تجمع الكروشات اللي ولادتهن في رمضان 1433ه

[مناير999]

كروشات شوفوا هالموضوع مفيد
باي باي تشققات وخطوط بيضا .. روحه بلا رده


نوور العيوون
طلعتي مو سهله بتحطي راسك براس الوزير
سيري ونحن وراك
شكلنا خريجات اللغه العربيه بنسير على نهجكم

بس وش نوع مشاركتكم بالبرنامج؟!
بنشوفك فيه تتكلمين ياسلام نتعرف عليك شخصيا وابتصل بالبرنامج خليهم يفتحون لي الخط اشارككم




ارجوان
ماعليك من احد افرحي في بنتك ودلليها
وخلي عندك قوه شخصيه ولايأثرون بشخصيتك ويهزون فرحتك ببنتك ...

والحور حلو بس حور اخف ..وعسى ابوها يوافق اخر مره تكلمنا بهالموضوع رافض ...

ومن ناحيه الدوخه كلنا كذا انا فارشه لي فراش بالصاله غير سريري احس بهزل وثقل مع الحمل وزياده الوزن ......



نسومه
وينك تاخرتي علينا ان شاءالله تكوني حصلتي اغراضك ...

[Haif]

مساء الخير

الله الله شهالنقاشات و المواضيع الحمد لله اني ماكنت موجوده بموضوع الوزن

على ان الدكتوره اليوم تقولي اني مازدت كثير من شهر ونص غير كيلوين و قالت لي شكلك ماتاكلين كويس

اهم شيء نولد بالسلامه بعدين نشوف لنا حل مع الزوايد

كيفكم كلكم

وياهلا ومرحبا بالعضوات الجديدات ارجوان و احساس

نور
الله يسهل لك و طمنينا على موعدك
والله يحقق لكم ماتتمنون في سعيكم ونبغى نسمع صوتك في برنامج الثامنه

اليوم صديقتي ولدت قيصري وجابت بنوته جميله اسم الله عليها عقبالنا يارب

[Haif]

على طاري الاولاد والبنات

مجتمعنا اذا صارت الوحده حامل ببنت ماعندها مشكله تعلم كل الناس انا ببطني بنت بس لما تكون حامل بولد ماتقول ماادري ايش الحكمه من هالشيء

اذكر من فتره وحده من خالاتي سالتني ايش جنس اللي ببطنك طبعاً قلت لها ماابغى اعلم خلوها مفاجاه قالت لي دام انك مارضيت تعلمين اجل في بطنك ولد

وانا اساسا ماعندي مشكله اعلم سواء كان بنت او ولد بس علشانهم توينز ماعلمت

[نسمة دفا]

مساءكم فل وكادي

رحت السوق ولقيت طلبي بصعوبة ..كل مايعجبني موديل ما ألاقي المقاس.....

وبعد تعب أخذت لعبودي جزمة رياضة وجزمة عادية......ولقيت مخدة للبيبي ناعمة وحلوة..ما أخذتها..أخذت كوفلتين ومنشفة زوجي اختارهم

ورجعت البيت.....

هلا هيوف..زمان عنك..كيف نونواتك الكتاكيت..كيف كروشتك..والحمدلله على سلامة صديقتك..وعقبال سلامتك مع بيبيهاتك

نور ..ياوااااااد ياخطير ..عند وزير اليوم وبكرة عند الأمير..بس شكلها ماراح تنحل إلا لما توصل للملك ربي يحفظه

.......

[نسمة دفا]

http://forum.hwaml.com/t104780.html
http://forum.hwaml.com/t104780.html

مناير شوفي هالموضوع ..السرير المتنقل اللي كنتي تبغي مثله..عند تاجرة في المنتدى

ومشكورة على موضوع الخطوط والتشققات

[نسمة دفا]

وبموضوع الولد والبنت إذا وحدة ولدت وجابت ولد تتصل حماتها او أمها وتقول الحمدلله فلانة قامت بالسلامة وجابت عريس

وإذا بنت يقولوا فلانة ولدت وبس

[نسمة دفا]

بروح أنام

ألقاكم على خير

وتصبحون على خير وسعادة جميعاً

[Haif]

الحمد لله نسومه انا بخير ونونواتي بخير

واعذروني دخلتي عليكم متقطعه من بعد الدوام الله يعينا

نوم العوافي نسومه تلاقين كل الخير

[مناير999]

هيوف
هلا وغلا مشتاقين لك لاعاد تغيبين مره ثانيه
وفاتك سوالف السمنه والقرف ربك فكك منها ..

