين التجمع فاضي انا دخلت انتو طلعتواانو جوزي مو الكبير بس كلن لازم يكونوا ابو علي هههه
صحيح تزكرت انشاءالله رح سمي البيبي علي عأسم ابو لزوجي مع

[جورية شامية]

المشاركة الأصلية كتبت بواسطة بسبوسة زوجها

جورية شامية هبة
اتشرفنا فيكي حبيبتي الله يرزقك الذرية الصالحة قريبا ويكتب الحمل الك ولنغم بهالشهر يارب برحمة رب العالمين
آخ عسوريا حبيبة ألبي انتي وميورة من ريحتها الطيبة الله يحفظكن يارب
كيف الوضع عنكن انشاءالله الامور هادية والله ازا الواحد راح عالجامعة بينخاف عليه
يمكن انتي قريتي تعريفي عن حالي
بوسيلي سوريا واهلها واحد واحد وبلشي من عندك ههههههه

حبيبة قلبي الله يسمع منك يارب و يرزقني بالحمل ولو من هالشهر ازا بهالسنة فأنا بكون كتير مبسوطة ومابدي أتأمل أكتر من هيك .. الحمدلله على كل حال
سورية بتسلم عليكي و بتقلك اشتاقتلك انشالله بترجعو عن قريب لما الأمور بتتحسن يارب
والله عم انزل عالجامعة وقدم فحوصات صحيح الطريق مليان حواجز بس الجامعة عادي والدوام كان شغال و الفحوص هلأ ولا كأنو في شي
تبوسك العافية ياعمري

[جورية شامية]

المشاركة الأصلية كتبت بواسطة يارب أرزقني طفلااا

أهلين وسهليييين بكل البناااات هلا ميوره والله اشتقتللك اللك فقده كان ما في نت عندك صح والبوسات وصلو طيرولي عقلي هههه الله يحميه بسم الله ما شالله يااارب يخليه ويحميه اليوم طا بخه مقلوبه وجنبا سلطه

جوريه شاميه(هبه) انشالله بشفا وما عليكن شر بس تحاليل شو تحليل مشان الحمل صح؟؟؟ والله بنات عم فكر قريبا بدي روح شوف وضعي ورح ع المشفى اعمل تحاليل**** هرمون الحليب وكلشي ؟؟ وانتو شو عاملين اليوم شو ترتيباتكن

اي والله يا نغوم تحاليل مشان الحمل انا صرلي متزوجة تلت سنين و الله ما كتبلي الحمل لسا وعم نعمل تحاليل ومن دكتور لدكتور الله لايدوقك هالشي هاليومين ببين معنا اكتر الحمدلله تحاليلي منيحة بس تحاليل زوجي مو منيحة ولسا عم نعيدهن لنشوف شو الله كاتبلنا
والله لا تتركي حالك وروحي اطمني و طمنيني و اعملي تحاليل وكلشي وانشالله مافيكي شي ياعمري
اديش صرلك متزوجة ياحلوة ؟

[يارب أرزقني طفلااا]

المشاركة الأصلية كتبت بواسطة جورية شامية

اي والله يا نغوم تحاليل مشان الحمل انا صرلي متزوجة تلت سنين و الله ما كتبلي الحمل لسا وعم نعمل تحاليل ومن دكتور لدكتور الله لايدوقك هالشي هاليومين ببين معنا اكتر الحمدلله تحاليلي منيحة بس تحاليل زوجي مو منيحة ولسا عم نعيدهن لنشوف شو الله كاتبلنا
والله لا تتركي حالك وروحي اطمني و طمنيني و اعملي تحاليل وكلشي وانشالله مافيكي شي ياعمري
اديش صرلك متزوجة ياحلوة ؟

انشالله يا هبه يفرح قلبكن بزيه صالحه اللهم امين عاجلا غير اجل يااارب يا جبار (( انا لي سنتين و3 اشهر متزوجه بس كنا بعيد عن بعض ما نشوف بعض كتير هلأ استقرينا الحمدالله اول زاجي رحت ع الدكتوره وقالت وضعي ممتاز بس دون تحاليل( افهمتي عليه) وامس حلل زوجي ولازن ياخد التحلليل ع الدكتور يكتبو دواء مشان بطئ~~~ الحركه عندو ولسا ما راح بحكم شغلو قليل ليفضى مع انو نحن الاتنين ناااا طف قلبنا الله يسهل عليكي وعلينا ولا يحرمنا ياااارب وانشالله بس رحت ع المشفى قربيا بقللكن شو صار معي((هلأ عم نشرب ما ء زمزم وانا عم أقرأء البقره هبه حبيبتي ازا عندك وقت فراغ اقرأاي سوره البقره وتوكلي ع ربك (((( باقي البنات والله اشتقتلكن كتيررررر syria ازا بدك العيار راس العبد بسأل ماما لان انا متللك ما بعرف بالظبط بس العيار ما في سميد ابدااااا ومتل ما قلتي الكرات ابيتغطسو بشكولااا؟؟؟؟ حا به تعملي شي حلووو ما بتقصري قلبي

