الغاليات بنات فلسطين اتفضلو هون.....

لولو حمادة · 09-16-2013, 11:36 PM

مرحبا
حواء خليها تروح على دكتور افضل بلكن يعطيها مثبت

فوفو حملى نزل يوم الخميس الحمد الله على كل حال

كبريآء أنثى ـآ · 09-17-2013, 12:10 AM

مرحباااااااااا
كيف الصبايا ؟
معلش طولت عليكن
حواء حبيبتي معلش طولت بالرد عليكي
تقبيضة يعني هاد حفلة صغيرة يعني بروح بسلمو المهر لأهل العروس
يعني أهل العريس مع رجال العيلة بروحوا ع بيت العروس وبيسلموا المهر
هيك عنا بغزة بصير ويوم الأحد كتبوا الكتاب يلا صار إلي سلفة ههههههه
طمنوني كيف الحوامل وكيف البيبهات ؟؟
والله منوشة ماخدة كل وقتي

حلا الماس · 09-17-2013, 08:06 AM

صباح الخير

والله مشتاقة لكل الصبايا بس ما معي وقت ادخل هون كتير

فوفو
لساتك صامدة وقوية لهلأ !! ربي يهونها عليكي وتقومي بالسلامة حبيبتي

حواء
كيفك وكيف برلنت وعزوز ربي يحفظهم ؟؟
سلامتها سلفتك ؟؟ طمنينا عنها

ام مروان
شو أخبارك ؟؟ ومنوشة العسل كيفها ؟؟
مبروك لسلفك

جارة
يسعد كل أوقاتك يا رب طمنيني عنك ؟؟
انا من رأي الصبايا خليكي بالحجاب من اول السهرة احسنلك

لولو حمادة
منورة كتيييييير حبيبتي ... زعلت انو حملك نزل .. بس لعلو خير ربي يعوضك بأحسن منو يا رب

إحساس
ام زوزو .. كيفك وزوزو شو اخبارو ؟؟ كم عمرو هلأ اسم الله

وكيف الحمل ؟؟؟ كم الك حامل هلأ وشو قررتي اتسمي البنوتة ؟؟

نور العمر
يسعد أوقاتك يا رب ... كيفك وكيف يامن وسيلا ؟؟

ام أسيد
وير آر يو ؟؟
اسم الله عليه أسيد متل العسل الله يحميه ... بيشبه يوسف هههه
صدقيني رح انزل صورة ليوسف اول ما أفضى ...

انبثاقة .. دودو .. لولو .. سما .. حيفا .. دموع .. وباقي الصبايا يا رب الجميع يكونوا بخير

طمنوني عنكم

فوفو89 · 09-17-2013, 09:52 AM

صباحووووو صبايا كيفكم وشو عاملين

لولو
حبيبتي الله يعوضك احسن منه
لعله خير يارب

حلا
اه بعدني صامدة
كثير بصير معي تحجر ،، والثقل متعبني خصوصا وقت النوم
الله يهونها علينا يارب

~{{ DoDo }}~ · 09-17-2013, 09:53 AM

صباح الورد صبايا وماميز
مشتقالكم كتير كتير كتير
بس والله يا دوب بلاقي شوية وقت افوت النت وما بلحق اكتب اشي
الا الافندي بيلهيني بشغلة ههههه
شو اخباركم وشو عاملين

كل الحوامل الله يسهلها عليكم يارب ويهونها عليكم
ام جودي وفوفو واحساس وكل الغايبات كمان
والماميز الحلوين طمنونا عن بيبياتكم الامامير

لولو وام اسيد وحلا وحواء ونور العمر وام مروان ودموع وجارة
ومشتاقة كتير لحيفا وغموض وعيون المها والله عليكم وحشة يا صبايا ولهبة وبيبو وعسولة كمان زمان عنهم
يا ريت نرجع كلنا زي زمان بس المشكلة الحياة بتشغل الكل ، يلا المهم نتطمن عليكم

بالنسبة الي الحمدلله بخير والافندي صار شهرين ونص وشوي
قرب عالتلات شهور وقرب موعد الدكتور لنتطمن عليه
بس انا الحمدلله فرقاه كتير حاساه متغير ونصحان واغلب تيابه صغروا عليه
صار بدنا مشوار شوبينج انا وياه ههههههه
وانا نفسي انزل وزني كمان ، لسا في ٧ كيلو مدايقينني ومش عارفة انزلهم
بيقولوا الرضاعة بتنحف بس وزني ثابت صرلو فترة معقول بياخدو وقت هالقد :(
مممممم وشو كمان شكلها الدورة بدها تجيني لانه هاليومين كتير بطني بيوجعني
هي اجتني بعد النفاس مرة ، يمكن انا من الناس الي بتجيهم وهم بيرضعوا الله اعلم
صحيح والافندي من مبارح من عملها مسكين ههههه شكله عندو امساك حزنانة عليه
وخايفة يعملها مرة وحدة ويغرق الدنيا ههههههه
صحيح الدكتور اكتر من مرة يقللي الاكل عال ٦ شهور وهيك وانا شايفة الكل بيطعمي عال ٤
مش عارفة شو الصح وشو الافضل صراحة ممممم صحيح حاسة ابني بدو يسنن بكير
كتير بيريل وبياكل باصابعه