والحمدلله على سلامه صديقتك عقبالنا وش سمت بنوتتها ؟؟
نبحث انا والكروشات عن اسماء بنات يمكن يعجبنا ونقلدها ....

ومن ناحيه كلام خالتك صح 100% انا لما اسأل وحده وتقول ماسألت واللي يجي من الله حياه الله او مابان مغطي رجوله
على طول اعرف ولد
لان البنت تقول الحامل مباشره .من دون ماحد يسألها
وحده من معارفنا خلفتها بنات وكل ماتكشف تعلم على طول الى اخر حمل ماعلمت وساعتها حلفت لامي انه ولد
قالت لا مو معقول هي تقول مابين لو ولد بشرت الناس يفرحون لها لان ماعندها اولاد
وفعلا ولدت قبل كم شهر بولد وتقول ام زوجها ان حتى زوجها ماعلمته الا يوم الولاده تفاجأ ..
بس وش الحكمه للاسف عقول حريم ماتلقين جواب يمكن يخافن يجيه عين وينقلب بنت ...

انتي هيوف وش جنس توينزك الله يحفظهم ....او مابتقولين مثل هالحريم ههههههههههه




نسومه
الحمدلله حصلتي اللي تبينه
بس ليش اعجبتك المخده ولا اخذتيها؟! انا اللي يعجبني اشيله بدون تردد فرصه يحصل الواحد شي يعجبه وخاصه انك تقولي اسواقكم محدوده ومو كل شي متوفر
ويسلمو على الرابط بتفرج عليه ...

ومن ناحي التبشير بالولد والبنت فعلا انا ملاحظه
وغير كذا اعرف من رده الفعل لما اكون بجنب وحده تكلم تلفون واحد بشرها بولد تلقينها تفرح وتقول الف مبروووك ويتهلل وجهها والرسائل الجوال ماتوقف بالعائله ترن تبشر

والبنت تلاقين رده فعل بارده لو انها اول بنت
على طول يقلبونها مثل العزاء يقولون بنت ايه الله يصلحها ويستر عليها وترى البنت احيانا تنفع اكثر من الولد واجر تربيتهن عظيم
يحسسونك انها مصيبه ويصبرونك ويذكرون باجر تربيتها والصبر عليها وانتي شايفه نظره الشفقه بعيونهم



اللي اقولكم عنها خبت خبر ولدها حتى عن زوجها ..زوجها يقرب لي ومعروف يموت على البنات وهن 5 كل وحده اغلى من الثانيه ويحبهن اكثر من امهن
يقول والله اني افرح بناتي لاولدن واجي طاير ابشر زملائي بالعمل واصدقائي ثم يقلبونها عزاء ويصبروني ويذكروني باجر تربيه البنات ويدعون لي بالفرج وان الله يرزقني بولد ...يقول اخر بنت سكت ماعلمتهم خفت يبكون علي من الشفقه ...
عاد هو للامانه يحب بناته ومدللهن ماكأنهن 5بنات كل وحده اغلى من الثانيه...

ابوه لما بشروه بالولد هو وامه جلسوا يبكون بحرقه واقسم ابوه ان عقيقه الولد عليه وسوا وليمه كبيره مابقى احد ماحضرها كانها عرس والعالم تبارك
وهو تضايق يقول كاني عقيم ورزقت بالذريه بعد سنوات ماشاءالله عليه يعجبني الرجال اللي تفكيره كذا
اقول لزوجي يقول لاتصدقينه هو بس يمثل يسوي نفسه ماهمه من ورا قلبه والا قلبه يحترق فيه رجال مايحب الاولاد ويفضل البنات بس وش يسوي ماباليد حيله
قهرني بغيت اخنقه .........

[ميدوري]

منااير

الرجال يقهرون من هذه الناحية بس برضو لكل قاعدة شواذ
صديق زوجي عنده بنتين فقط و راضي و يحبهم و يدللهم و ما يبغى ولد

بينما شخص ثاني من اصحابه جابوا له بنت و كان مررره متضايق يبغى ولد
و الله رحم زوجته و جابت ولد بعد البنت

لكن هذا الرجال طفشااااااان من ولده و من شقاوة ولده
عكس البنت مريحته و يحبها

و انا زوجي احسه مثل كل الرجال يبغى الولد
حتى مررره قهرني لما قال ان اهله يفرحوا بالولد و لا يفرحوا بالبنت

مع ان الاولاد اكثر من البنات في عائلتهم
جد بعض الناااااس ترفع الضغط

و المجتمع يخلينا غصب نتمنى ولد

نسومة

مررره حلو اسم مها
يعجبني