دردشة بنات العراق, دردشة حوامل العراق , تجمع بنات العراق

[White angel]

هلووووووووووووووووووووو حبايبي
ايام باك
طبعا اسفه بنات رحت تمشيت وخبيت الدنيا ههههههههههههه
اهلا وسهلا بحبيباتي رقيه وغفران عاشت الاسامي حبايب
واتشرفت بمعرفتكم اكبادي

عيني رقرق انطيج الاسماء وانتي حفظيهم
ام مهدي..ملاك ودلعها ملوكه
فوفو...فاديه
المغتربه..ساره سراوي
ام ايهومي نجلاء
همممم بعد منو
ام نورهان يمكن انفال هههههههههههه ماادري فله لان اسمين عندها ومدوختني
اامرأه الفرح رند
شهد عمري ..لحد الان جاري البحث هذا اسم بنتها وامشينها عليها شهد
مي هي نفسها ميووووشه
لكم ذكروني نسيت
هااا قمر بغداد..هبه
وعسل بغداد عسوووووووووووووووله اما عن اسمها نسيت هههههههههههههههه
نورا هي نورا
وفرح عمري هي نفسها فرح


ومن صدك مشتاقة النورا وقمورة وعسوله مختفيات شنو هاي هيج اطفالكم يلهونكم عنه
يعني نورا خانم تعالي بس سلمي وعوفينه شويه من عبوودي اغااا
وقمورة ولج شنو جمجم خانم اخذتج منه
عسوووله تعالي سلمي وطلعي وعوفي كرموووش شوويه

[White angel]

المشاركة الأصلية كتبت بواسطة شعور الامومة

طبعا زنوبة جنت اتخيلج اكبر ماشاء الله ممبين عليج يعني اقصد كلامج أرائج حلوة متوقعت عمرج 21 طلعتي زغيرونة
اي وباقي البنات منو تعرفين اسمائهم مرات تحجون بلأسماء ماأعرف على منو دتقصدون

احم احم تعرفين الناس يصيرون خبره
تره عمري 21 سنه بس وداعتج راسي مليان شيب هههههههههههههههه
يمعووده الي يعيش بهاي الدنيا يكبر 1000 سنه ليكدام
دنيا تخووف والله اليستر علينه وعلى ازواجنا واولادنه

[مي &]

هلو بنات شلونكم شخباركم

اووووووووووووف طاكه روحي من كماشه والله خانكتني العبره من وراهه يالله والله اتموت قهر هااي


خلي اسولفلكم واحلفكم بداعة اعز شي عدكم احكموا .....

كدعت اليوم الصبح ونزلت اني وابرار طبعا زوجي طالع من الصبح وكال ما اشتهي اتريك واني من ميتريك ان همين ما اتريك

المهم ..

كعدت البيت صنطه ولاهس ولانفس ....!!! كلت اخاف طالعة تتسوك
وكلت عمي اكيد فوك يكتب >> عمي مفسر قران

لملمت وغسلت مواعين العشا مالت حضرتها وحضرت بنتها >> اتخيلوا يوميه على هلحال ميغسلن مواعين العشا مالتهن
واني وزوجي عشانا وحد بس هو اصلا البارحه اني وزوجي اتعشينا ابيت اهلي ....

المهم وره مغسلت مواعين اغسل والريحه الموطيبه بعدهه بلمطبخ يابنات ريحه تكتل كتل
باوعت ورايه شفت جدر على الطباخ كلت اخاف منه كشفت الجدر واولي يمه ياريتني ممكشفته ويييييييييييييييييييع
لعبت نفسي وصار عندي غثيان

لكيت جدر مال الباجه >> البارحه جان غداهم باجه ويع حشه نعمة ربي اموت منهه

المهم هم باجه وهم مكطنه ومعفنه الخانم ناسيتهه على الطباخ من البارحه بليل الى ان خااااااااست

