دردشة بنات فلسطين, دردشة حوامل فلسطين, تجمع بنات فلسطين

[احساس أنثى]

كسلانين ياصبايا

وانا بدي اقوم اكمل نووووم

[بينك روز]

صباح الخير صبايا
شو اخباركم
هيني لسه ما ولدت
بس ما في عندي نت
وامبارح ما اجيت على المكتب
لانه كانت الكهربا قاطعه بالمكتب فستغليت الوقت وفضلت بالبيت

[بينك روز]

احساس ماشاء الله حلوين ملابس زوجك
انا اليوم بدي اطلع انا وزوجي نشتري
زوجي ما بشتري الا من محل 212 إلي بشارع النصر جنب مطاعم العافية
احساس حبيبتي لما رحتي على الدكتور الخاص شو حكالك بالزبط
وبدي اسئلك كيف حركة الجنين عندك
بتعرفي انا عندي وجع ببطني من تحت زي الي حدا خابطني بجعني كتير

[أم عزمي]

صبااااااااااح الوررررررررررد
بدي أقوم ربع ساعة أرتب البيت و المطبخ مع اني نمت و هما مرتبين بس أبو العزوم الله يرضى عنه و يهديه يا ربي سهران يعني البيت مئلوووووووووووب ههههههههه

[أم عزمي]

المشاركة الأصلية كتبت بواسطة حواء مثالية

ام عزمي عشان نريح برلنت وهويدة من شغل الحموات من جارة يعني ههههههه مو عشان بنتك

ههههههههههه لا يا هبلة بنخليهم مع بعض و بيتفقوا عليها هههههههههههههههههههه

[أم عزمي]

المشاركة الأصلية كتبت بواسطة عسولة فلسطين

صحتين يا هبة
المبكبكة هاي أكلة ليبية
بس هاتيلي طريقتها اشوف زي ما صاحبتي بتعملها؟

أهلين ام عزمي وحواء هههههههههه اتفقتوا على جارة؟

ههههههههههههههههههه راح نخليهم يتفقوا عليها عشان أي حركة كدت و لا كدا يضربوا بالمليان على رأي المصريين أي حركة حضرب بالمليان ههههههههههههههههههههه
وين جارة تيجي تسمعنا لتبطل عن بناتنا ههههههههههههههه

[أم عزمي]

المشاركة الأصلية كتبت بواسطة احساس أنثى

مسا الورد للجميع اكيد قكتو تعملو سحور ... أنا دخلت هلأ لأني رحت انا وماما مشينا بالسوق شويه السووووق بالمره ميت ماحسيت في شي حلو قلت لبعد العيد بنزلوا عشان بعرفوا النسوان متعيدات هههههههههه ومنو بكون ولدت وعرفت كم خسيت وكم مقاسي حيسير

عسولة ربي يخليكي على دعواتك الحلوة ويعطيكي على قد نيتك ياعسل

أم عزمي ان شاالله اولد بهالتاريخ .. وربي يعوضك خير يارب .. والف سلامة عليها بنت خال زوجك ولله قشعر بدني مسكينه مانابها تعب الولاده كمان تعب الاهمال يخرب بيتهم شو هالشغل هاد ... بس احكيلي وين والده هيا ؟عندكم برفح؟؟