[ام ندوشة]

كيفكن حبايب قلبي * طمنوني عليكن * اسفة ماعم يصحلي فوت عالتجمع كتير لانو ملتهية بتنضيف ندوشة *انتو اكبر قدر* وبتعرفو الولاد وغلبتن * واعدة عم ضبضب اواعي الببية القادمة عم استناها بفارغ الصبر * الله يقومني بالسلامة انا وكل الحوامل* ويا رب ارزق كل محروم الذرية الصالحة عاجلا غير اااجل يا رب

[نجمة السمر]

السلام عليكم

كيفكون بنات سوريا القمرات الله على بنات بلادي الحبيبة


الله يحميكن ويعطي كل وحدة فيكن مرادها ويسعدها


انا حلبية واتشرف اني انضم الكن

مالي حامل حاليا بس عمادعي الله يرزقني تؤام ذكور صالحين عندي اربع بنوتات قمرات الله يخليلي ياهن نور عيوني



انا مقيمة بجدة وبالغربة لحالي فرحت انو شفت الي صديقات في حوامل بنات بلدي حبيباتي الله يفرجها عبلادي يارب



اتمنى تقبلوني صديقة الكن

[بسبوسة زوجها]

المشاركة الأصلية كتبت بواسطة syria

كيفكو ياحلوات شو اخباركن يالله اختبر مارتك بالحلويات
بدي طريئة (راس العبد ) يمكن اتو بتعرفوا باسم تاني
مكوناتا : سميد - زبدة _ كاكاو _ شوكلا مرة _ وجوز الهند
وبعد ماتصير العجينة جاهزة بيساووا كرات وبعدين بيغمسوا بجوز الهند وبحطوا بالبراد

بعرف المكونات بس بدي المقادير بالضيط وطريئة التحضير

يالله وين ستات البيوت

حبيبتي سيريا انا من زمان ماساويتا من شي ٣ سنين وهلئ نسيت طريئتها بس بتذكر كنت اعملها بكاكاو ومرة وحدة عملتها بشكولا اكلة كتير طيبة شهيتيني عليها
بس تعملي بحث بجوجل وبطلعلك الف طريئة وانتي بتنئي يللي بدك اياها بس كتبي راس العبد

[يارب أرزقني طفلااا]

المشاركة الأصلية كتبت بواسطة نجمة السمر

السلام عليكم

كيفكون بنات سوريا القمرات الله على بنات بلادي الحبيبة


الله يحميكن ويعطي كل وحدة فيكن مرادها ويسعدها


انا حلبية واتشرف اني انضم الكن

مالي حامل حاليا بس عمادعي الله يرزقني تؤام ذكور صالحين عندي اربع بنوتات قمرات الله يخليلي ياهن نور عيوني



انا مقيمة بجدة وبالغربة لحالي فرحت انو شفت الي صديقات في حوامل بنات بلدي حبيباتي الله يفرجها عبلادي يارب



اتمنى تقبلوني صديقة الكن

Hاهلا وسهلااا قلبي نجمه السمر يتنوري التجمع ميت اهلا وسهلا فيكي والله يسمع منك وتفرج بقى ياربي دخيللك راح عرف عن حالي ( انا اسمي نغم من حماه مقيمه بالغربه متللك بس انا بلامارات وانشالله ربي يرزقك بلي تتمنيه بجاه النبي يا رب يا كريم وبـــــــــــاقي الصبايا راح اتحبين كتير بس اتعرفتي عليهن((أم ندوشــــه اكيفك شو اخبارك انشالله نطفت ع الخالص ندوشه ؟؟ وانشالله تقر عينك بشوفت طفللك الجديد يااااارب ويسهل عليكي ( اشتقناللك لبقى تغطي كتير ( وينك ميار((أم مهند وينك قلبي صايره ما عم شوفك طمنيني عنك انتي وهنوده والتوينز ((((( باقي الصبايا يالله وينكنجوريه شا ميه ((هبه))و سيريا وبسبوسه جوزها (( منوره )) ويلي ما زكرت اسما ئهم كيفكن

[syria]

المشاركة الأصلية كتبت بواسطة بسبوسة زوجها

حبيبتي سيريا انا من زمان ماساويتا من شي ٣ سنين وهلئ نسيت طريئتها بس بتذكر كنت اعملها بكاكاو ومرة وحدة عملتها بشكولا اكلة كتير طيبة شهيتيني عليها
بس تعملي بحث بجوجل وبطلعلك الف طريئة وانتي بتنئي يللي بدك اياها بس كتبي راس العبد

له انتي طباخة التجمع وماتتزكري الطريئة هههههههههههههه
\
مشكورة عالرد حبيبتي