جبيتهه ونظفت وغسلت وقاصر ومعطر وخلص الحمدلله

طبعا وكل هااي هي ماكو بعدين سمعت نحنحتهه بلغرفه ومطفيه الضوه والحجي الساعه 10 ونص ...!!!
كلت ايجوز مريضه الله واعلم >> بس هو اني ادري عرج ميطكهه


بس ابرار طبتلها للغرفه وكامت اتكركر وتشاقه وتتمضحك ويه ابرار >> مو كلتلكم عرج ميطكهه

صارت الــ 11 وشويه كلت خلي اسوي غده ومتعودين هي الي اتكولي سوي فلان شي لان عيني كلمن مزاجه شكل وبتهه مو كلش اتحب في هي الي اتقرر

كلت شسويلهه خلي تبقى ابغرفتهه والله ماروحلهه واني ادري بس اطب يمه واسالها هسه اتكول والله شمدرينيه واوي يوميه هلسؤال >> حافظه قوانته

طبخت تمن وطلعت طبخه مال باميه كلت اسوي باميه وشفت ماعدنه لحم شسوي ما ادري خابرت زوجي كال عندي شغل والله واني حايره .....
وطبعا الي متعرفو احنه عدنا حارس بره الباب انوصيه ويجيبنه بس المشكله زوجي مانعني احجي وياه واطلعله اوصي على شي

وهي جوده ولاطلعت ولاكالت خاله اخاف محتاجه شي

المهم الله بهلحيره نزل عمي من فوك كتله عمو عفيه كول للحارس ايجيب لحم كال اي وراح ركض كله >> ربي ايخلي ويحفضه

كال شراح اتسوين كتله باميا كلي ليش متسوين فاصوليا ؟؟؟ كتله اي صار
كال تستوي؟؟؟ كتله اي هسه اخلي بجدر الضغط


المهم كمل اطبخ والحمدلله .............


وكت الصب طلعت اتشوف شمسوي ممسويه >> عبالها ما ادبرهه

جان تبدي

-فاصوله ؟؟؟ كتلها اي !!!

-ليش مو فاصوليه جيتي (هاي نوعيه جايبنياهه من بره ولونه جوزي )؟؟؟ كتلها عمو راد هاي الفاصوليه

-زين ليش امركبه الفاصوليه الصغار مو الكبار ؟؟ كتلها ليش الصغار همين طيبه وبعدين مستويه مو ؟؟

-مجاوبتني !!!!!!!!!!!

-ليش هيج ؟؟؟ مفتهمت شنو قصدهه بس مسألتها لان ضوجتني

-جان اتكول المي هوااايه كلش (قصدهه مال الفاصوليه )

وضلت اتصيح على بتهه الي جايه توهه من الكليه اتصيح يله ودي السفره ودي المواعين وهلحجي الله شاهد اني دا اودي

ما ادري ليش ضاجت ؟؟؟؟!!!!! >> مسويه روحهه هي ام الانه

ستونه مديت ادي دا اخلي لكمه ابحلكي

وجان اتكول هاااي اخاف ممستوي اللحم >> اتخيلو ميكفيهه كل الحجي والنقنقه مالتها

كللها زوجي يله تعال اكلي

كلتلها اني صايمه

شفتو الحـقـــ........

ولا تحجي ولا اتكولي اني اني صايمه



زين اطلعي كوليلي خاله اني صايمه سوي فلان شي او حتى اذا محتاجه شي

الله اكبر

لا وفوكاهه تتامر وتتذمر كملنا اكل ولميت السفره وخليتهن بلسنك ومغسلتهن صعدت فوك

زوجي حس بيه كالي شبيج كتله الساااااااااااااالفه كله وبجيت لان حيل انقهرت
بس كتله هلحجي من لساني لكلبكلتروح اتكلهه شسوي والله اتحمل واخاف ايكلهه احجايه وتصير مشكله
شسوي اتحمل والله كريم

