تجمع حــوامل التوائم

[(سوسو)]

محجبه ...زود الغلا ...جومانا ..وباقي البنات اللي بالسادس
وينكم؟

[زود الغلا]

صباح الخير
شلونكم ؟؟؟؟؟؟؟؟؟؟

[زود الغلا]

شلونك سوسو ؟؟
شخبارك مع الثقل ؟؟؟
انا الحمدلله من اول يوم بالرابع قالولي توامي بنات وكل السونارات يقولون بنات .

[توأم روحي]

بنات شلونكم
ام ياسمين ، جمانا ، حزنالزمان ، سوسو ، زود الغلا : شكرا على الرد طمنتوني
باجر انشاءالله اسوي سونار و اطمنكم ودي اجهز قلبي زايغ على ملابس البنات بس زوجي يقول نطري تأكدي أول أهو وده بتوأم اولاد و انا ودي في بنت وولد لأن بنتي عمرها 5 سنوات و تبي اخت والله كريم اللي يجي من الله حياه الله

[محجبه]

هلا سوسو شلونك وبنتك الصيوح وشلونها
هذا انا اراقبكم عن بعد بعض الاحيان يصيبني كسل
وكل البنااااااااات اللي بالسادس امس رحت سويت سونار وطمنتني على الكتاكيت ووزنهم تقول حوالي كل واحد خمس مية قلت واااااااااااااااو يادكتوره وكل هالكرشه ووزنهم كذا اجل وشلون اذا صارو كل واحد كيلو وش بيصير بطني يارب تخليهم لي وتحسن خلقهم بس جاني احباط لانها نقصتني كم يوم مادري اش الصح السونار ولاحساب الدوره صراااااااحه صرت اكره اخذ سونار لانه يحطم ويحطم بقوه

[حزن الزمان]

بنات شكرا على سؤالكم عني ... بالنسبة للي تسأل عن المستشفى هو مستشفى حمد وانا من قطر ... وبالنسبة عن العملية هي عملية قيصرية ولادة وليش لان نزل معاي ماي ... ومابي بالثامن لان مابيهم يدخلووون حضانة وروس البيبيات كان واحد فوق واحد تحت من السابع وفي الثامن سبحان الله صارو 2 فوق ومازالووو

[أم حمودي المملوح]

إن شاء الله ماتولدين إلا بالتاسع ولا يدخلون حضانة

[لغة الحب]

السلام عليكم

حبيت ابشركم اني ولدت ولله الحمد وجبت توام ولد وبنت طبيعي بس للاسف جاني نزيف بعد الولادة ب 4 ساعات وشفت الموت ب عيوني لكن الحمد لله على كل حال
ولي الان 10 ايام وتعبانة واوعدكم ادخل اعطيكم قصه ولادتي كامله الي انتهت بعمليه ل وقف النزيف واعادة الخياطة مرة ثانيه

[ليال العيد]

لغة الحب الف مبروك على الولادة يتربون في عزك
وعز ابوهم
وعقبال الحوامل انشالله

[محجبه]

مبروووووووووووووك كللللللوليش الف الف مبروك لغة الحب ويتربون بعزكم وعقبالنا يارب والحمد لله على سلامتك

كالعاده هذي عويدتي يابنات دايم اطيح باخبااااااار الولادة واصير من اللي يردون بسرعه يارب متى يجي وابشركم