احسااااااااس حبيبتي تسلمي
و الله أنا لهلأ متدايقة عليها و الله ربي يكون بعونها فوق ما هي والدة بعملية كمان هالتعب هذا و بيشحططوا فيها من هون لهون
و الله ما بعرف بظن هي ساكنة بغزة لأنه أهلها عندنا بخانيونس مش برفح أنا آه و لما أخدوها على مستشفى ناصر ما رضيوا يقبلوا حالتها الا تروح مكان ما ولدت بس البنت ما ضل فيها حيل كانت راح تنفجر و من هون لهون و بالواسطات في دكتور بيعرفهم هو اللي تابع حالتها و حطلها القسطره يخرب بيتهم شايفين المرة بتموت و قال مش قابلينها شو هالقرف هذا بطل فيه ضمير يا بنت الحلال لااااااااا و قال عشان العملية تبعت الكلية قال كانوا بدهم يأجلوها لبعد العيد عشان بيقولوا انه باب الكلية اللي بدهم يحطولها فيه البربيج صغير لولا هالدكتور ربنا يأخد بإيده قال بدي أعماها على عاتقي و الله و يا حرام ولادها اتنين صغار وراها غير اللي ولدته و أبوها مسافر بمصر و امها و عمامها حايسين معها و الحال بالويييييييييل ربي يطلعلها
و الله هي انتفست البنت لأنها شقرة و ولادها بيض و شقر و جابت 3 ولاد ورا بعض و حلوين طبيعي انه الناس يطلعولها يخرب بيتهم الناس بيحسدوا الأعمى على عصايته يلا بعين الله حيبتي ربي يجعل ولادتك طبيعية و سهلة بجاه حبيبه محمد صلى الله عليه و سلم انتي لا تخافي وكليها لربك حبيبتي
معلش طولت عليكي بالحكي و الله من قهري و البنت مش كبيرة بالعمر يمكن 21 أو 22 سنة

[أم عزمي]

المشاركة الأصلية كتبت بواسطة غُمُوض أُنثَى

يا الهي عالمأساااااااااااااااة ولك اقسم بربي انصدمت من الحكيييييييييييييي

بحكي لزوجي هيك انصدم لانه دكتور وعارف الوضع كيف .. بقلي ابصر الحالب كمان يرجع يشتغل ..

ياربي ياربييييييييييييييييي مش معقول دكاترة غزة بعاملو الناس كبقر مش كبشررررررر

ع فكرة يا بنات انا والله ماكنت بدي اقولكم واخوفكم ايامها بس ....

مرت خالي قبل شهر بالزبط تووووووووووووووفت .. بعملية قيصرية

والسبب " غلط دكاترة " .. فتحولها الشريان الاورطي بالغلط في العملية

وعلمكم الشريان الاورطي اكبر شريان بوصل الدم من القلب وازا انقتح خلص مافي مجال

حطولها 20 وحدة دم عالفاضي اصلا كانت ساعتها في عداد الموتى

والمشكلة انه ما عندها شي ولا مشكلة .. وحدة رايحة تولد ولساتها في التلاتينات وولادها اطفال كلهم

وفجأة تموووووووووووووووت

والفاجعة انه الولد يعييييييييييش وامه تموت .. ياربي ياربي حسبي الله ونعم الوكيل يارب

خالي وولادو لسا عايشين الصدمة ومش مستوعبين الوضع

وانا بالاول ماكانوا راضيين يحكولي الخبر بس عرفت بعدها بالصدفة

وهلأ رفعوا قضايا وفضحوا الدكاترة الي عملولها العملية الله يااااااااااااخدهم

حسبي الله ونعم الوكيل

اقسم بربي انهم بقر

طيب يا غموض كمان لما عرضوها بالمستشفى اللي عندنا ما رضيو يقبلوا حالتها قال غير تروح مكان ما ولدت الله ينكبهم لولا دكتور بيعرفوه تصرف بالموضوع
و كمان البنت بتموت و قال بدهم يأجلوا عمليتها لبعد العيد قال عشان باب الكلية اللي بدهم يحطوا فيه البربيج صغير لولا دكتور قال بدو يعملها على عاتقه و الله لو حولوها على اسرائيل كان أحسن الها
صحيح و الله قصة مرت خالك قالتها خالتي لما أجت تباركلي بميلاد هويدة يا روحي عليهم ولاد خالك و خالك طيب شو صار بالبيبي يا حبيب امه الله يرحمها و الله نفسي أعيط وما أسكت من كتر ما شفت شووووووو هي غلاوة الأم و الضنى يا الله شو غااااااااالي يا رب تلطف فينا يااااااااارب
لاااااا و كمان لما خالتي قالت هيك خالي قال إلنا كمان انه في دكتورة محممة بيبي في المستشفى مش قايسة درجة حرارة المية و طلعت المية بتسلق بالنسبة لجسم الولد الا هو نصه اللي تحت راااااااااح الله يخرب بيتهم و الله قلبي على حالي و على بنتي الله لا يوقعنا بايدين ولاد الحرام هدول يا رب

