ديوانية البحرين - دردشة حوامل البحرين - البحرينيات

[طفلي حياتي]

حبيبة حسوني صادني هذا التهاب لوع جبدي وهلكني هلاك
عطوني كريم مهبلي واستخدمته مع شرب الكثير جدا من الماء والحمدلله خف الله لا يعود ان شاء الله

[طفلي حياتي]

بنات حركة الجنين تحت كلش احسه في رحمي ويش السالفه طمنوني انتون صار ليكم هالشكل؟؟
مرات يوصل للسر بس وايد احسه تحت تحت في رحمي
ياربي سترك وعفوك

[فلونة]

مرحبااا

انا كنت بامشي بس جفت حنتج طفلوو وما قدرت اروح قبل لا اكتب لج رد ،، مع ان هالحزة مو حزتي على قولتهم من لقى احبابه نسى اصحابه

وحركة البيبي عادي ناس تصير لهم فوق وناس تحت وبعضهم على صوب يمين او يساار يختلف من وحدة لوحدة وتركي عنج الوسواس .. وانا احس ان فيج صبي لانه اختي فترة حملها كان عندها نفس اعراضج تحس في البيبي كله تحت ،، يلا دوري لج اسم حق صبي سويت لج اشعة وببلاش اشتبين بعد

[فلونة]

شموووس ،، الله يسهل عليج وتولدين وتفتكين من الثقل والمحاتاة ،، وعجبتني الشجررة كتيررر كتيرر عليج بالعاافية .. مو قاصرج احين الا ملاكي

رووز ،، عجييييب التصوير ما شاء الله واضح ،، خاطري اجووف الي في بطني جذي وخاطري يصير مفاجأة .. شكلها مبوزة بنتج وتحك راسها
اخذي لج شيلة او مشمر حق المستشفى .. قطن .. وعطر يناسب النيوو مذر ... ونعال الله يعزج وبعد شنوو فوط صحية
بيت الحوامل وكوخ الامومة عندهم جلابيات حلوة حق الرضاعة

وبنت الاياوويد شكلها ولدت .. غطت مرة وحدة .. ان شاء الله تكون بخير

وعلى طاري البنت والولد ،، انا اتمنى اجوف ولدي او بنتي سليمين مافيهم شي والله يقدرني على تربيتهم بس زوجي خاطره في اول مولود صبي واتمنى افرحه والي ايي من رب العالمين خير وبركة

[طفلي حياتي]

اهلاااااااااااااا فلونه صايره تغطين وايد حقويش؟؟؟
انزين اسألي اختش باجر ضروري قولي ليها حست ان الياهل تحت كلللللش وحست فخدها يألمها ماتعرف تمشي
احد منكم حس هالشكل؟؟

[طفلي حياتي]

فلونه قعدي شوي وين بتروحين وليش ماتدخلين طول اليوم ؟؟؟
كلكم تسوون هالشكل تمرون وتمشون اني اتمللللللللللللللللللللللللللل :(

[طفلي حياتي]

فلونه بحثت ياحبيبتي وناس تقول بنت وناي تقول ولد خخخخخخخخ
مايندرا ويش هاللي يفتر داخل ربي يجيبه سالم غانم

[فلونة]

انا ما عندي وقت هاليومين كله مراكض ومشاوير .. ومن هالجو البارد صادني خموول وكسل وبرووود ولا اسوي شي في شغل االبيت
اييي صادها نفسج مسكينة ... امي تقول الصبي يكون كله تحت والثقل يأثر على الريل والمنطقة كامل الي تحت .. اختي من الثقل حتى بواسير طلع لها الفقيررة .. فيييج ولد طفلوو :p
وانتي هالحزة ماتبين سوالفي :p

[فلونة]

طفلوو.. على قولة ام خليل الله يذكرها بالخير
كل من يعرف شنو يعور داخل بطنه ماميش الا انا وانتي مسبهين :p
يلا الحمدلله على النعمة والله يبلغنا ونجووفهم بأحسن حاال يارب

[طفلي حياتي]

ههههههههههههههه اي والله
الكل عرف الا احنا ياربي اني الاحد موعدي ع القابله بروح للدكتوره وبقول لها ترى قمة المسخره ما تمشي عليي دخلت مره ع الدكتوره بس ولا عطتني موعد سونار مايصير هالشكل وبشوف وشتقول
اذا ماستفدت يمكن اروح عياده خاصه بس اني خوافه حدي اخاف من كل شي والوسواس صديقي خلها على الله