دردشة بنات العراق, دردشة حوامل العراق , تجمع بنات العراق

[مي &]

هلو بنات شلونكم
شكرا لكل من اتفاعل ويايه ومن سأل على بروره
ويمعودين ماكو اي حل ويه حمااااااااااتي شسوي م ادري ما اكدر اكول لرجلي واشكيله كل الحجي لان هو راح ايصير عصبي وايروح ايحاجيهه ومن ايحاجهه راح اتسويلي مشكله شكبر واتكول وكف ويه مرته وعاف اخته ون هلسوالف
والله ما ادري شسوي لوبيدهه حتى لاهلي همين تجي ويايه راح اتخبلني
وكلشي متحب تاكل عيني قبل شويه رجعت من الكليه وشافتني بلمطبخ كالت شنو غدانه كلتلهه فاصوليه وتمن كالتلي من كلج اتطبخين فاصوليه اني اتخبلت الى هلدرجه ؟؟؟؟ كللتلهه امج كالتلي ... كالتلي هاااااااااااا اي مو اني ما احب الفاصوليه
بلله هاي شجابوهه اني سكتت ودرت وجهي ما ادري شتريد يمكن اتريد اسويلهه غده وحدهه
وعبالكم متسويهه ذالك اليوم جان غدانا دولمه هي عيني متحبهه كالت سوولي بيذنجان تكلى واني سويتلهه والله شنو بيدي ما ادري
مرات بلعطل من زوجي ما اعنده دوام اني وياه منكعد من وكت اشوكت منكعد نكعد يعني بــ11 او بــ12 يعني مو وكت محدد ون نكعد وانزل جوه الكاااهه تنتضرنه على الريوك حتى لو هيه كاعده من الــ 10 والله راح اتخبلني يعني هو يومين بسبوع عطله واريد اخذ راحتي ويه رجلي واتريك وياه وحدنه رااح اتخبلني وعيني عينك اتكلي يله اشو اتأخترتو بلكعده مو من زمان انتظركم
عليكم الله اكو جبل مثلي متحمل

[kokee]

هلا ام الوقه
والله خبلني من الصبح هسه يلا نام بس بجي بحيث كلشي ماكدر اسوي همزين حماتي كاعده ماعدهه دوام
فرق العمر الجبير هم اله سلبيات يعني اني شايفه بامي وابويه فرق 13 سنه كل واحد افكاره تختلف عن الثاني وامي نفس ايمان تسكت وتعبر بس ساعات تنفجر بي
بس ااحنه منقبل لان ابويه هم كبر وتمرض وهم منخلي ابويه يحجي يعني لازمين ظهرهه وخاصة اخويه الجبير
ولو مو شرط بس اغلب الاحيان الفارق بلعمر يسبب مشاكل خاصة فرق التفكير

[رويدة_ أم ألق]

نجولة هلاوات من عيونها الحمامة هههههه
هسة أكتبلج رسالة خاصة عن أخبارنا كلنا
وكل عام وأنت بحب وسعادة

أم كرار منورة وعسى أيامج كلها فرح

رحاب اي فرحته بالفستان شوية وأنا كاعدة
يعني على وحدة وربع مو وحدة ونص

فلة اعذريني البارحة حسيت بصداع شوية
وماكدرت أرجع حتى العشا سويت شي بسيط

مهاوي يلة ننتظر الصور.

[kokee]

مي طولي بالج ششوي اعتبريهه طفله
زين هيه ماعدهه دوام؟
اني حماتي وحماي هم يكعدون ويتانوني على الريوك شوكت منكعد حتى لو متاخرين يحبون يتريكون ويانه مابيهه شي حبي
بس سوي ميانه وياها كليلهه يلا ولج تعالي كلي مابيه حيل
اني وحماتي كله هيج نتشاقه لا تصيرين حادة الطبع وياها

[kokee]

مرات نطلع اني ورجلي بالعطله اني اكل لحماتي وحماي تعالو ويانه لان همه ضايجين وهم يردون يطلعون خطيه انقهر اطلع ومماكلهم لان احسهم مثل اخوتي الزغار
فتره ويتزوجون وكلمن يشوف طريقه شي مؤقت

[رويدة_ أم ألق]

زنوبة احتمال من أسنانه خطية
وصح فارق العمر اله دور كبير وإيمان الله يسلمها فقيرة كلش
الله يريح بالها

مي ... هذا استغلال عيني عينك
مجددا أكلج خلي أخوها يحاجيها وأنت وصيه يكلمها بهدوء
ومو كدامج بغيابج حتى لا تتحسس وتضوج.

[ام نورهانه]

هلووووووو بنات شلونكم خخخخخخخخخ البارحة تعاركت ويه رجلي مو كتلكم خلوني كاعدة لا ابدل ولا شي من وراكم بيكم عضه هههههههههههههه
اول ماجه اني متحضرة واريد اشوف هديته اجاني ايد وره وايد كدام
سكتت وره شويه جبتها بشقه وضحك كتله وين وردايتي كان يكولي مصار عندي مجال بنتره ضحكت كان يكوم يسويلي ظهري رجلي كلبي عيني كلهن كام يوجعن وظل يشكه اني صبيت الغده ورحت لفيت راسي ونمت
المهم طز لا اهتم ويع
اكلج امونه رجلج مثل رجلي من ينطيني شي يمن عليه يعني ذاك اليوم من رحجت زعلانه اخذ مني الحاسبة والموبايل هم 95سيريس بس الذهب منطيتهيا تدرين شيكولي بوكتها يكولي اخذي اكول هذا بايكته مني شفتي وهم يحبطني على سالفة عجوزة وهالسوالف بس اني صرت اشطر كمت رأسا اذكره بعمرة والفرق بينه واكوله انته الي شايب كام يضوج وبعد ميكولي قليل

[kokee]

كل احنه متحملين مي بس كل واحد متحمله هم شكل محد مرتاح بهلدنيا

[kokee]

ههههههههههههههههههههه فله ضحكتيني
امونه فقيره وتريد تمشي المركب المفروض بس يحجي تفشله تكله همزين عمرك راح يدك بالخمسين ههههههههههههههههههه

[kokee]

اي من سنونه وهوه هم كام يتشلبه على الكراسي والبارحه وكع والكرسي وكع فوكاه وخشمه صار ازرك وشفته ورمت صارت جنه شفة نانسي هههههههههههههههههههههه