.·¤ تجمع الحوامل اللي ولادتهم في محرم¤·.

[دلع الأحساء]

روعه شلون الضيوف يجيبون الضيافه مب داخله مخي هع
يعني مثلا انتي والد وانا بجي ازورك اسوي حلا وقهوه وابسط عندك ؟
وبخصوص النوم طفل لوحده مو زين عندنا
يقلون لك لو اثنين ينامون عادي ""يعني طفلين
بس طفل لوحده مو زين يتلعبون عليه اهل الجن
بس كان بتحطين في غرفته سمكه ولا عصفور اتوقع عادي
لان راح يلهون بالحيوان ويتركون الطفل
بس بشكل عام مو زين تتركين الطفل نايم لوحده وتروحين عنه
حتى لو عندك شغل ومنيمتة بالغرفه لوحده ع الاقل خلي فيه اضائه مو ضلام
وخلي في البيت عصفور زين الحيونات في البيت

[Mishael]

اي والله انك صادقه عاد انا المبنى بعييد عن البوابه ،،تدرين انا خايفه اولد وقت الاختبارات اتذكر معنا الترم اللي راح وحده حامل مااعرفها ولما شفتها بالاختبارات رحمتهااا شكلها من يومين والده حتى ريحتها كبو ولابسه شرابات وبنطلون تحت التنوره وهي ضعيفه ونحييفه ومااشوف معها صديقات رحمتها وخفت اكون مثلها الترم الجاي

[دلع الأحساء]

ميشو اي راح نولد وقت الاختبارات
وبنصير زي الي شوفتي وشعرنا كشه ههههه
ومدفين عمرنا عدل عشان مايدخل البرد في الرحم
والله يعين بتكون ريحتنا خايسه هههه

[Mishael]

دلع حصني البيت ومايدخلونه الشياطين وذري فيه ملح مع سدر اما الهيهم بحيوانات احس خرافه ،،
ههههههههه ايه دلع يجيبون الضيافه حلا وقهوه ومعجنات وشاي واشيا كثيره لابعضهم يجيبون عشا صواني ويبسطون الى الفجر عادي ممكن تصير كل يوم بعد

[Mishael]

ههههههه لا ياربي اولد قبل اليوم اقول لأمي تخيلي والله مااروح الجامعه لحالي بتروحين معي ولا اخلي خدامة اهلي تدفني بعربيه صعبه امشي واتبهذل

[دلع الأحساء]

يؤ كشخه انتو وناسه مافي كلافه ع الوالد في الضيافه ونأصه
احنا كل شي ع الوالد وع الزوج
اهو يجيب الضيافه في بيت الاهل
ويجيب رز للوالد ولحم ودجاج وامها تطبخ لها
تقولين عندنا بس الوحده تتزوج
ابوها مايصرف عليها كل شي على رجلها

[Mishael]

احنا يجيب الزوج لان عيب زوجته وولده عند اهلها ويسحب عليه بس مب يتكلف يعني ممكن لحمه وخضره وفاكهه والعقيقه يذبحها ويوزعها يعطي اهله واهلها والباقي بفرزير البيت او بعد الاربعين تسوي حفله بس انا مااحب الحفلات مدري ليش مايكون لي خاطر ،،
حتى اليوم يسألني يقول وش اجيب لأهلك اذا ولدتي لانه مو من جماعتنا ضحكت مااعرف شي انا اول وحده بس اشوف ابوي ايام امي ماتجود بهي نفسه ،،
والضيافه لو هالناس بيزورونك كل يوم لازم يجيبون ضيافتهم يعني عادي لو تزورني الوحده اربع او خمس مرات بس انتي رزي فناجينك وبيالاتك وبس

[دلع الأحساء]

ميشو
ياليت الضيافه يجبونها الضيوف كان.افك لنا هههه

[Mishael]

وين النات اليوم وش عندهم امس بس سواليف

[Marawy]

مرحبا يا امهات وامهات المستقبل ،، شخباركم ؟



دلع ،، اي والله صادقه كل ما كان الشي ناعم وبسيط كان احسن ،، انا افكر انني اكنسل سالفة التوزيعات ،، واشتري شوكليت يكون حلو شكله ومن مكان راقي ،، مثل باتشي او لاريسيا ،،،، ع الاقل هالمصاريف انا وزوجي والنونو اولى فيها والا وش بناخذ من الناس غير الكلام اللي لا يودي ولا يجيب ،،
وبالنسبه للحساسيه ان شاء الله ما تجي ولدج حساسيه ولا شي واغسلي الملابس اللي بتشترينهم قبل الولاده ،، وبالعكس الهرم فيه شغلات حلوة وماتفرق عن سنتربوينت بشي اللهم السعر ارخص ،، وحتى مركز طابا شغلاته وملابسه حلوة ،،

وبالنسبه للعقيقه ،، لازم نسويها ،، ان شاء الله بأذن الله زوجي بيسويها والمعروف ان لو بنت تكون ذبيحه ولو ولد تكون ذبيحتين ،، وخواتي واخواني دايما مايطبخونها يوزعونها ع الفقراء ،، يعني نروح لجمعيه وندفع مبلغ العقيقه وبعدها هم يتكفلون بكل شي حتى الذباح والتوزيع ،،
ماعليه شر الوالد ربي يشفيه ان شاء الله ،، لو يقدر ينتقل لغرفة النوم مع الوالده تقدرين تقعدين بالمجلس ،، او يكون العكس ،، هو والوالده يكونون بالمجلس وانتي بالغرفه ،، ربي يعينج احس عفسه ،،

واحنا بالبحرين نفسكم كل شي على الزوج ،، يعني هو يعطي ام الوالده فلوس ويشتري كل اغراض البيت اللي يحتاجونها وحتى لما يجون الضيوف لازم هو يشتري المعجنات وهالشغلات ،، الا إذا اهلنا القراب مثل خالاتي واعيال خوالي بيجيبون شي معاهم ونسهر عادي لكن الضيوف لأ اصلا ما يطولون بس يقعدون يباركون ويشوفون النونو ويعطون الام الهدايا ويتضيفون شاي وقهوه ومكسرات ومعجنات ،، وبعدها يمشون ،،