تجمع حوامل سوريا-دردشة ورود سوريا-دردشة الغاليات

[syria]

المشاركة الأصلية كتبت بواسطة بسبوسة زوجها

حبيبتي سيريا انا من زمان ماساويتا من شي ٣ سنين وهلئ نسيت طريئتها بس بتذكر كنت اعملها بكاكاو ومرة وحدة عملتها بشكولا اكلة كتير طيبة شهيتيني عليها
بس تعملي بحث بجوجل وبطلعلك الف طريئة وانتي بتنئي يللي بدك اياها بس كتبي راس العبد

له انتي طباخة التجمع وماتتزكري الطريئة هههههههههههههه
\
مشكورة عالرد حبيبتي

[بسبوسة زوجها]

ميورة حبيبتي
مبروك البنات بالنسبة للاسماء انا بحب الاسماء الخفيفة متل
شهد -جنا-رغد-نرمين-لارا-راما هلئ هدول يلي ببالي وبس تزكرت اسماء تانية لعيونك
طمنينا عنك ايمت رح تروحي عالبنان لسا ماقررتي؟

[ام ندوشة]

كيفكن حبايب قلبي * طمنوني عليكن * اسفة ماعم يصحلي فوت عالتجمع كتير لانو ملتهية بتنضيف ندوشة *انتو اكبر قدر* وبتعرفو الولاد وغلبتن * واعدة عم ضبضب اواعي الببية القادمة عم استناها بفارغ الصبر * الله يقومني بالسلامة انا وكل الحوامل* ويا رب ارزق كل محروم الذرية الصالحة عاجلا غير اااجل يا رب

[نجمة السمر]

السلام عليكم

كيفكون بنات سوريا القمرات الله على بنات بلادي الحبيبة


الله يحميكن ويعطي كل وحدة فيكن مرادها ويسعدها


انا حلبية واتشرف اني انضم الكن

مالي حامل حاليا بس عمادعي الله يرزقني تؤام ذكور صالحين عندي اربع بنوتات قمرات الله يخليلي ياهن نور عيوني



انا مقيمة بجدة وبالغربة لحالي فرحت انو شفت الي صديقات في حوامل بنات بلدي حبيباتي الله يفرجها عبلادي يارب



اتمنى تقبلوني صديقة الكن

[يارب أرزقني طفلااا]

المشاركة الأصلية كتبت بواسطة نجمة السمر

السلام عليكم

كيفكون بنات سوريا القمرات الله على بنات بلادي الحبيبة


الله يحميكن ويعطي كل وحدة فيكن مرادها ويسعدها


انا حلبية واتشرف اني انضم الكن

مالي حامل حاليا بس عمادعي الله يرزقني تؤام ذكور صالحين عندي اربع بنوتات قمرات الله يخليلي ياهن نور عيوني



انا مقيمة بجدة وبالغربة لحالي فرحت انو شفت الي صديقات في حوامل بنات بلدي حبيباتي الله يفرجها عبلادي يارب



اتمنى تقبلوني صديقة الكن

Hاهلا وسهلااا قلبي نجمه السمر يتنوري التجمع ميت اهلا وسهلا فيكي والله يسمع منك وتفرج بقى ياربي دخيللك راح عرف عن حالي ( انا اسمي نغم من حماه مقيمه بالغربه متللك بس انا بلامارات وانشالله ربي يرزقك بلي تتمنيه بجاه النبي يا رب يا كريم وبـــــــــــاقي الصبايا راح اتحبين كتير بس اتعرفتي عليهن((أم ندوشــــه اكيفك شو اخبارك انشالله نطفت ع الخالص ندوشه ؟؟ وانشالله تقر عينك بشوفت طفللك الجديد يااااارب ويسهل عليكي ( اشتقناللك لبقى تغطي كتير ( وينك ميار((أم مهند وينك قلبي صايره ما عم شوفك طمنيني عنك انتي وهنوده والتوينز ((((( باقي الصبايا يالله وينكنجوريه شا ميه ((هبه))و سيريا وبسبوسه جوزها (( منوره )) ويلي ما زكرت اسما ئهم كيفكن

[Nayota]

صباح الخير صبايا كيفكون شو اخباركون
ام جوجو وينك شو اخبار جوجو والروضة ان شالله اتعودت عليها
جورية شامية ونغم بدي ئلكون على وصفة كتير منيحة مشان أزواجكون وهية وصفة من دكتور متخصص بأمراض العقم من أميركا
وهو عسل غذاء الملكة اسألوا عنو بس لازم يكون أصلي ومن منحلة مضمونة بفيد جميع انواع الضعف عند الرجال
انا بعرف وحدة ضل زوجها 11 سنة عم يتعالج وكان عندو كتير مشاكل وأغلب الدكاترة قالولو نسبة كتير ضعيفة إنك تجيب ولاد سافر على أميركا وصفلو دكتور هي الوصفة وتقريبا شي سنة كانت زوجتو حامل وهلأ ماشالله صار عندون تلت اطفال وطبعا كلشي بأيد رب العامين وان شالله الله يطعمكون الخلفة الصالحة
واهلا وسهلا فيكي نجمة والله يخليلك بنوتاتك بس قليلنا ئديش اعمارون
وبسبوسة وسيريا وميار وزهرة وام ندوشة شلونكون
انا من الصبح فئت وعجنت عجينة بدي اعمل مناقيش كنت مااشتغل يوم الجمعة بس بعد ماشرفت نايا ماعد فرئت معي

