ديوانية البحرين - دردشة حوامل البحرين - البحرينيات

[طفلي حياتي]

لا ناس من الخامس تطلع ناس الرابع اني توني شفتها اول مره خفت هههههههه هبالتي ووقفت ويوم وقفت خفت بعد تقولين مسلسل عندي واليوم طلعت مني ووياها شوي اصفر لو يتراوى لي واقوم اخاف وابحث ياعلي مر مر اني لو تشوفيني وسواسي واقوم لش اعصر فيه ابغي اتاكد هو حلب لو بس لزوجه وحسيت يعورني صدري ... اهم شي ارضع ولدي طبيعي مابغي اعتمد ع المراضع اني

[بنوتة حلوة]

لاتحوسين في روحش ,, اني كلش ماطلع ليي شي يمكن يطلع بعدين خخخخ شككتيني في روحي يمكن ماعندي بعد !!

وشحووال بعد ؟؟ تصدقين بديت في اللحاف .. عاجبتني السالفة بس احسه بيصير ثقيل خاصة اني مشترية الصوف المتين ..

[طفلي حياتي]

مايصلح المتين الحين في خيوط قطن او صوف خفيف عشان تقدرين تستخدمينه بسهوله اذا متين يصير ثقيل

[بنوتة حلوة]

المشكلة بديت فيها وصراحة ماليي نية افلت الصووف عقب كل هالتعب انكسر ظهري عشان اجوف بس شلون بتصير ,, قولش اغير الصوف يعني ؟؟

[طفلي حياتي]

سويه لكن للبيت خليه تغطينها به واذا كمل سوي واحد ثاني اخف للطلعه وخليه ملون الوان هادئه

[طفلي حياتي]

اني عندي قطعة خلق من ضريح الحسين سلام الله عليه ستن الخلقه وقلت بخليها اطرافها كروشيه وفي وسطها نمرر لخيوط عليها بس تفاوتت اسعار اللي طلبت منهم ويوم حصلت وحده وسعرها عجبني وقريبه من بيت ابوي عقب جمن يوم رجعتها تقول بتراجع شكلها تقول مكلفه ومتعبه وبس بخمسه دينار خخخخخخ مععني محصله وحده بتسويها جدا رخيص لكن من مكان بعيد واخر شي قررت اني اشتري كروشيه جاهز واخليها وياه اخيطها اني او الف البيبي يتبارك بها او اي شي

[بنوتة حلوة]

اي بس اني متحمسة على هادا لكن صدق شكله بيصير ثقيل مع ان الوانه حليو الخيط منه وفيه يتغير اللون بنفسجي ووردي وازرق ,, كلش ناعم بس غامق شووي ..

ويش اخبار تجهيزاتش انتين ؟؟ لو ماسويتين شي للحين ؟

[بنوتة حلوة]

اي خله ينام عليها فرحااان خله يتبارك بهاا وامسحي بها دايما على بطنش عشان الله يحفظه :)

اني عمتي راحت العراق في عرفة واشترت حق بتي فوانيل صغار مسحتهم على الضريح وجابتهم مع ان هم يعني عاديين كلش بس حسيت ان فيهم شي بركة واستانست عليهم عدل @@

[طفلي حياتي]

ماسويت ولا شي لانيماعرف وشفيني وهالريل يملل ما يشجع يمكن اذا صارت التخفيظات تنتشجع
توني بسألش وين سويتين سونار وبجم؟؟ وتنصحيني به لوتعرفين غيره ارخص واقوى

[بنوتة حلوة]

اني استغرب من كلمة سونار .. ويش قصدكم به ؟؟

الالترا ساوند اللي يراويش داخل ويش في ؟؟ كل شهر اسوي لاني اتابع في مستشفيات خاصة وماطبيت المركز ابدا ابدا ..

اروح لدكتورة اسمها فهيمة المطوع عيادتها في الزنج .. وهي اللي قالت ليي بداية الشهر الرابع ان فيني بنية .. واتابع ويا دكتورة هندية اسمها كيران في ابن النفيس تاخد 15 دينار على الزيارة وبعد قالت ليي بتجيبين بنية ..

ناوية اسوي التصوير الرباعي نهاية السابع عشان اجوف شكل بتي ..