[أم عزمي]

المشاركة الأصلية كتبت بواسطة حيفا

صباح الخير صبايا

والله يا غموض وام عزمي لما قريت القصص انسم بدني يعني فوق وجع الولعده کمان بذوقوهم الحسره بعدها

الله يرحمها مرت خالک. وينتقم من کل واحد بستهتر بارواح البشر
فتعرفي عنا بالقدس مستشفي اسمه المقاصد عربي وکتيييير ممتاز
ومستشفي الهلال تحصصي للولاده وبرضه ممتاز
وهي مستشفيات مش خاصه بس مستواها کتيييييييير عالي
وکمان في خيارات ولاده عند مستشفيات اليهود, بتعرو قد ماهم حقيرين وعنصريين بس في الناحيه الطبيه متطورين وبالنادر لتصير تخطاء طبيه عندهم لانهم بعرفو انهم بتبهدلو وبدفعو. فلوس تعويض کبييييره اذا صار اي خطأ
يعني بعرف وحده وهي تولد وبسبب حرکه خطأ منها ضربو الکليه بمستشفي يهودي رفعت عليهم قضيه ودفعولها 2 مليون شيکل
بس في مستشفيات من اشکال اللي بتحکو عنها متلا في ببيت لحم مستشفي اسمه الحسين يعني کل فتره وفتره بنسمع بخطأ طبي. غبي
مره اعطو شب ابره طلق بدل ابره البنج هههههههههه وقالو الشب قرب يموت من الوجع اللي بعضلاته وجسمه کله
الله يهديهم بس


المهه يومکم سعييد
انا اليوم معزومه کالعاده, وانتوووو???2

ههههههههههههههه و الله ضحكتيني على الشاب عفكرة هذه القصة سمعتها قبل هيك
بالنسبة لمستشفى المقاصد كتييييييييييييير ممتاز بس بظن انه اللي بيشتغلوا فيه يهود لأنه ستو لجوزي عملت هناك عملية تغيير مفصل و شالولها المفصل و حطولها بداله مفصل صناعي و هيها رجلها اللي عملت فيها العملية أحسن بكتييييييير من الرجل التانية و بتفكر انها تروح تعمل عملية بالرجل التانية بس بطلوا يحولوهم من عندنا قال بيعملوها بمستشفى الأوروبي طيب فيه واحد عملولوا اياها و ناسيين يوصلوا الشريان تاني ولا ما بعرف شو بالزبط نسيت القصة المهم و تسببوا بقطع رجله و قال لما راحت تراجع هناك صاروا يتفلسفوا عليها و يقولولها المفصل اعوج و أبصر شو بس لما شافوها كيف بتمشي و بتثني رجلها قالولها أوووووووه وضعك ممتاز بس ليش عملتيها برة ما احنا بنعملها ممنوع يحولوكي مين الدكتور اللي حولك ما رضيت تقلهم عشان ما يعملولوا قصة
يخرب بيتهم والله صرماية دكتور يهودي بتسوى كل دكاترة العرب البهايم الله يعزك

[أم عزمي]

المشاركة الأصلية كتبت بواسطة احساس أنثى

صباح النور حيفا صاحيه من بدري

والله ياغموض زعلتيني ... الله يرحمها مرت خالك ... والناس تفضل القيصري عشان مافي وجع تنام وتصحى تلاقي ابنها جنبها

يارب تجعل ولادتنا طبيعيه يارب وتسهلها علينا

حبيبتي انشاء الله ربنا يسهلها عليكي يا عمري لا تخافي انتي توكلي على الله و الخيرة فيما اختاره الله لنا