تجمع حوامل المدينة المنورة

[حجازيه]

مراحب

عذبوك أشوفك مستعجله ع الولاده ترا مهما استخدمتي ماراح تولدي الى باليوم اللي كاتبه ربنا
ريحي راسك وكبري المخده وإنسسي ~ الله يسسهلك إن شاء الله

[عذبوكـ ياقلبي]

هلا حجازيه
اي والله نفسي اولد اليوم قبل بكره
بس على المرة انا اسأل لأنو معايا افرازات حكه من تحت
وحطيت المرة بمويه وامسح بالقطنة قلت تعقم
وبعدين قريت انها تفتح الرحم واستغربت لأنو اللي اعرفو انها تعقم بس

[حجازيه]

تيب خذي غسسسول

أفضل من إنك تاخذي شي ماتعرفي اش أضراره

[عذبوكـ ياقلبي]

بروح ان شاء الله بكره الصبح الدكتوره
لانو والله جننتني الحكه

[فجر العيد]

السلام عليكم

[بذخ~]

هـلا حبوبات ..
كيفكم ؟
اخبارك حجازية وعذبوك ياقلبي لسى ماولدتو ؟
هلا فجر العيد كيفك ياعسل ؟

[فجر العيد]

هلا فيك
تمام الحمدلله
انتي كيفك
حبيت اسألكم عن حمض الفوليك متى الحامل توقف عنه؟ ولا تاخذه للشهر التاسع؟

[بذخ~]

انا وقفته من الرابع وبعد كدا الدكتورة كتبت لي الحديد كان معاه حمض الفوليك ..
هوا اهم حاجة في الشهور الثلاثة الأولى..

[فجر العيد]

انا الدكتوره قالتلي خلاص وقفيه لما كنت بنص الشهر الخامس وصرفتلي حديد لحالو وكالسيوم وفي المراجعه الثانية لقيت دكتورة غيرها صرفتوا ليا قالت لازم الحامل تاخذو للتاسع حيروني مره ماني عارفه اخذو ولا لا

[بذخ~]

ايوة سمعت انو في ناس تستخدمو طول الحمل هوا مفيد على فكرة فأحسن لو تاخذية والمراجعة الجاية تأكدي من الدكتورة