[Nayota]

مسالخير بنات كيفكون

نغم معلقة من هادا العسل كل يوم طبعا وازا الدكتور واصف دوا كمان لازم مايقطعو وان شالله الله يرزئك الزرية الصالحة
ميار والله سدئ احساسك ورجحت كفت البنات عندك بالبيت تلاتة على تنين هههههههه
انا بقترح الاسماء الجديدة وابتعدي عن اسماء المشاهير
تاليا واماليا وإلينا ولمار حلوين وابتعدي عن الاسماء المعجوئة ويلي في منها كتير بكرا بس يروحو عالمدرسة خليهون يكونو اسمائهن مميزة هههههههههه شوفيني بشوبفكر هههههههههه
وانا بقترح طل يعني قطرة الندى
ود
وجد يعني الحب والغنى
وانتي اعملي قرعة آخر شي عالاسماء يلي بتعجبك اسحبي انتي ورقة وابو مهند ورقة وعلى كل حال معك وقت لسا خمس شهور فكري على مهلك

[يارب أرزقني طفلااا]

صباح الخير ع الكل والله مو قدرانه اكتب مقهووووورهصارت مشله بيني وبين جوزيليش اكتشفت انو عم يحكي بنت جزا ئريه الله ينتقم منها يارب بجاه النبي يخربيتها حكيتها قالتلي نحن كتير مبسوطين انتي شو خللك فينا وهوه كمان من قديم بقلي انا حر ما خللك وما تفتشي تلفوني بقلو لكن حليف انو ما عم اتحكي بنات ابيجي بيحلف وك بعرفو بحبني بموووت فيه وما صرت عندو لدفع دم قلبو بس الله وكيلكن لسا كل ما دق الكوز بالجزره صار تاني مره بقلي طبي شنتايتك وبحجزللك ع اول طياره ع سوريا قلتلو ازا ابتعرفي بموت من الغيره عليك وعطيتك ثقه قلي اي تبقى موتي بسوريا الله ينزع مسا كي متل ما نزعني مسا يه واليوم الصبح قلتلو مرتين صباخ الخير ما رد وكان قبل بيوم وقت شكيت سالتو قلي حبيبي ما ني محتاج عندي حلالي انتي الحمدالله ليش لحكي غيرك وردت فعلو مبارح انقهر لانو طلع كزاب في كتير تفاصيل وشفت با عتلها رسساله ع عيد الحب طولت عليكن بسو الله مالي غيركن بعد الله قلولي شو اعمل ازا بهمكن امري لكفي شو صار كمان ااااااه يارب ع فكره هوه ملاك بس لا تجيبيلو سريت الحكي ع التلفون او البنات

[Nayota]

صباح الخير بنات كيفكون
بدي ئلكون شغلة كانت مدايئتني بس اتجاوزتا ...وقررت إني إمشي تلاتة كيلو متر وكل مااتعرف على بنت او ايا وحدة تصادفني بحياتي ماخليها تقرب عليي وتكون حدودا بعد التلاتة كيلو متر ...مابعرف ازا فهمتو عليي شوقصدي ...لان عنجد كتير عم انصدم من ناس وخاصة سوريين هون بسعودية .. بيجوز المشكلة مو بالناس المشكلة فيني مابعرف ... رح ئلكون آخر حادثة صارت معي وكتير اتدايئت منها سكنت فوقي جارة سورية و اول ماعرفت كتير فرحت واستئبلتا عندي بيتي وعملتلها عزيمة عالعشا وكنت كتير مبسوطة ... لان انا من طبعي بحب العلاقات الاجتماعية ومابحب الوحدة والمهم بتصل فيها وبحاكيها مرة بترد وعشرين مرة مابترد المهم انا بستغرب وبحطلها أعزار بيجوز تكون مشغولة بيجوز تكون نايمة وبتستمر هالقصة شي تلت شهور تقريبا بئول لحالي يمكن ماحبتني وإز بدرى من زوجي انو اجا زوجا وودعو عالباب البيت وبدهون ينتئلو لمكان تاني وبنفس اليوم يلي ودع زوجا زوجي انتقلو وهية ماكلفت خاطرها ولاحتى باتصال وبتصير معي كتير قصص من هادا النوع بتصدمني بالناس زعلت كم يوم وبعدين اجاني يقين انو الناس يلي مو مناح ربي بيبعدون عني لاني طيوبة ويمكن هادا الخير إلي اني مااحسن كون علاقات اجتماعية هون بسعودية مع اني صرلي شي تلت سنين هون

[Nayota]

عنجد نغم مشكلتك عويصة والله يهدي بالك لاتنفعلي وتعصبي بتزيدي المشكلة خديها بتروي وعئل بصير بالجكارة زوجك بيزيدا