دردشة حوامل الأحساء- تجمع بنات الأحساء - الحسآويآآت

الامومه المنتظره · 06-19-2011, 05:01 AM

الله يعين ...ابي اولد والسلام احس طفشت ؟؟؟

آم خليل · 06-19-2011, 07:07 AM

كفيكم كروووشاات وشخباركم مع الحمل الله يهون عليكم

انا ماحملت الحمدالله على كل حال قررت الشهر الجاي اروح عند ممرخه علشان كذا ابغاكم تفدوني الي تعرف ممرخه تقولي اهم شئ معروفه وقريبه انا من الهفوف يعني مومشكله اذا كانت في المبرزالو محاسن

رنين الصمت · 06-19-2011, 12:04 PM

صباح الخير يا منفوخات شلون صباحكم

عذبه · 06-19-2011, 01:07 PM

مساء الورد

كيفكم واخباركم

نلحق على الغداء ولا باقي

اليوم رحت لدكتوره ثانيه وقالت لي نفس الكلام ان الجنين ميت ولازم اجهاض وعطتني تحويل

بس قالت دام مامعك دم الحكومه مارح يسوون لك شئ ولاكن الخاص يسوونها على طول

شرايكم انتظر لين يجيني دم واروح الحكومه ولا اروح خاص واسويها وارتاح ولا اجلس معلقه كذا ؟

وشرايكم اروح الاحساء ولا المانع بالنسبه للخاص؟

رقروقه · 06-19-2011, 01:46 PM

ســــلام صبايا

رجعت لكم من بعـــد عنــاء

أخيراً ولدت في فجرية يوم الأحد الساعه 2:40 دقيقه بالضبط طلعت بنتي الشينه بعد طلق صناعي من الساعه الواحده ظهراً من نهار السبت

آآآآآآآآه من جد الولاده أصعب تجربه تمر فيهــا الأنثى

وحشتوني يالدبات
ياحلوي يامن فشيت

ماقريت المحادثات أدري فيكم هذررره بتتعبوني وأنا يادوب أشيل روحي

وحشتوووني من جد

:

بنت الاجـــواد · 06-19-2011, 02:14 PM

السلام عليكم

الف الحمدالله ع سلامتك رقروقه
تتربى في عزك حبيبتي
مبروك مااااااااااااااجاك يالغلا
شنو سميتي القمره

جوادية · 06-19-2011, 02:52 PM

الف الف مبرووك رقروقة والف حمدلله على السلامة
وتتربى بعزكم وتبلغوا فيها عرووس

ياسمين0 · 06-19-2011, 02:52 PM

رقروقه مبروك
تتربى بعزكم ..مابغيتي تطمنينا

خربشات انثى · 06-19-2011, 02:54 PM

الف الف الف مبروووك رقروقه وتتربى بعزكم يارب زيين فتكيتي وفشيتي

رقروقه · 06-19-2011, 04:15 PM

الله يبارك فيكم حبيباااتي وربي أدري طولت عليكم

الله يسلمكم رحت من يو الثلاثاء قبل ليلة الرغائب موعد تخطيط ومسكتني الدكتوره تنوويييم لييييييه مافي شي ..؟؟

قالت لي التخطيط سيئ والنبض مو عاجبني لزووم ننومك تحت المراقبه

ومر الثلاثاء لليل والأربعاء والخميس والجمعه (طبعاً خميس وجمعه أنسي أحد يطل عليج غير التخطيط الجميل )

وأنا أركض في هالممر وأنطط من غرفه لغرفه أبي الطلق يشرف
شربت دارسين سويت تمارين مابقى دعاء ماقريته أستغفر الله
ولا أكووو طلق

شرف نهار السبت وجا الدكتور الشرير خيري وقال يا تطلعين متى ماجاك الطلق وترجعين أو نحط لك تحميلة طلق صناعي

أنا شاورت أمي وأم بعلي وأستخرت ربي وتوكلت على الله
ودعسو لي تحميله الساعه 1 الظهر
نفعت بس مو ذيك القووه

جا وقت الزياره المغرب جات مماتي وام زوجي وزوجي ودعسو لي التحميله الثانيه بعد صلاة المغرب

وأشتغلت الصوووته
وزاغت القلوب إلى الحنااجر

وأمي تصيح وانا أصوت
طلعوا لأن الزياره خلصت

وصريخي جمع ربعي اللي في القسم معاي
اللي تقرا لي الأنشقاق واللي تمسح علي

وأنا أترجاهم أطلب عمليه
بس محد يعطيني وجه

فتح معاي 4 سم الساعه العاشره مساءً
وطارو فيني للغرفه الأخرى
وبدت المعاناه المريره ومافتح عندي الرحم 9 ونص إلا الساعه قريب الثانيه فجرا

وبعدها تميت أنوفخ وأعصر في عمري ولاني عارفه شلون أعصر عشان يطلع هالراس هالنتفه
تعبوووووووووو معاي النيرسات
طفشت دينهم
إلى أن جا الدكتور حسن (السوداني) وحاول فيني لمممن طلع راسها
وسووو لي الجراحه الكريهه

:

الله يساعدكم بنات
بكريات حبيباتي ترا الألم يختلف من وحده لوحده
واللي حوظها أصغر من حوض غيرها أو رحمها مافي مرونه للشد والدفع راح تتعب موووت

والعكس صحيح

الحمد لله تاريخ ولادة بنوتتي 10 رجب
ونااسه وقت مولد

وهذي قصتي
وننتظر قصت كروشات الحوي الباقي اللي ينتظرون الولاده

وألف تريليوووووووون مليوووووووون مبرووووووووووووك لريوم على البنوته القمره
وربي يخليها لك ولأبوها

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
دردشة حوامل أهل جدة - دردشة بنات جدة - تجمع حوامل مدينة جدة	LOOLOO	إستفسارات حوامل من الشهر السابع إلى الشهر التاسع	6422	01-02-2012 07:40 PM
دردشة حوامل أهل قطر - دردشة بنات قطر - تجمع حوامل قطر	اميره نفسى	إستفسارات حوامل من الشهر السابع إلى الشهر التاسع	248	01-01-2012 03:49 PM
حوامل الأحساء .. سؤال	ياسمين0	إستفسارات المستشفيات و عيادات نساء وولادة	23	10-22-2011 02:43 AM
دردشة حوامل مصر - دردشة بنات مصر - تجمع حوامل مصر ‏	دودى اشرف	إستفسارات حوامل من الشهر السابع إلى الشهر التاسع	23892	08-22-2011 07:42 PM
دردشة حوامل مصر - دردشة بنات مصر - تجمع حوامل مصر	برنسيسه المنتدى	إستفسارات حوامل من الشهر السابع إلى الشهر التاسع	39050	04-30-2011 07:02 PM