برمت كتير وحكيت قصة حياتي ،،،،،، نهاركم سعيد

حواء مثالية · 09-17-2013, 11:14 AM

صياحكم فل الله يهدي بال الجميع يا رب

عطول سلفتي راحت على الدكتور اعطاها مثبت حكيت معها الصبح بتحكيلي انها احسن والدم اخف من مبارح

لولو حمادة الله يعوضك خير حبيبتي

بنات من بعد ما خلفت اغلب الايام راسي بضل يوجعني وايام بكون صداع لا يحتمل اجمالا ما بشكي من شي الحمدلله بالكم شو القصة

~{{ DoDo }}~ · 09-17-2013, 11:25 AM

حواء يسعد صبااحك

طمنيني عنك وعن الحلوين

بالنسبة للصداع متل ما صار معي
هاد يا ستي من الاعراض الجانبية لابرة الضهر
هيك دكتور التخدير حكالي
وحتى ما بيخف بالمسكن مرات وبيكون مزعج
هاد بس فترة محدودة وبيختفي اطمني ؛)

حلا الماس · 09-17-2013, 04:48 PM

مرحباً يا حلوات

فوفو
ربي يهونها عليكي وتقومي بالسلامة ان شاء الله

دودو
وأخيرا طليتي يا حلوة ... الله يكون بعونك ؤيعطيكي العافية

حواء
هلا حبيبتي سلامتك من الصداع .. يمكن لفحة هوا ديري بالك انتي لسه نفاس ما كملتي الأربعين ... الله يتمملك إياهم على خير يا رب
سلامتها سلفتك الله يتمملها على خير

وينكم شو عم تعملوا ؟؟؟

قبل شوي ولدت بنت حماي جابت صبي بعد ٤ بنات والله فرحتلها من كل قلبي

كبريآء أنثى ـآ · 09-17-2013, 05:12 PM

يسعد مساكن يا حلوات

لولو الفلسطينية · 09-17-2013, 06:01 PM

مسا الخييييير
شو الأخبار ؟؟
اشتقتلكم يا ضرسانات :d
لولو
ربنا يعوض عليكي ان شاء الله .. ما تزعلي الخيرة فيما اختاره الله
فوفو و ام جودي
وين وصلتو ؟؟ الله يهونها عليكم و تولدو بالسلامة و ترتاحو
دودو
هههه التريل هادا مش تسنين ... انا كمان السوسة الي عندي دايما بتريل و بتاكل ايديها و صارت كل اشي بتمسكه بايدها على طوووول على تمها هههه حتى في بنطلون الها الو رباط على الخصر امبارح ضلت تمسكه ز تحاول ترفعه بدها تحطه بتمها هههه و العابها و كلللل شي على تمها و الترييل كتييييير
يعني عادي هيك بضلو حوالي شهرين لحد ما يبلش التسنين
بالنسبة للاكل انا قرأت انو في دراسات جديدة على هالحكي و انو لازم على 6 شهور بس الكل بحكي بعد الاربعه
هو على كل الحالات حتى لو على الاربعه لازم تكون اشياء كتييييير خفيفة و بسبطة و شوية شويه بنزبدها ههههه
صحيح سلامته بطنك ههههه انا كمات اجتني مرة وحدة و موعدها بعد اسبوع المفروض بس خااايفه انا هههه
حواء
سلامته راسك يا حلوة
انا و الله لليوم و راسي كتيبببر بوجعني و ما بينفع معو المسكن ... بتعرفي حتى مرات بحس عيوني بدهم يطلعو من راسي من كتر الوجع
و الدكتور بحكيلي عادي بتصير بعد الولادة
بعيننا الله
باقي الحلوات كلكم كلكم اشتقتلكم بدون استثناء
يللا ارجعو زي اول و رجعو الحيوية للدردشة
يسعد مسا الجميع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة بنات فلسطين , دردشة حوامل فلسطين , تجمع بنات فلسطين	ايلاف	إستفسارات حوامل من الشهر السابع إلى الشهر التاسع	5318	06-15-2013 12:38 PM
دردشة بنات فلسطين, دردشة حوامل فلسطين, تجمع بنات فلسطين	سماسم	إستفسارات حوامل من الشهر السابع إلى الشهر التاسع	22928	03-27-2013 08:07 PM
فلسطين الحبيبة نابلس المتميزة 2013 - صور سياحية من فلسطين 2012 - السياحة فى فلسطين 20	خليجية وافتخر	المـنـتـدى الـعـام	0	06-04-2012 06:17 PM
فلسطين الجميلة 2013 - صور فلسطين الحبيبة 2012 - معالم سياحية فى فلسطين الحبيبة 2013	خليجية وافتخر	المـنـتـدى الـعـام	0	06-01-2012 09:00 PM
دردشة حوامل اهل فلسطين الغاليات ^_^	* ام لؤي *	إستفسارات حوامل من الشهر السابع إلى الشهر التاسع	2433	01-02-2012 09:14 PM