مدامه هو يصبرني


اسفه والله يبنات طولت عليكم ودوختكم بس شسوي ارد افضفض وحتاجه كلامكم الي ايريح

شسوي وياهه لون اتصرف وياهه

اذا الزين ميفيدهه ؟؟؟؟؟؟؟؟؟؟؟؟؟


اوف الله كريم

[بدور السماء]

هلو بناتي شلونكم
حبي ميوش الله يعينج حبي ميخالف اتحملي على الاقل لخاطر زوجج ولبسيها صدكي من تلبسيها تصير ادمية وياج واذا مصارت عوفيها والله بس تبقين تقهرين بنفسج حبي صبري وكولي حسبي الله ونعم الوكيل وهو ياخذلج حقج منها
بس انت لتبقين تقهرين بروحج وسلميها لالله

حبي ملوكة شلونج حبي خير انشالله اهم شي متبقى عندج مشاكل وتحليها بسرعة سحلول شلونة روح الروح

زنوب قلبي شلونج شلون صرتي؟؟
رقية وغفران ورنود وشهود وسراوي ونجولة وام نورهانة والكللللللللللل
شلونكم عساكم بخير

[مي &]

تسلمين بدوره حبي

بس والله لابستهه شسويه مابيدي غيرشي لخاطر رجلي

بس دا احسهه ده تتمادى وبابيدي غير اسمع واطنش واحس كلبي انملى خلاص مااااااااااااااااااااا اتحمل

[بدور السماء]

حبي والله انا دا احس بيج لان انا هم عايشة مثلج ودا امر بمثل هاي المشاكل بس مو وية خالتي بس وية مرت حماية
شنسوي حسبنا الله ونعم الوكيل

[بدور السماء]

اكولج جربي هاي الشغلة من تكوم تسمعج حجي سوي نفسج مدايرة بال وكومي دمدمي بينج وبين نفسج علساس دتغنين وخليها تموت قهر بس ديري بالج ترديلها وتنفهيلها لان من تكوم تحجي هية اصلا قصدها تحجيج فمن مديرين بال راح يكتلها القهر
جربي وكولي كالت بدور وادعيلي

[مي &]

اااااااااااااااااااااوف اي والله حسبي الله

ولج مقهوره منه قهر الله بس يعلم بحاله

اني كتبتلكم جريده شطولها بس هااي متجي قطره بحر عمايلها

تعبت والله تعبت احس بعد ماعندي قوه والله

والمشكله زوجي اسولفله مقتطفات خطيه ينقهر شسوي هيه هم مرات تحجي عليه لو جابلها الدنيا وخلاها ابكفهه تحجي عليه

امهات اخر زمن



طبعا الي متعرفوه الي ده اتسوي ويايه سوته ويه حمايه ومرته تالي حمايه اخذ مرته وطلع بيت وحد


يفتهمون ....والله


بس المشكله زوجي من النوع الي ايكول امي شما سوت بيه وعملت اني اريد ابرهه فااتحمل اني من اشوفهه يحجي هيج اسكت

شسوي شحجي ؟؟؟؟


بس هي ميبين ابعينهه الزين


بس هذاك اليوم اتكاركت وياه وهو كام ايصيح كله تره اخذ مرتي واطلع

بصراحه اني اكيف نطلع بيت وحد بس احسهه مستحييييييييييييييييله
لان مثل مكلتلج زوجي ايكول اريد اخدم امي وابويه


شسوي دبروني؟؟؟

[مي &]

صارلي سنتين متزوجه والله يشهد بداعة بنتي ممجاوبتهه فديوم

لان ماعندي خلك المشاكل ولان لخاطر زوجي

دائما احااول اسكت لو ماجاوبهه لو اشغل نفسي باي شي

[بدور السماء]

حبي الله يعينج شنو طالع بيدج حتى تسوينه
والله انا هم مثلج خو انا صارلي 3 سنين واكوم واكعد اسمع الحجي بالنازلة وبالطالعة
وما اكدر احجي لان انا بت خالتهم وهي غريبة اكول باجر عكبة يكولون الغريبة طلعت احسن من كرايبنا وهاي الي الله