تجمع حوامل سوريا-دردشة ورود سوريا-دردشة الغاليات

[ام ندوشة]

كيفكن صبايا هاقد عدت من جديد لك اشتقتلكن كوماياااااااااااااااات وخيرات الله بس نسيت كلمة السر تبع حسابي يلي هوو ندى الشام وحاولت استردا كتير وما قدرت لهيك عملت حساب جديد * كيفكن كلكن

[ام ندوشة]

ام نايا كيفك انتي وهالامورة الصغنونة انشالله حبابة ومابتعزبك \ والله وطلعتي مالك قليلة بالطبخ طباخة وماهرة كمااان يا عيني يا ريتني جارتك ههههههه *

[ام ندوشة]

ميورة كيفك انتي والببابي هنودة عريس التجمع طمنيني عليه في شي عروس جديدة حاطة عينا عليه * وكيف الحمل معك الله يكون بعونك ويتمللك على خير يا رب

[ام ندوشة]

وام ملااااك كيفك حبيتي وملوكة ومالك طمنينا عليهن والحمل معك انشالله تمام والله يتمللك على خير

[ام ندوشة]

سروءة وسيريا وبسبوسة زوجا وشام الهوى وجوري الشام وسيلا ام كرومة وكل الصبايا اسفة ازا نسيت حدا بس صاير معي زهايمر هههههه وعم انسى كتير حتى زوجي ملاحظ عليي هالشي

[ام ندوشة]

الف مبروك والحمد لله عالسلامة شذا وانشالله تتربا بعزكن ولادلكن ربي يحميلك ياها والف مبررررررررررررررروك* ولو انو متاخرة كتيررررر بس اعزريني ماكنت عم فوت عالتجمع

[ام ندوشة]

اخباري انا * الحمد لله على كل حال منيحة وتعبانة كتير تقل فظيع مع انو بطني صغير ووزني عادي جداااا بس تقلانة حاسة حالي مالي حيل قوم وازا قمت اشتغلت بلهت وبتعب فوراا وعدا عن هيك وجع الضهر والعظام هلكني اخخ حالة ومن اسبوع تعبت حالي بشغل البيت ام صار معي انقباض بالرحم ووصفتلي دكتورتي دوا لتحسنت شوي انا هلئ بالشهر السابع وندى صايرةمشاكسة وهما الوحيد اللعب وتروح مشوير ههههه اخخخخخخخخ وجعتلكن راسكن مو لاتواخزوني طولت عليكن سلاماتي للجميع ودعولي

[syria]

]ام ندوشة انا تمام انتي كيفك

نايوتا هو هيك كنت حابة امشي بس المشكلة زوجي بيتاخر بشغلو وبيجي تعبان يعني مافيو ياخدني يمشيني

وهو فوء المنا ما بيرضا اطلع وفوت لحالي يعني محبوسة بللبيت وبيتي صغير ئد كف الايد


فكرت اني ازا اطعت اكل البزر والموالح والشيبس والشوكلا واخر وجبة الي ئبل ما نام تكون فواكه او سلطة
رح يخف وزني مدون ما يأثر عالبيبي او علاقل مايزيد

[بسبوسة زوجها]

ام ندوشة اهلين فيكي والله اشتئنالك طولتي الغيبة وانا حبيبتي صرت بالسابع بس باولو
وانتي أديش الك بالسابع ؟وانا كمان ضهري هالكني وماعم بصرلي ارتاح اكيد بتعرفي معاناتي مع بيت حماي لان صرعتلكن راسكن بمعاركي المهزومة مع حماتي ههههه
اي خبرينا شو عم تطبخي لان مافي غير انا وام نايوتا منئلكن شو عم نطبخ وانا ازا بتئول ام نايوتا عاملي بيض مسلوق
بسألها كيف طبختي؟!! هههه لان طبخها بشهي انا ياما آكلي عندها!! ههه
حبيبتي لابئى تغطي هيك غطات طمنينا عنك
صحيح شو جنس البيبي والله نسيت خربطت بينك وبين ام جوجو

[ام ندوشة]

هلا بسبوسة كيفك حبيبتي اكيد بعرف معاناتك اخخخ كلنا متلك لا تشكيلي ببكيلك هههه الله يكون بالعون * جنس البيبي بنوتة رح يصير عندي بنتين باذن الله * الله يقومنا بالسلامة * انا كل 13 شهر بفوت بشهر جديد يعني ب13 الشهر الجاية بخلص السابع وبفوت بالتامن * ويبدأ العد التنازلي للولادة*انا طابخة معكرونة بالخضار والهوت دوغ مممممم شو طيبة وانتي شو عاملة عالغدا يا حلووة