هنا تجمع حوامل الشهر (السابع والثامن والتاسع)

[ام حسين الدار]

الله اسلمكم وبلغنا رمضان بصحه وعافيه
اي شكل المنتدى اتغير كاني امسجله في منتدى جديد هع هع
يارب ياكريم بحق شهرك الفضيل ارزقنا اطفالنا بصحه وعافيه يارررب
ورزق كل محرومه

[زهرة الأمل]

السلام عليكم
انا توني داخله عالشهر.السابع تقبلوني معاكم الله يتمم لنا ولكم على خير
ومبروك عليكم قدوم شهر رمضان شهر الخير

[هدوء انثى]

مبارك عليكم الشهر ويارب شهر فرحه لكل من ينتظرها
تلخبطت من الشكل الجديد كنت بطلع وابحث مره ثانيه هوووع
اخباركم ياكروشات مع اول يوم صيام؟؟

[روحي فدوة له]

مساء الخير للجميع والله يكتب لنا الاجر ان شاء الله

هدوء انثى ... اخبارنا تمام ولله الحمد لو انوه فيه تعب بسيط لكن كله يهون لاتذكرت الاجر الللي بحصله من صبري والله يعينا يارب

[مرهفة الإحساس]

كيفكم بنات شخباركم مع الصيام انا للحين الحمدلله ماشعرت بجوع ولا عطش بس الله يعين على باقي اليوم وش راح تسوون اليوم على الفطار ومين راح تفطر بره البيت انا اليوم راح أفطر عند حماتي يالا يا بنات خبرونا وش راح تسوون

[مرهفة الإحساس]

يا بنات ليش ما تدخلوا ايش فيكم كسل في رمضان يالا نبي نشاط ونستفيد مع بعض في الاكل والحلا

[مرهفة الإحساس]

اهلا بيكي حبيبتي زهرة الأمل نورتيناوكل عام وانتي بخير

[أم ح ــنونـہ]

كيفكم يا حبيباتي
انا استقبلت اول يوم رمضان بالمغص :(
من الصبح جاني مغص قطع معدتي بس دحين خف شويه
بس كل ما يجيني احس اني ابغى اصرخ من الوجع
الله يعين ... ادعولي والله مره تعبانه
بالنسبه للجوع والعطش الحمد لله مو حاسه لا بجوع ولا عطش
وانا راح افطر عند ماما ... اصلا راح اقضي رمضان كله عندها
والله يتمم لنا على خير

[رضاك ربي]

شلونكم رفيقاتي الكروشات

هلا سوسو القمر وهدوء انثى ومرهفة الاحساس وام حسين منورييييييييين

[مرهفة الإحساس]

الله يعينك سوسو يا قلبي بس ده طبيعي لانك دخلتي التاسع و الطلق راح يجيك من الحين بس على فترات كتباعدة لين الولادة الله يكون في عونا ان شاء الله